prasanth varma: ‘కరోనా వ్యాక్సిన్’తో వస్తోన్న ‘అ!’ దర్శకుడు – director prasanth varma announced his next film, first look tomorrow


‘అ!’ సినిమాతో విమర్శకుల మెప్పు పొందిన యువ దర్శకుడు ప్రశాంత్ వర్మ. కొత్త కాన్సెప్ట్‌తో తెలుగు ప్రేక్షకులను మెప్పించారు. రెండో ప్రయత్నంగా యాంగ్రీమ్యాన్ రాజశేఖర్‌తో ‘కల్కి’ చిత్రం తెరకెక్కించారు. ఇన్వెస్టిగేషన్ థ్రిల్లర్‌గా తెరకెక్కిన ఈ సినిమా ఆశించిన స్థాయిలో విజయం సాధించలేకపోయింది. అయితే, ఇప్పుడు మూడో సినిమాతో రాబోతున్నారు ప్రశాంత్ వర్మ. కరోనా వైరస్ నేపథ్యంలో సినిమా చేస్తున్నట్టు ప్రశాంత్ వర్మ తాజాగా ప్రకటించారు. ఈ మేరకు ఆయన గురువారం ఒక ట్వీట్ చేశారు.

Also Read:శ్యామ్ కె నాయుడుపై ఎఫ్ఐఆర్ నమోదు చేయలేదు: పోలీసులు

ఈ ట్వీట్‌లో ప్రశాంత్ వర్మ పొందుపరిచిన ప్రీ లుక్ చాలా ఇంట్రస్టింగ్‌గా ఉంది. ఈ పోస్టర్‌పై కరోనా వ్యాక్సిన్ అని రాశారు. ఇంజక్షన్ సిరంజిలో 10 శాతం లోడ్ చేశారు. రేపు ఉదయం 9 గంటలకు ప్రాథమిక పరీక్ష చేయనున్నారట. అంటే, రేపు ఉదయం ఫస్ట్ లుక్ రాబోతోందన్న మాట. ఈ సినిమా టైటిల్ ఏంటి? కరోనా వ్యాక్సినే టైటిలా? ఇతర వివరాలు రేపు తెలియనున్నాయి. తన తొలి రెండు సినిమాల్లోనూ వినూత్నమైన కాన్సెప్ట్‌లు ఎంచుకున్న ప్రశాంత్ వర్మ.. ఈ మూడో చిత్రంలో కూడా ఏదో కొత్తదనం చూపించబోతున్నారని అర్థమవుతోంది.

samayam telugu

Prasanth Varma

తన తొలి రెండు చిత్రాల ఫస్ట్ లుక్ పోస్టర్లను ఆ సినిమాల క్లైమాక్స్ సన్నివేశాలను ప్రతిబింబించేలా రూపొందించారు ప్రశాంత్ వర్మ. మూడో చిత్రం ఫస్ట్ లుక్ విషయంలోనూ అదే ఫాలో అవుతున్నట్టున్నారు ప్రశాంత్. ఎందుకంటే, నిన్న ప్రశాంత్ ఒక ట్వీట్ చేశారు. ‘అ!’, ‘కల్కి’ చిత్రాల ఫస్ట్‌ లుక్‌లను ట్వీట్ చేస్తూ.. ‘‘ఫస్ట్ లుక్స్‌లో క్లైమాక్స్ ట్విస్ట్ గురించి హింట్ ఇస్తూ వస్తున్నారు. నా తరవాత సినిమా ఫస్ట్ లుక్‌ను చూపించడానికి తొందరపడుతున్నాను’’ అని పేర్కొన్నారు. అంటే, రేపు వచ్చే ప్రశాంత్ వర్మ మూడో సినిమా ఫస్ట్ లుక్ కూడా ఆ చిత్ర క్లైమాక్స్‌ను ప్రతిబింబిస్తుందన్నమాట.



Source link

Leave a Reply

Your email address will not be published. Required fields are marked *