PM Modi: కరోనా సంక్షోభంపై ప్రధాని మోదీ మరోసారి కీలక ప్రసంగం – coronavirus an invisible enemy, but our medics are invincible, pm modi says


కరోనా వైరస్ సంక్షోభంపై ప్రధాని నరేంద్ర మోదీ సోమవారం ప్రసంగించారు. క్షయ మహమ్మారిని 2025 నాటికి దేశం నుంచి తరిమేయడానికి నిరంతరంగా కృషిచేస్తున్నామని తెలిపారు. కరోనాపై ముందుండి పోరాటం చేస్తున్న డాక్టర్లు, వైద్య సిబ్బంది, పోలీసులకు కోటి దేశీయ పీపీఈ కిట్ల ఉత్పత్తి ప్రారంభమైందని పేర్కొన్నారు. కరోనాపై పోరాటంలో ముందున్న వైద్యులు, ఆరోగ్య సిబ్బందిపై దాడులను ఈ సందర్భంగా ప్రధాని ఖండించారు. కరోనా వీరుల పట్ల హింస, దురుసు ప్రవర్తనను క్షమించబోమని తెలిపారు.

దేశవ్యాప్తంగా 22 ఎయిమ్స్‌లను శరవేగంగా ఏర్పాటు చేస్తున్నామని వెల్లడించారు. గత అయిదేళ్లలో పెద్ద సంఖ్యలో ఎంబీబీఎస్, పీజీ మెడికల్ సీట్లను అదనంగా పెంచామని వివరించారు. అలాగే, ప్రతి జిల్లాలకు ఓ పీజీ మెడికల్ కాలేజీని ఏర్పాటుచేయడానికి ప్రయత్నిస్తున్నట్టు పేర్కొన్నారు. మనలాంటి దేశాల్లో సరైన వైద్య సదుపాయాలు అవసరమని ప్రధాని నొక్కి వక్కాణించారు.

కరోనా వైరస్‌పై దేశంలో ధైరంగా పోరాటం చేస్తోందని, ఇందులో వైద్యుల, కరోనా యోధుల కృషి ఎంతో ఉందన్నారు. టెలీ-మెడిసిన్‌లో వినూత్న మార్పులు తీసుకొచ్చినట్టు పేర్కొన్నారు. కరోనా కంటికి కనిపించని శత్రువు.. కానీ, మన ఔషధాలు అదృశ్య శక్తులేనని అన్నారు.

కరోనాపై చేస్తున్న పోరాటం మరింత సమర్థంగా కొనసాగాలని దేశ ప్రజలకు ఆయన పిలుపునిచ్చారు. భవిష్యత్తులో మరింత జాగ్రత్తగా ఉండాలని సూచించిన ప్రధాని.. కరోనా సంక్షోభంతో దెబ్బతిన్న ఆర్థిక వ్యవస్థ క్రమంగా పుంజుకుంటోందని ఉద్ఘాటించారు. ప్రతిఒక్కరూ భౌతికదూరం పాటిస్తూ మాస్కులు తప్పనిసరిగా ధరించాలని కోరారు. కరోనా సమయంలో ఎంతోమంది సరి కొత్త ఆవిష్కరణలకు నాంది పలికారని ప్రశంసించారు.



Source link

Leave a Reply

Your email address will not be published. Required fields are marked *