pregnancy parenting tips News : తల్లికి కరోనా వస్తే.. బిడ్డకు పాలివ్వడం ఆపేయ్యాలా.. – can women with covid 19 disease breastfeed


ప్రపంచం మొత్తం మీద 339,645 జనాభాను కరోనా వైరస్ పాజిటివ్ గా గుర్తించగా, అందులో 14,717 మంది మృత్యువాత పడ్డారు. ఒకవైపు శాస్త్రవేత్తలూ, వైద్య నిపుణులూ ఈ వ్యాధికి వ్యాక్సీన్ కనుక్కోడం కోసం శ్రమ పడుతుండగా, మరొకవైపు భయంకరంగా ఉన్న గణాంకాలు నివారణే ప్రస్తుతానికి దీనికి మందు అని సూచిస్తున్నాయి. ఈ సూచనను పాటించడం వయోవృద్ధులకూ, బలహీనపడిన రోగ నిరోధక వ్యవస్థ కలిగినవారికీ, దీర్ఘకాలిక అనారోగ్యంతో బాధపడుతున్నవారికీ, గర్భిణీలకూ చాలా అవసరం.

గర్భంతో ఉన్నప్పుడు ఇన్ఫెక్షన్స్..

ఒక స్త్రీ రోగనిరోధకవ్యవస్థ ఆమె గర్భం ధరించినప్పుడు బలహీనపడుతుంది. దానితో ఆమెకి ఇన్ ఫెక్షన్స్ సోకే ప్రమాదం ఎక్కువగా ఉంటుంది. ఈ ఇన్ ఫెక్షన్ల వల్ల తల్లికి మాత్రమే కాదు గర్భంలో ఉన్న బిడ్డకీ, ప్రసవానంతరం శిశువుకీ కూడా ప్రమాదమే. ప్రపంచ ఆరోగ్య సంస్థ ప్రకారం గర్భిణీలకూ, బాలింతలకూ మామూలు వాళ్లకంటే ఎక్కువగా ఇన్ ఫెక్షన్స్ సోకే ప్రమాదం ఉందన్న సాక్ష్యాలేమీ లేకపోయినా, వాళ్ళ శరీరంలో జరిగే మార్పుల వల్ల వాళ్ళు కొన్ని తీవ్రమైన ఇన్‌ఫెక్షన్స్ బారినపడే అవకాశముంది.

బిడ్డకు పాలివ్వచ్చా?

ఇవ్వొచ్చు, ఇవ్వాలి. మీరు బాలింత అయితే మీ బిడ్డకు తల్లిపాలు మాత్రమే పట్టాల్సిన ఆవశ్యకతనూ, మీ బిడ్డను మీరు దగ్గరగా హత్తుకోవల్సిన అవసరాన్ని గుర్తించండి. ప్రపంచ ఆరోగ్య సంస్థ ప్రకారం కొవిడ్-19 సోకిన బాలింత తన బిడ్డను హత్తుకోడానికీ, తన బిడ్డతో పాటూ ఒకే గదిలో ఉండడానికీ, తన బిడ్డకు తల్లిపాలు పట్టడానికీ కావాల్సిన సహాయం అందించాలి.

Also Read : ఈ 3 టీలు తాగితే చాలు.. షుగర్ వ్యాధి కంట్రోల్‌లో ఉంటుంది..

కరోనావైరస్ వ్యాప్తి పుకార్లు..

కొవిడ్-19 సోకితే మీరు మీ బిడ్డకు పాలివ్వకూడదన్న వార్తలు చెలరేగుతున్నాయి.. అయితే, ఇందులో నిజం ఎంత మాత్రం లేదని చెబుతున్నారు నిపుణులు.. నిజం ఏంటంటే…
1. ప్రపంచ ఆరోగ్య సంస్థ ప్రకారం కొవిడ్-19 సోకిన బాలింత తన బిడ్డను హత్తుకోడానికి, తన బిడ్డతో పాటూ ఒకే గదిలో ఉండడానికి, తన బిడ్డకు తల్లిపాలు పట్టడానికి కావాల్సిన సహాయం అందించాలి.
2. తన తల్లి ద్వారా అప్పటికే కరోనా వైరస్ లక్షణాలకు బహిర్గతమైన శిశువుకు తల్లిపాలు చాలా మేలు చేస్తాయి.
3. ఎందుకంటే తల్లిపాలు బిడ్డ రోగనిరోధకవ్యవస్థను బలోపేతం చేసి ఎన్నో రకాల వ్యాధుల నుంచి బిడ్డని రక్షిస్తాయి.
ప్రపంచ ఆరోగ్య సంస్థ ప్రకారం తన తల్లి ద్వారా అప్పటికే కరోనా వైరస్ లక్షణాలకు బహిర్గతమైన శిశువుకు తల్లిపాలు చాలా మేలు చేస్తాయి. ఎందుకంటే తల్లిపాలు బిడ్డ రోగనిరోధకవ్యవస్థను బలోపేతం చేసి ఎన్నో రకాల వ్యాధులనించి బిడ్డని రక్షిస్తాయి.

