Prakasam tractor accident: ప్రకాశం జిల్లాలో ఘోర ప్రమాదం.. కరెంటు వైర్లు పడి 10 మంది మృతి – road accident in prakasam district naguluppalapadu, 12 daily labour dead


ప్రకాశం జిల్లాలో ఘోర రోడ్డు ప్రమాదం చోటు చేసుకుంది. మిర్చి కూలీలతో వెళ్తున్న ట్రాక్టర్ ఓ విద్యుత్ స్తంభాన్ని ఢీకొనడంతో పలువురు అక్కడికక్కడే చనిపోయారు. కరెంటు తీగలు తెగి కూలీలపై పడడంతో షాక్ తగిలి వారంతా చనిపోయినట్లుగా తెలుస్తోంది. నాగులుప్పలపాడు మండలం రాపర్ల సమీపంలోని మాచవరంలో ఈ ప్రమాదం చోటు చేసుకుంది. వీరంతా సమీపంలోని మిరప తోటలో రోజంతా పని చేసి తిరిగి ఇంటికి వెళ్తున్న క్రమంలో ఈ ప్రమాదం చోటు చేసుకుంది.

దాదాపు 30 మంది వరకూ కూలీలు ఈ ట్రాక్టర్‌లో వెళ్తున్నట్లుగా తెలుస్తోంది. ఘటనా స్థలంలోనే 9 మంది చనిపోగా, మిగతా వారిని స్థానికులు కాపాడి ఒంగోలు ప్రభుత్వాసుపత్రికి తరలించారు. ఆస్పత్రిలో చికిత్సపొందుతూ ఓ రైతు ప్రాణాలు కోల్పోయాడు. దీంతో మొత్తం మరణాల సంఖ్య 10కి చేరింది. మరో ఇద్దరిపరిస్థితి అత్యంత విషమంగా ఉన్నట్లు సమాచారం. మృతులు రాపర్ల సమీపంలోని మాచవరం గ్రామానికి చెందిన వారిగా పోలీసులు గుర్తించారు. చనిపోయిన వారిలో ఏడుగురు మహిళలు, ఇద్దరు ఇంటర్‌ విద్యార్థులు, ఓ రైతు ఉన్నారు.

Also Read:

జగన్ మోసానికి మేం పైఎత్తు వేస్తాం.. మంత్రి శ్రీనివాస్ గౌడ్ వ్యాఖ్యలు
కరోనా ప్రభావం ఆ ప్రాంతంలో లేకపోవడం.. వ్యవసాయ పనులకు అనుమతి లభించడంతో గత కొద్ది రోజులుగా పస్తులుంటున్న కూలీలు పని కోసం వెళ్లారు. వీరిని గ్రామం నుంచి పొలం వరకూ రోజూ ప్రత్యేక ట్రాక్టర్‌లో తీసుకెళ్తున్నారు. ఉదయం నుంచి పొలంలో కష్టపడి సాయంత్రం ఇళ్లకు చేరుకుంటున్న క్రమంలో గురువారం ఈ దుర్ఘటన జరిగింది.

Also Read:

రోజా ఇంటికి కేసీఆర్.. కోడికూర తిని ఆ హామీ.. రేవంత్ సంచలన ఆరోపణలు 75741939

samayam telugu

విద్యుత్ స్తంభాన్ని ఢీకొన్న ట్రాక్టర్



Source link

Leave a Reply

Your email address will not be published. Required fields are marked *