PM Kisan Samman Yojana: పీఎం కిసాన్ 2020 లిస్ట్: మీకు రూ.6,000 వస్తాయో రావో ఇలా చెక్ చేసుకోండి! – pm kisan 2020 list: here’s how you can check if you made it to kisan samman nidhi scheme beneficiaries list


ప్రధానాంశాలు:

  • పీఎం కిసాన్ 2020 జాబితా
  • ఇందులో మీ పేరు ఉందో లేదో తెలుసుకోవచ్చు
  • దీని కోసం పీఎం కిసాన్ వెబ్‌సైట్‌కు వెళ్లాలి

కేంద్ర ప్రభుత్వం గత ఏడాది ఫిబ్రవరి నెలలో ప్రధాన్ మంత్రి కిసాన్ సమ్మాన్ నిధి స్కీమ్‌ను ఆవిష్కరించింది. రైతులకు ఆర్థిక తోడ్పాటు అందించాలనే లక్ష్యంతో మోదీ సర్కార్ ఈ స్కీమ్‌ను ఎంతో ప్రతిష్టాత్మకంగా లాంచ్ చేసింది. ఈ పథకం కింద కేంద్రం అర్హులైన రైతులకు ఏడాదికి 3 విడతల్లో రూ.2 వేల చొప్పున రూ.6,000 అందిస్తోంది.

కేంద్ర ప్రభుత్వం తాజాగా కొత్త ఆర్థిక సంవత్సరం ప్రారంభమైన నేపథ్యంలో 2020 కిసాన్ డబ్బులు వచ్చే రైతుల జాబితాను అందుబాటులో ఉంచింది. పీఎం కిసాన్ వెబ్‌సైట్‌లో ఈ లిస్ట్‌ను అప్‌లోడ్ చేసింది. ఈ జాబితాలో మీ పేరు ఉందో లేదో సులభంగానే చూసుకోవచ్చు. పీఎం కిసాన్ వెబ్‌సైట్‌కు వెళ్లి మీకు రూ.6,000 వస్తాయో రావో తెలుసుకోవచ్చు.

Also Read: షాకిస్తున్న బంగారం.. భారీగా పెరిగిన ధర.. వెండి పరుగు!

పేరు లిస్ట్‌లో ఉందో లేదో చూడటానికి pmkisan.gov.in సైట్‌కు వెళ్లాలి. వెబ్‌సైట్ ఓపెన్ చేసిన తర్వాత మెనూ బార్‌లోకి వెళ్లాలి. ఫార్మర్స్ కార్నర్‌పై క్లిక్ చేయాలి. తర్వాత బెనిఫీషియరీ లిస్ట్‌పై క్లిక్ చేయాలి. ఇప్పుడు రాష్ట్రం పేరు, డిస్ట్రిక్, బ్లాక్, విలేజ్ పేర్లు ఎంటర్ చేయాలి. తర్వాత గెట్ రిపోర్ట్‌పై క్లిక్ చేయాలి. ఇక మీ సమాచారం వస్తుంది. అర్హత కలిగిన ప్రతి ఒక్కరి పేరు జాబితాలో ఉంటుంది.

Also Read: పంట రుణాలు తీసుకున్న రైతులకు శుభవార్త: ఆర్‌బీఐ కీలక నిర్ణయం!

ఒకవేళ పీఎం కిసాన్ జాబితాలో మీ పేరు లేకపోతే.. అప్పుడు మీరే స్వయంగా స్కీమ్ ప్రయోజనాలు పొందొచ్చు. అంటే వెబ్‌సైట్ నుంచే స్కీమ్స్ కోసం అప్లై చేసుకోవచ్చు. అలాగే అప్లికేషన్ స్టేటస్ కూడా తెలుసుకోవచ్చు. ఆధార్ కార్డు నెంబర్,బ్యాంక్ అకౌంట్, మొబైల్ నెంబర్ సాయంతో అప్లికేషన్ స్టేటస్‌ను చెక్ చేసుకోవచ్చు.

కేవలం పీఎం కిసాన్ వెబ్‌సైట్ మాత్రమే కాకుండా పీఎం కిసాన్ మొబైల్ యాప్ కూడా ఉంది. దీని సాయంతో కూడా మీరు మీ వివరాలను అప్‌డేట్ చేసుకోవచ్చు. కేంద్ర ప్రభుత్వం ఇప్పటి దాకా ఈ పథకం కింద 8.89 కోట్ల మంది రైతులకు రూ.17,793 కోట్లను ట్రాన్స్‌ఫర్ చేసింది.



Source link

Leave a Reply

Your email address will not be published. Required fields are marked *