prakasam man death: భార్య ప్రసవం.. భర్త మరణం.. కంటతడి పెట్టిస్తున్న అత్యంత విషాద ఘటన – man drowned in sagar canal, dies in prakasam district


భార్య ప్రసవించి రోజైనా గడవలేదు.. కన్నకొడుకును తనివితీరా చూసుకున్నదీ లేదు.. అకాల మృత్యువు భర్తను అమాంతం మింగేసింది. జలగండం రూపంలో బలి తీసుకుంది. అప్పుడే పుట్టిన బిడ్డకు తండ్రిని లేకుండా చేసింది. కన్నబిడ్డను మురిపెంగా చూపుదామనుకున్న భార్యకు భర్తని దూరం చేసింది. మనవడు పుట్టిన సంతోషంలో ఉన్న ముసలోళ్లకు.. కాలువలో మునిగి కొడుకు చనిపోయాడన్న విషయం తెలిసి తీరని విషాదంలో మునిగిపోయారు. కంటతడి పెట్టిస్తున్న ఈ అత్యంత విషాద ఘటన ప్రకాశం జిల్లాలో వెలుగుచూసింది.

దర్శి మండలంలోని అబ్బాయిపాలేనికి చెందిన అజయ్‌ రెడ్డి(23)కి గతేడాది వివాహమైంది. భార్యకి నెలలు నిండి దర్శి ప్రభుత్వాస్పత్రిలో చేర్పించడంతో మగబిడ్డను ప్రసవించింది. ఇంటి వద్దనే ఉన్న భర్త అజయ్ రెడ్డి సరదాగా ఈత కొట్టేందుకు స్నేహితులతో కలసి ముండ్లమూరు మండలం రెడ్డి నగర్ సమీపంలోని సాగర్ కాల్వలో ఈతకెళ్లాడు. కాల్వలో దిగిన స్నేహితులు మునిగిపోవడం చూసిన అజయ్.. వారిని కాపాడి పూడులో ఇరుక్కుపోయి ఊపిరాడక మృతి చెందాడు.

Also Read:
ఏడో తరగతిలోనే హద్దులు దాటిన బాలిక.. గర్భం వస్తుందేమోనని..

స్నేహితుడి మరణంతో షాక్‌కి గురైన అతని స్నేహితులు విషయం అజయ్ బంధువులకు చెప్పి అక్కడి నుంచి భయంతో వెళ్లిపోయారు. కొడుకు మరణవార్త విన్న అజయ్ తల్లిదండ్రులు వెంకట సుబ్బారెడ్డి, ప్రభావతి తీరని శోకంలో మునిగిపోయారు. మనవడు పుట్టాడన్న ఆనందాన్ని అనుభవించేలోపే కొడుకు మరణం తీవ్ర దిగ్భ్రాంతికి గురిచేసింది. ఆపరేషన్ చేయించుకుని బిడ్డని కన్న కోడలికి ఈ విషయం చెప్పే ధైర్యం చేయలేక మిన్నకుండిపోయారు.

Read Also : కొత్త కోడలిపై కన్నేసిన మామ.. ఒంటరిగా ఉన్న సమయం చూసి..

బిడ్డ పుట్టిన పన్నెండు గంటల్లోపే భర్త మరణవార్త చెప్పాల్సి రావడంతో పగోడికి కూడా ఈ కష్టం రాకూడదంటూ తీవ్రదు:ఖంతో కన్నీరుమున్నీరవుతున్నారు. ఒకవైపు బిడ్డను ప్రసవించి భార్య దర్శి ప్రభుత్వాస్పత్రిలో ప్రసూతి వార్డులో ఉండగా.. మరోవైపు పోస్టుమార్టం కోసం భర్త మృతదేహం కూడా అదే ఆస్పత్రిలోని మార్చురీలో ఉండడం గ్రామస్థులను కంటతడి పెట్టించింది. అటు బిడ్డ జననం.. ఇటు తండ్రి మరణంతో తీరని విషాదం నెలకొంది.

Also Read: మృగాడి కామకోరికలకు మహిళ బలి.. భర్త లేడని.. గుంటూరులో దారుణం



Source link

Leave a Reply

Your email address will not be published. Required fields are marked *