PM Kisan scheme: రైతులకు శుభవార్త.. బ్యాంక్ అకౌంట్లలోకి మళ్లీ రూ.2,000! ఎప్పటి నుంచంటే? – big news for farmers! 6th installment of pm kisan samman nidhi scheme rs 2000 will come in august


ప్రధానాంశాలు:

  • రైతు ఖాతాల్లోకి పీఎం స్కీమ్ డబ్బులు
  • ఆరో విడత కింద రూ.2,000
  • డబ్బులు అందించేందుకు కేంద్రం రెడీ

కేంద్ర ప్రభుత్వం అన్నదాతలకు మరోసారి తీపికబురు అందించింది. ప్రధాన్ మంత్రి కిసాన్ సమ్మాన్ నిధి స్కీమ్ ద్వారా అందిస్తున్న డబ్బులను మళ్లీ రైతుల బ్యాంక్ అకౌంట్లలో జమ చేయడానికి రెడీ అవుతోంది. ఆగస్ట్ నెల 1 నుంచి రైతుల బ్యాంక్ ఖాతాల్లో రూ.2,000 జమా చేయనున్నట్లు కేంద్రం తెలిపింది.

మోదీ సర్కార్ రైతుల కోసం ప్రవేశపెట్టిన కిసాన సమ్మాన్ నిధి స్కీమ్ ద్వారా వారికి ఏడాదికి రూ.6,000 అందిస్తున్న విషయం తెలిసిందే. మూడు విడతల రూపంలో రూ.2,000 చొప్పున రైతుల బ్యాంక్ ఖాతాల్లోకి ఈ డబ్బులు వచ్చి చేరతాయి. దీనికి అదనంగా మళ్లీ ఏపీలో వైయస్ జగన్ ప్రభుత్వం కూడా రైతు భరోసా కింద అన్నదాతలకు డబ్బులు అందిస్తున్న విషయం తెలిసిందే.

Also Read: PF Withdrawal: ఈ తప్పులు సరిదిద్దుకుంటేనే పీఎఫ్ డబ్బులు తీసుకోగలం.. లేదంటే..

పీఎం కిసాన్ స్కీమ్ సీఈవో వివేక్ అగర్వాల్ మాట్లాడుతూ.. ఆగస్ట్ నెలలో రైతులకు అందించే రూ.2,000 పీఎం కిసాన్ ఆరో విడత డబ్బులు అవుతాయని తెలిపారు. ఇప్పటి దాకా 9.54 కోట్ల మంది రైతుల వివరాలను వెరిఫై చేశామని పేర్కొన్నారు. అంటే వీరందరికీ పీఎం కిసాన్ డబ్బులు అందుతున్నాయి.

Also Read: మీ డబ్బును రెట్టింపు చేసే స్కీమ్.. రూ.లక్ష పెడితే రూ.2 లక్షలు.. కేంద్రం గ్యారంటీ!

పీఎం కిసాన్ స్కీమ్ కింద దరఖాస్తు చేసుకున్న వారిలో ఇంకా 1.3 కోట్ల మంది రైతులకు డబ్బులు అందడం లేదు. వ్యవసాయ శాఖ గణాంకాల ప్రకారం ఈ విషయం వెల్లడైంది. ల్యాండ్ రికార్డ్ కరెక్ట్ లేకపోవడం లేదంటే రైతులు ఆధార్ కార్డు అందజేయకపోవడం వంటి అంశాల కారణంగా వీరికి పీఎం కిసాన్ డబ్బులు రావడం లేదు.

కాగా పీఎం కిసాన్ డబ్బులు వస్తాయా? రావా? అనే విషయాన్ని సులభంగానే తెలుసుకోవచ్చు. పీఎం కిసాన వెబ్‌సైట్‌కు వెళ్లి ఫార్మర్స్ కార్నర్ అనే ట్యాబ్‌పై క్లిక్ చేయాలి. ఇక్కడ మీ పేరు పీఎం కిసాన్ లిస్ట్‌లో ఉందో లేదో తెలుసుకోవచ్చు. అలాగే పీఎం కిసాన్ స్కీమ్ కోసం సొంతంగానే అప్లై చేసుకోవచ్చు. లేదంటే పీఎం కిసాన్ టోల్ ఫ్రీ నెంబర్ 18001155266, పీఎం కిసాన్ హెల్ప్ లైన్ నెంబర్ 155261కు కాల్ చేసి స్కీమ్ వివరాలు, సమస్యకు పరిష్కారం తెలుసుకోవచ్చు.



Source link

Leave a Reply

Your email address will not be published. Required fields are marked *