pmsby scheme: కేవలం రూ.12 కడితే.. మీ కుటుంబానికి రూ.2 లక్షలు! – how to get rs 2 lakh accident insurance for just pay rs 12


ప్రధానాంశాలు:

  • కేంద్ర ప్రభుత్వం నుంచి అదిరిపోయే ఇన్సూరెన్స్ స్కీమ్
  • తక్కువ ప్రీమియంతోనే రూ.2 లక్షల బీమా
  • ఏడాదికి రూ.12 చెల్లిస్తే చాలు

కేంద్ర ప్రభుత్వం చేపడుతున్న సంక్షేమ పథకాల్లో ప్రధాన్ మంత్రి సురక్ష బీమా యోజన (PMSBY) కూడా ఒకటి. ఇది ఏడాది పర్సనల్ యాక్సిడెంట్ ఇన్సూరెన్స్ స్కీమ్. ఈ పథకం ప్రకారం సంవత్సరానికి కేవలం 12 రూపాయల ప్రీమియం చెల్లిస్తే సరిపోతుంది. ప్రమాదం జరిగిన తరువాత 2 లక్షల రూపాయల వరకు బీమా రక్షణ ఇవ్వబడుతుంది. ప్రతి ఏడాది ఈ పథకాన్ని రెన్యూవల్ చేసుకోవచ్చు. ప్రమాదం జరిగినప్పుడు మరణించడం లేదా అంగవైకల్యం సంభవించడం వంటివి జరిగితే ఈ స్కీమ్ కింద డబ్బులు వస్తాయి. ఈ పథకం నమోదు కాలం జూన్ 1 నుండి మే 31 వరకు ఉంటుంది. మీ అకౌంట్‌లో మే 31న డబ్బులు లేకపోతే.. మీరు ప్రధాన మంత్రి సురక్ష బీమా యోజన పథకం ప్రయోజనాలు పొందలేరు. ఈ స్కీం ప్రీమియం మే 31న అకౌంట్ల నుంచి డెబిట్ అవుతోంది.

ప్రధాన మంత్రి సురక్ష బీమా యోజనలో 18 నుంచి 70 ఏళ్ల లోపు వయస్సు ఉన్నవారు ఎవరైనా చేరొచ్చే. ఏడాదికి రూ 12 ప్రీమియం చెల్లించాలి. ఈ బీమా చేయించుకున్న వారు ప్రమాద వశాత్తు మరణిస్తే రెండు లక్ష రూపాయలు అందిస్తారు. అదే విధంగా ప్రమదంలో శాశ్వతంగా అంగవైకల్యానికి గురైనా కూడా… రెండు లక్షల నగదు ప్రభుత్వం ఇస్తోంది. పాక్షిక అంగ వైకల్యానికి రూ. లక్ష అందిస్తోంది. అయితే 70 ఏళ్ల వయసు దాటితే ఈ పథకం వర్తించదు. ఈ స్కీం ద్వారా మీరు లబ్ది పొందాలంటే… మీ బ్యాంక్ అకౌంట్‌లో బ్యాలన్స్ తప్పనిసరిగా ఉండాలి. బ్యాంక్ అకౌంట్లోనే ప్రీమియం డబ్బులు నేరుగా డెబిట్ అవుతాయి. అకౌంట్‌లో కావాల్సినంత బ్యాలెన్స్ లేకుంటే మాత్రం పాలసీ రద్దు అయిపోతుంది. ఒక వేళ మీ బ్యాంక్ ఖాతా క్లోజ్ అయిపోయినా కూడా పాలసీ కూడా రద్దు అయిపోతుంది. మీకు రెండు బ్యాంకుల్లో వేర్వేరు ఖాతాలు ఉంటే కనుక.. అప్పుడు ఏదో ఒక అకౌంట్‌కు పాలసీ యాడ్ చేస్తే సరిపోతుంది.

మీకు ఏ బ్యాంక్‌లో అకౌంట్ ఉంటే ఆ బ్యాంక్‌కు వెళ్లి PMSBY పాలసీకి దరఖాస్తు చేసుకోవచ్చు. ఈ పథకానికి సంబంధించిన ఫారమ్‌ కోసం https://www.dif.mp.gov.in/pmjsby.htm నుండి డౌన్‌లోడ్ చేసుకొని బ్యాంకుకు సమర్పించాలి. ఈ పథకం కోసం ప్రీమియం మొత్తాన్ని మీ ఖాతా నుండే ఆటో డెబిట్ కోసం మీరు బ్యాంక్‌కు అనుమతించాల్సి ఉంటుంది. బ్యాంక్‌లు కూడా పిఎమ్‌ఎస్‌బివై ఇంటింటికి ప్రచారం చేస్తూ అవగాహన కల్పిస్తున్నాయి. ఈ వివరాల కోసం మీరు బీమా ఏజెంట్‌ను కూడా సంప్రదించవచ్చు.
ప్రభుత్వ భీమా సంస్థలు మరియు అనేక ప్రైవేట్ భీమా సంస్థలు కూడా ఈ స్కీంను అమలు చేస్తున్నాయి.



Source link

Leave a Reply

Your email address will not be published. Required fields are marked *