potato beauty benefits: ఆలుగడ్డని ముఖానికి రాస్తే మచ్చలు పోయి అందంగా మారతారా.. – can we apply potato on face daily know here all details


బంగాళదుంపలో విటమిన్ సి, బి 1, బి 3, బి 6 పుష్కలంగా లభిస్తాయి. మెగ్నీషియం, పొటాషియం, వంటి ఖనిజాలతో పాటు ఆహార యాంటీ ఆక్సిడెంట్లతో నిండి ఉంటుంది. అందువల్ల, బంగాళాదుంప మీ ఆరోగ్యానికి ఎంతో మేలు చేస్తుందనడంలో ఆశ్చర్యం లేదు. ఆరోగ్యానికే కాదు బంగాళదుంప అందమైన, మెరుస్తున్న చర్మాన్ని కూడా ఇస్తుందని మీకు తెలుసా? బంగాళదుంపలో ఉండే విటమిన్ బి మరియు సి లు, స్ట్రార్చ్ కూడా చర్మ రంగును కాంతివంతంగా మార్చుతాయి. కళ్ళ క్రింది చర్మంను కాపాడి, నల్లటి వలయాలను నివారిస్తాయి. కంటి చుట్టూ ఏర్పడే నల్లటి మచ్చలకు బంగాళదుంప రసాన్ని రాస్తే మంచి ఫలితం ఉంటుంది. బంగాళదుంపను ముక్కలు లేదా జ్యుస్‌లా చేసి తరచూ మొహానికి అప్లై చేస్తుంటే చర్మపు మడతలు తగ్గుతాయి. అందుకే మీ అందరి కోసం బంగాళదుంప వల్ల మరింత అందమైన చర్మం కోసం కొత్త చిట్కాలను అందిస్తున్నాం. అవే బంగాళదుంప ఫేస్ ఫ్యాక్స్… వాటి బెనిఫిట్స్ గురించి తెలుసుకుందాం..

​పొటాటో ఫేస్ ప్యాక్ బెనిఫిట్స్..

samayam telugu
  • ఇది మీ ముఖంపై ఉండే మచ్చలను తగ్గింస్తుంది.
  • గాయాలు, దద్దుర్లు వల్ల కలిగే మంటను తగ్గిస్తుంది.
  • ఉబ్బిన కళ్ళను తగ్గించడానికి సహాయపడుతుంది.
  • వృద్ధాప్య ఛాయలను దూరం చేస్తుంది
  • కాలుష్యం, ఎండకు గురికావడం వల్ల కలిగే పర్యావరణ నష్టం నుండి మీ చర్మాన్ని రక్షించే యాంటీఆక్సిడెంట్స్ బంగాళదుంపల్లో ఉంటాయి.

Also Read : ఇలా చేస్తే పులిపిర్లు ఇట్టే పోతాయి..

​వైట్ స్కిన్ కోసం..

samayam telugu

ఫేస్ ప్యాక్ తయారీకి కావాల్సినవి

  1. 3 టేబుల్ స్పూన్లు బంగాళాదుంప రసం
  2. 2 టేబుల్ స్పూన్లు తేనె

ఫేస్ ప్యాక్ తయారీ విధానం:

బంగాళాదుంప రసం, తేనెని ఒక చిన్న గిన్నెలో తీసుకొని బాగా కలపాలి. తరువాత ఈ మిశ్రమాన్ని మీ ముఖం, మెడకు రాయండి. దీన్ని ముఖానికి 10 నుండి 15 నిమిషాల వరకూ అలాగే ఉంచి, ఆపై కడిగేయండి.

మంచి బెనిఫిట్స్ కోసం రోజూ ఈ ప్యాకేజీని వాడొచ్చు..

ఇది ఎందుకు పనిచేస్తుంది

తేనె మీ చర్మాన్ని తేమగా, మృదువుగా ఉంచుతుంది, బంగాళాదుంప రసం ఆమ్లంగా ఉంటుంది. ఇందులో సహజ స్కిన్ బ్లీచింగ్ ఏజెంట్స్‌ని కలిగి ఉంటుంది. ఇవి మీ చర్మాన్ని ప్రకాశవంతంగా చేయడానికి, మెరుస్తూ ఉండటానికి సాయపడతాయి.

Also Read : ఆస్తమా ఉంటే కరోనా వైరస్ వస్తుందా..

స్కిన్ మెరవాలంటే..

samayam telugu

ఫేస్ ప్యాక్ తయారీకి కావాల్సినవి

  • 2 టీస్పూన్లు బంగాళాదుంప రసం
  • 2 టీస్పూన్లు నిమ్మరసం
  • టీస్పూన్ తేనె

తయారీ విధానం

బంగాళాదుంప రసం, నిమ్మరసాన్ని ఒక కప్పులో తీసుకొని బాగా కలపండి. ఈ మిశ్రమానికి కొద్దిగా తేనె వేసి బాగా కలపాలి. తరువాత ఈ మిశ్రమాన్ని మీ ముఖం, మెడపై పూర్తిగా రాయండి. 15 నిమిషాల వరకూ అలానే ఉంచి తరువాత నీటితో శుభ్రం చేసుకోండి.