గర్భిణీకి కరోనా ఉంటే..

కొవిడ్-19 సోకిన తల్లులకి పుట్టిన పిల్లలెవరికీ ఈ వ్యాధి సంక్రమించలేదు అన్నది గుర్తుపెట్టుకోవలసిన విషయం. అయితే కొవిడ్-19 సోకిన గర్భిణుల సంఖ్య కూడా తక్కువే. అయితే వీరి ఉమ్మనీటిలో గానీ, తల్లిపాలలో గానీ ఈ వైరస్ కనబడలేదు. అందుకనే, ఫ్లూ సోకిన తల్లి తన బిడ్డకు వైరస్ సోకకుండా జాగ్రత్తలు తీసుకుంటూ తనే పాలు పట్టడం కానీ, లేదా సురక్షితంగా పిండిన పాలు కానీ ఇవ్వడం మంచిదని సీడీసీ (సెంటర్ ఫర్ డిసీజ్ కంట్రోల్ ఎండ్ ప్రివెన్షన్) చెబుతోంది.

బాలింతలు తల్లిపాలు పట్టేటప్పుడు తీసుకోవలసిన జాగ్రత్తలేంటి?

కొవిడ్-19 సోకిన బాలింతలు వారు కావాలనుకుంటే తమ పిల్లలకు తల్లిపాలు పట్టవచ్చు. కానీ, వారు ఈ క్రింద చెప్పిన విషయాలు పాటించడం అవసరం.

1. బాలింత శ్వాసకోశ శుభ్రతని పాటించాలి.
2. బిడ్డను తాకే ముందూ తరువాతా చేతులు శుభ్రంగా కడుక్కోవాలి.
3. చుట్టుపక్కల ప్రదేశాలు ఎప్పుడూ శుభ్రంగా ఉంచాలి.
మీ బిడ్డని తాకే ముందూ తాకిన తరువాతా శుభ్రంగా చేతులు కడుక్కోండి. చుట్టుపక్కల ప్రదేశాలు ఎప్పుడూ శుభ్రంగా ఉంచుకోండి.

Also Read : నానబెట్టిన బాదం మంచిదా.. అలానే తినడం మంచిదా..

వ్యాధి ఎక్కువగా ఉంటే..

బాలింతకు కరోనా వైరస్ సోకి ఆమె తన బిడ్డకు పాలు పట్టలేకపొతుంటే ఈ క్రింది పద్ధతుల్లో వేటినైనా ఆమె ఎంచుకోవచ్చు.
1. పాలు పిండడం (సురక్షితపద్ధతుల్లో పాలు పిండి వాటిని దాచి అవసరమైనప్పుడు
బిడ్డకు పట్టడం)
2. రిలాక్టేషన్ (ప్రస్తుతం తల్లిపాలు పట్టకుండా తరువాత పట్టడం ప్రారంభించడం)
3. మరొక బాలింత దగ్గర పాలు తీసుకోవడం

Also Read : కరోనా వైరస్ లక్షణాలు, రాకుండా తీసుకోవాల్సిన జాగ్రత్తలు ఇవే..

కొవిడ్-19 సోకిన బాలింతలు కావాలనుకుంటే వారి పిల్లలకు తల్లిపాలు పట్టవచ్చు. కానీ, ఈ క్రింది జాగ్రత్తలు తీసుకోవాలి.
శ్వాసకోస శుభ్రతను పాటించడం
బిడ్డను తాకే ముందూ, తాకిన తరువాత కూడా చేతులు శుభ్రపరుచుకోడం
బిడ్డను దగ్గరగా హత్తుకున్నప్పుడూ, పాలు పడుతున్నప్పుడూ మాస్క్ వేసుకోవడం
బిడ్డ చుట్టుపక్కల ఎప్పుడూ శుభ్రంగా ఉంచడం



Source link

Leave a Reply

Your email address will not be published. Required fields are marked *