pills for weight loss : బరువు తగ్గాలని ట్యాబ్లెట్స్ వేసుకుంటున్నారా… – can pills burn fat know here all details


అధిక బరువు ప్రస్తుతం అనేక మంది ఎదుర్కుంటున్న సమస్యల్లో ఇది కూడా ఒకటి. ఒకప్పుడు ఇది పెద్ద సమస్యగా అనిపించేది కాదు. కానీ ప్రస్తుత కాలంలో అధిక బరువు అంటే అనేక సమస్యలతో కూడుకున్నది. అందుకే ఇప్పటి తరంలో ప్రతి ఒక్కరు సన్నగా ఫిట్ గా ఉండటానికి ఇష్టపడతారు. ఇలా ఉండటానికి ఎన్నో వ్యయప్రయాసలు పడుతూ ఉంటారు. ఎందుకంటే ఫిట్ గా ఉండటం అంత సులువు కాదు. అందుకే జిమ్, వ్యాయామాలు, యోగా అంటూ పాటిస్తూ ఉంటారు.


ప్రస్తుత బిజీ జీవితంలో అనేక మందికి ఇవన్నీ పాటించే తీరిక లేక సతమతపడతున్నారు. ఈ బిజీ జీవితంలో తమకంటూ సమయాన్ని కేటయించుకోలేకపోతున్నారు. దీంతో శ‌రీరంలో అధికంగా పేరుకుపోయే కొవ్వును కరిగించేందుకు చాలా మంది ఇబ్బందులు ప‌డుతున్నారు. అందుకే బరువు తగ్గడానికి ఇన్‌స్టంట్‌గాగ అంటే త్వరగా బరువు తగ్గే మార్గాలను అన్వేషిస్తున్నారు. దీనికోసం మార్కెట్ లో లభించే వివిధ రకాల ఔషధాలను వాడుతున్నారు. బరువు త్వరగా తగ్గాలన్న వారి బాధను అనేక కంపెనీలు సొమ్ము చేసుకోటానికి మార్కెట్ లోకి వివిధ రకాల మందులు అందుబాటులోకి తెస్తున్నారు. ఈ మాత్రలు బరువు తగ్గించే మాట అటుంచితే వీటి వల్ల వచ్చే సమస్యల బారిన పడతున్నారు. వీటిని తీసుకోవడం వల్ల తాత్కాలికంగా బరువు తగ్గినప్పటికీ భవిష్యత్తులో అనేక సమస్యలకి గురౌతున్నారు. అంతే కాక మునుపటి లానే మల్లి బరువు పెరిగిపోతున్నారు. ఎంతలా అంటే ముందున్న బరువుకన్నా అధికంగా బరువు పెరుగుతున్నారు. అయితే బరువు అనేది ఆరోగ్యకరంగా తగ్గాలి. అప్పుడే ఫిట్ గా ఉంటాం.

Also Read : లాప్‌టాప్‌లో వర్క్ చేస్తున్నప్పుడు ఈ జాగ్రత్తలు తీసుకోకపోతే అంతే..

మరికొందరు బరువు తగ్గటానికి తిండి తినడం మానేస్తూ ఉంటారు. కఠిన నియమాలు పాటిస్తూ ఉంటారు. అయితే ఇది కూడా ఆరోగ్యకరమైన పద్దతి కాదు. ఎందుకంటే శరీరానికి అందాల్సిన పోషకాలను ఎప్పటికప్పుడు అందించాలి. ఒకవేళ తినడం మానేస్తే నీరసం అయిపోతారు. శరీరంలో గ్లూకోస్ లెవెల్స్ తగ్గి కళ్ళు తిరిగి పడిపోతారు. అయితే డైట్ ఫాలో అవ్వటం చెడ్డ విషయం కాదు. డైట్ ఫాలో అవ్వటానికి ఒక పద్దతి ఉంటుంది. డైట్ ఫాలో అయ్యే ముందు తప్పనిసరిగా మీ వైద్యుడ్ని సంప్రదించాలి. అప్పుడు మీ శరీరానికి తగ్గ డైట్ వైద్యుడే సూచిస్తారు.

అయితే చాలా మంది బరువు తగ్గే విషయంలో అనేక అపోహలకు ఉంటాయి. బరువు తగ్గటానికి ఇలా చేయాలి అలా చేయాలి అని అయితే అందరు అనుకునేట్టు బరువు తగ్గడం అంత కష్టమైన పని కాదు. అనేక మంది బరువు తగ్గటానికి వ్యాయామాలు, జిమ్ లు, ఆహారం విషయంలో నియమాలు ఇలా అనేక నియమాలు పాటిస్తూ ఉంటారు. అందుకే అలాంటి వారి కోసం బరువు తగ్గటానికి కొత్త ట్రిక్. ఈ బరువు తగ్గించే ట్రిక్ ఏమిటంటే మీరు బరువు తగ్గటానికి ఎటువంటి డైట్ లు, వ్యాయామాలు ఏమీ చేయనవసరం లేదు. అవును బరువు తగ్గటానికి మీరు చేయాల్సిందల్లా మీరు రోజులో ఏమి తింటున్నారో రికార్డ్ చేయడమే. అవును, మీరు చదివినది నిజమే.. మీరు ఏమైతే తింటున్నారో నోట్ చేసుకోవడమే బరువు తగ్గటానికి ఉత్తమం. ఇలా చేయటం వల్ల వారు బరువును ఆరోగ్యంగా తగ్గారు. దీని వల్ల ఎటువంటి సైడ్ ఎఫెక్ట్స్ ఉండవు. బరువు తగ్గటానికి ఈ ట్రిక్ ఉపయోగించి కొన్ని అధ్యయనాలు కూడా నిర్వహించారు.