దీనిని రోజు తప్పించి రోజు ఈ ఫేస్ ప్యాక్‌‌ని ఉపయోగిస్తే మంచి ఫలితాలు పొందుతారు.

ఎందుకు ఇది పనిచేస్తుందంటే..

నిమ్మకాయ, బంగాళాదుంపల్లో చర్మానికి మేలు చేసే గుణాలు ఉన్నాయి. ఇవి అదనపు నూనెను తొలగించడానికి, అడ్డుపడే రంధ్రాలను తెరవడానికి, చర్మాన్ని టోన్ చేయడానికి సాయపడతాయి. తేనె మీ చర్మాన్ని తేమగా ఉంచుతుంది.

​మొటిమలు పోవాలంటే..

samayam telugu

ఫేస్ ప్యాక్ తయారీకి కావాల్సినవి

  • 1 టేబుల్ స్పూన్ బంగాళాదుంప రసం లేదా గుజ్జు
  • 1 టేబుల్ స్పూన్ టమోటా రసం లేదా గుజ్జు
  • 1 టేబుల్ స్పూన్ తేనె

ప్యాక్ తయారీ విధానం

బంగాళాదుంప, టమోటా జ్యుస్ ను బాగా కలపండి. ఈ మిశ్రమానికి తేనె కలిపి పేస్ట్ లా చేయండి. దీన్ని ముఖానికి రాయండి ముఖ్యంగా మొటిమలు ఉన్న ప్రాంతంపై రాయండి. మొటిమలు తగ్గే వరకూ రోజుకు ఒకసారి రాయండి.

ఎలా పనిచేస్తుంది

టొమాటోలు, బంగాళాదుంపలలో యాంటీఆక్సిడెంట్లు అధికంగా ఉంటాయి, ఇవి ఫ్రీ రాడికల్స్‌తో పోరాడటానికి సహాయపడుతుంది. సూక్ష్మక్రిములు, బ్యాక్టీరియాను మీ చర్మానికి దూరంగా ఉంచుతాయి. అలాగే, వాటి ఆమ్ల లక్షణాలు క్లోగ్డ్ పోర్స్ ను తెరుస్తాయి. టమోటా రసంలో అధికంగా ఆమ్లంగా ఉంటుంది కాబట్టి, ఇది మీ చర్మాన్ని డ్రై గా చేస్తుంది. దీన్ని నివారించడానికి, ఫేస్ ప్యాక్ లో టేబుల్ స్పూన్ తేనె వెయ్యండి.

Also Read : కృత్రిమంగా పిల్లలు కనాలంటే ఇలా చేయాల్సిందే..

​పిగ్మెంటేషన్ కోసం..

samayam telugu

ఫేస్ ప్యాక్ కు కావాల్సిన పదార్ధాలు

  • 1 టీస్పూన్ బంగాళాదుంప రసం
  • 1 టీస్పూన్ బియ్యం పిండి
  • 1 టీస్పూన్ నిమ్మరసం
  • 1 టీస్పూన్ తేనె

ప్యాక్ తయారీ విధానం

ఒక గిన్నెలో బంగాళదుంప రసం, బియ్యం పిండి, నిమ్మరసం, తేనే కలిపి పేస్ట్ లా చేయండి. ఈ ప్యాక్ ను ముఖం, మెడపై రాయండి. ఆరే వరకూ ఉంచి తరువాత నీటితో మెల్లిగా స్క్రబ్ చేయండి. వృత్తాకారంలో స్క్రబ్ చేస్తూ ఉండండి.

ఈ ప్యాక్‌ని మంచి ఫలితాల కోసం వారం లో రెండు సార్లు వాడాలి .

ఎలా పనిచేస్తుంది

బంగాళాదుంప రసం టాన్ తొలగింపు మరియు మచ్చలు తగ్గటానికి సహాయపడుతుంది, బియ్యం పిండితో స్క్రబ్ చేసినప్పుడు చర్మం నుండి మృత కణాలను తొలగిస్తుంది. దీనివల్ల చర్మం మెరుస్తూ,మృదువుగా ఉంటుంది. నిమ్మరసం పోర్స్ ను టైట్ చేస్తుంది. తేనె చర్మాన్ని తేమగా ఉంచుతుంది. మీది సున్నితమైన చర్మం అయితే నిమ్మరసాన్ని తొలగించండి , ఎందుకంటే ఇది చర్మానికి చికాకు కలిగిస్తుంది.



Source link

Leave a Reply

Your email address will not be published. Required fields are marked *