Pramod Mittal: కూతురి పెళ్లికి రూ.500 కోట్లు ఖర్చుపెట్టాడు.. ఇప్పుడు బికారి అయ్యాడు! – world richest steel king ln mittals brother pramod mittal is now bankrupt


ప్రధానాంశాలు:

  • ఒకప్పుడు సంపన్నుడు
  • ఇప్పుడు బికారి
  • భారీగా అప్పులు

ప్రపంచంలోని రిచెస్ట్ స్టీల్ మ్యాగ్నెట్ లక్ష్మీ మిట్టల్ తమ్ముడు ప్రమోద్ మిట్టల్ దివాలా తీశారు. భారీ అప్పుతో సతమతమౌతున్నారు. ఏకంగా 2.5 బిలియన్ పౌండ్ల బాకీ ఉన్నట్లు నివేదికలో పేర్కొంటున్నాయి. మన కరెన్సీలో చెప్పుకుంటే దాదాపు రూ.24 వేల కోట్లు. ఇంత భారీ మొత్తంలో బాకీ ఉన్న మరో వ్యక్తి బ్రిటన్‌లోనే లేరని చెప్పుకోవాలి.

ప్రమోద్ మిట్టల్ తన తండ్రికి 170 మిలియన్ పౌండ్లు, కొడుకు దివేశ్‌కు 2.4 మిలియన్ పౌండ్లు, భార్య సంగీతకు 1.1 మిలియన్ పౌండ్లు, బావ అమిత్ లోహియాకు 1.1 మిలియన్ పౌండ్లు అప్పు ఉన్నారు. ప్రమోద్‌కు ఎలాంటి ఆదాయం లేదు. అయితే 66 వేల పౌండ్ల విలువైన షేర్లు, 7 వేల పౌండ్లు విలువైన జువెలరీ, 45 పౌండ్ల విలువైన ప్రాపర్టీ (భారత్‌లో ఉంది) ఉంది.

Also Read: గుడ్ న్యూస్.. భారీగా దిగొచ్చిన వెండి ధర.. బంగారం రేటు మాత్రం..

అయితే ఇక్కడ ప్రమోద్ మిట్టల్ ఒకసారి బాగా వార్తల్లో నిలిచారు. కూతురి పెళ్లి ఘనంగా చేశారు. ఏకంగా రూ.500 కోట్లు ఖర్చు చేశారు. 2013లో కూతురు శ్రిష్టి పెళ్లి జరిగింది. 2004లోనూ ఒక కూతురు వనిశా పెళ్లి చేశారు. ఈమె పెళ్లి ఖర్చు కన్నా శ్రిష్టి పెళ్లి ఖర్చుకు 10 మిలియన్ పౌండ్లు ఎక్కువ ఖర్చు పెట్టడం గమనార్హం.

Also Read: దేశంలోని టాప్-10 బ్యాంకులు ఇవే.. అగ్రస్థానం దేనిదంటే?

ఒకప్పుడు కూతురి పెళ్లి కనీవినీ ఎరుగని రీతిలో చేసిన ప్రమోద్ మిట్టల్ ఇప్పుడు దివాలా తీయడం చెప్పుకోదగ్గ అంశం. అందుకే పెద్దలు బండ్లు ఓడలు అవుతాయి.. ఓడలు బండ్లు అవుతాయి అనే సామెతను చెప్పారని అనుకోవచ్చు. తమ్ముడిని అప్పుల ఊబిలో నుంచి లక్ష్మీ మిట్టల్ ఆదుకునే అవకాశం లేదని నివేదికలు పేర్కొంటున్నాయి.

ప్రమోద్ మిట్టల్ బ్యాడ్ టైమ్ 2006లోనే ప్రారంభమైందని చెప్పుకోవచ్చు. అప్పుడు ఈయన బోస్నియన్ కోక్ తయారీ కంపెనీ జీఐకేఐఎల్‌ రుణాలకు తన గ్లోబల్ స్టీల్ హోల్డింగ్స్ తరుపున ఈయన గ్యారంటీ సంతకం చేశారు. అయితే జీఐకేఐఎల్ కంపెనీ మోర్గేట్ ఇండస్ట్రీస్‌కు చెల్లించాల్సిన రుణాన్ని కట్టడంలో విఫలమైంది. దీంతో మోర్గేట్ కంపెనీ 166 మిలియన్ డాలర్ల కోసం ప్రమోద్‌ను కోర్టుకు లాగింది. అయితే ప్రమోద్ ఈ డబ్బులు చెల్లించలేకపోయారు. దీంతో ఈయన దివాలా తీశారు.



Source link

Leave a Reply

Your email address will not be published. Required fields are marked *