Also Read : షుగర్ పేషెంట్స్ మామిడిపండ్లు తినొచ్చా..

ఒబెసిటీ పత్రికలో ప్రచురితమైన ఒక కొత్త అధ్యయనం ప్రకారం బరువు తగ్గించే కార్యక్రమంలో భాగంగా సుమారు 150 మంది ఆరు నెలలు వారు తిన్న ఆహారాన్ని నోట్ చేసుకున్నారు. ఇలా ప్రతి ఒక్కరు ఆరు నెలల పాటు ప్రతి రోజు వారు తిన్న ఆహారాన్ని రాసుకున్నారు. ఇలా చేసిన వారు అధిక బరువు తగ్గారు. ఇలా బరువు తగ్గిన వారు చేసిందల్లా రోజుకు 15 నిమిషాల పాటు వారి రోజులో ఏమి తిన్నారన్న దానిని రాశారు. అయితే వారు పెట్టుకున్న నినాదం ఒక్కటే

తినే ముందు నోట్ చేసుకోండి..


ఈ పద్ధతిపై మరో అధ్యయనం కూడా నిర్వహించారు. వెర్మోంట్ విశ్వవిద్యాలయం మరియు సౌత్ కరోలినా విశ్వవిద్యాలయంలోని పరిశోధకులు ఈ అధ్యయనాన్ని మరో మారు నిర్వహించారు. ఈ పరిశోధనలో పాల్గొన్నారు వారు కూడా బరువు తగ్గారు. అయితే వారు చేయాల్సిందల్లా వారు ఏమైతే తిన్నారో అది నోట్ చేసుకున్నారు. శరీర బరువులో 10% కోల్పోయిన వారంత మొదటి నెలలో ప్రతిరోజూ వారు ఏం తిన్నారో దాన్ని రికార్డ్ చేశారు.

నోట్ చేయడం అంటే ఏమి తిన్నామో రాయటం మాత్రమే కాదు.. దానికంటూ ఒక పద్దతి ఉంది. ఈ అధ్యయనం ప్రకారం, పరిశోధనలో పాల్గొన్న వారు తీసుకున్న అన్ని ఆహారాలు మరియు పానీయాలకు కేలరీలు మరియు ఎంత ఫ్యాట్ ఉందో రికార్డ్ చేయడం, అలాగే ఎంత భాగం తీసుకున్నారు, ఎంత పరిమాణం మరియు వాటి తయారీ పద్ధతులు ఇలా నోట్ చేసారు.

అసలు ఈ ట్రిక్ ఏంటి?


ఇది స్వీయ పర్యవేక్షణ, ఇది మీలో తేడాను కలిగిస్తుంది మరియు తిన్నదాన్ని రికార్డ్ చేయడానికి గడిపిన సమయం కాదు. మీరు మీ రోజువారీ ఆహారపు అలవాట్లను రికార్డ్ చేయడం ప్రారంభించిన తర్వాత, మీరు స్పృహతో తినడం ప్రారంభిస్తారు. మీరు వ్యర్థ, ప్రాసెస్ చేసిన ఆహారాన్ని నివారించడం ప్రారంభిస్తారు. ఈ అలవాటును అమలు చేయడం ద్వారా, మీరు రోజంతా చేసే అనవసరమైన చిరుతిండిని కూడా కొద్దీ కొద్దిగా తగ్గిస్తారు.

Also Read : మీ పార్టనర్ డేటింగ్ యాప్‌కి బానిస అయ్యారా.. అయితే ఇలా మార్చండి..

దీనికోసం మీరు చేయాల్సిందల్లా రోజంతా 15 నిమిషాలు వెచ్చించండి చాలు. రోజంతా మీరు ఏ ఆహారం తీసుకోవడం రికార్డ్ చేయడానికి రోజంతా సమయాన్ని కేటాయించాల్సిన అవసరం లేదు. ఉదాహరణకు- మీరు బ్రేక్‌ఫాస్ట్ ఏం తీసుకుంటున్నారో, మధ్యాహ్నం భోజనం, రాత్రి భోజనం ఇలా తిన్న తర్వాత 5 నిమిషాలు నోట్ చేసుకోవడానికి గడపండి. ఇది మీరు తినే వాటిపై క్రమం తప్పకుండా ఓ కచ్చితమైన అవగాహన ఉండాలి. దీని ద్వారా అనవసరమైన, వ్యర్ధమైన చిరు తిండి తినకుండా మిమ్మల్ని మీరు కంట్రోల్ చేసుకోవడానికి సహాయపడుతుంది.

అయితే దీనితో పాటు మీ దినచర్యలో 30 నిమిషాల వ్యాయామం తప్పనిసరి. ఇది మీ బరువును త్వరగా తగ్గించడంలో సాయపడుతుంది. పైన పేర్కొన్న ట్రిక్ తో పాటు సాధారణ వ్యాయామం చేయడం వల్ల బరువు తగ్గడం మరింత సులువు అవుతుంది.





Source link

Leave a Reply

Your email address will not be published. Required fields are marked *