PNB news: ఈ బ్యాంక్ కస్టమర్లకు ఒకేసారి 2 గుడ్ న్యూస్‌లు.. మరో 2 బ్యాడ్ న్యూస్‌లు! – punjab national bank cuts repo-linked lending rate by 40 bps to 6.65 per cent


ప్రధానాంశాలు:

  • కీలక నిర్ణయాలు తీసుకున్న బ్యాంక్
  • డిపాజిట్, ఎఫ్‌డీ వడ్డీ రేట్ల తగ్గింపు
  • అలాగే రుణ రేట్లలో కోత

దేశీ రెండో అతిపెద్ద ప్రభుత్వ రంగ బ్యాంక్ పంజాబ్ నేషనల్ బ్యాంక్ (PNB) తాజాగా తన కస్టమర్లకు తీపికబురు అందించింది. పీఎన్‌బీ రెపో లింక్డ్ లెండింగ్ రేట్లను తగ్గిస్తూ నిర్ణయం తీసుకుంది. ఆర్ఎల్ఎల్ఆర్‌లో 40 బేసిస్ పాయింట్ల మేర కోత విధించింది. దీంతో ఈ రేటు 7.05 శాతం నుంచి 6.65 శాతానికి దిగొచ్చింది.

అంతేకాకుండా బ్యాంక్ నిర్ణయం కూడా తీసుకుంది. మార్జినల్ కాస్ట్ ఆఫ్ ఫండ్ బేస్డ్ లెండింగ్ రేట్లను (MCLR) కూడా తగ్గించింది. ఎంసీఎల్ఆర్‌లో 15 బేసిస్ పాయింట్ల మేర కోత విధించింది. అన్ని రకాల కాల పరిమితుల్లోని రుణాలకు ఇది వర్తిస్తుంది. ఆర్ఎల్ఎల్ఆర్, ఎంసీఎల్ఆర్ తగ్గింపు నేపథ్యంలో రుణం తీసుకున్న వారిపై ఈఎంఐ భారం దిగివస్తుంది. అలాగే కొత్తగా లోన్ తీసుకునే వారికి తక్కువ వడ్డీకే రుణాలు లభిస్తాయి.

Also Read: Credit Card, డెబిట్ కార్డు లేకుండా ఏటీఎం నుంచి డబ్బులు తీసుకోవచ్చు.. ఈ 4 బ్యాంకుల కస్టమర్లకే ఛాన్స్!

పంజాబ్ నేషనల్ బ్యాంక్ మరో కీలక నిర్ణయం కూడా తీసుకుంది. సేవింగ్ డిపాజిట్ రేట్లను తగ్గించింది. 50 బేసిస్ పాయింట్ల మేర కోత విధించింది. దీంతో ఈ రేటు 3.25 శాతానికి దిగొచ్చింది. దీంతో బ్యాంక్‌లో డిపాజిట్ చేసే వారికి తక్కువ రాబడి వస్తుంది. కస్టమర్లకు ఇది బ్యాడ్ న్యూస్ అని చెప్పొచ్చు. జూలై 1 నుంచి బ్యాంక్ కొత్త నిర్ణయాలు అమలులోకి వస్తాయి.

పీఎన్‌బీ ఇంకా టర్మ్ డిపాజిట్ రేట్లను కూడా తగ్గిస్తూ నిర్ణయం తీసుకుంది. దీంతో బ్యాంక్ ఎఫ్‌డీలపై గరిష్టంగా 5.5 శాతం వకు వడ్డీ పొందొచ్చు. సీనియర్ సిటిజన్స్ మాత్రం ఎక్కువ వడ్డీ లభిస్తుంది. సాధారణ కస్టమర్ల కన్నా వీరికి 75 బేసిస్ పాయింట్లు ఎక్కువ వడ్డీ లభిస్తుంది. ఇకపోతే గత వారంలో బ్యాంక్ ఆఫ్ ఇండియా, యూకో బ్యాంక్ వంటివి కూడా రుణ రేట్లను తగ్గించిన విషయం తెలిసిందే.



Source link

Leave a Reply

Your email address will not be published. Required fields are marked *