pslv c48 launch: కొనసాగుతోన్న కౌంట్‌డౌన్.. నేటి మధ్యాహ్నం నింగిలోకి పీఎస్‌ఎల్వీ సీ48 – isro to launch pslv-c48 with spy satellite risat-2br1 and 9 other today from sriharikota


ప్రధానాంశాలు:

  • సైనిక, రక్షణ అవసరాల కోసం మరో ఉపగ్రహాన్ని ప్రయోగిస్తున్న ఇస్రో.
  • పీఎస్‌ఎల్వీ సీ48 ద్వారా నింగిలోకి రీశాట్ సిరీస్ సహా 9 విదేశీ ఉపగ్రహాలు.
  • ఇస్రో చరిత్రలో మరో మైలురాయి.. పీఎస్ఎల్వీ 50 వ ప్రయోగం.

భారత్ అంతరిక్ష పరిశోధన సంస్థ (ఇస్రో) బుధవారం మొత్తం 10 ఉపగ్రహాలను నింగిలోకి పంపనుంది. శ్రీహరికోట నుంచి పంపే పీఎస్‌ఎల్వీసీ-48 రాకెట్ ప్రయోగానికి సంబంధించి మంగళవారం సాయంత్రం 4.40 గంటలకు ప్రారంభమైన 23 గంటల కౌంట్‌డౌన్ ప్రక్రియ కొనసాగుతోంది. వాస్తవానికి ఈ కౌంట్‌డౌన్ సాయంత్రం 4.25 నిమిషాలకు ప్రారంభించాల్సి ఉండగా, రాకెట్ సన్నద్ధత, లాంచ్ బోర్డ్ ఆథరైజేషన్ బోర్డు సమావేశంలో 15 నిమిషాలు ఆలస్యంగా ప్రారంభించాలని నిర్ణయించారు. దీంతో 4.40 గంటలకు కౌంట్‌డౌన్ ప్రారంభించారు. బుధవారం మధ్యాహ్నం సరిగ్గా 3.40 గంటలకు ఈ వాహకనౌక నింగిలోకి దూసుకెళ్లనుంది.

పీఎస్‌ఎల్వీ సీ48 ద్వారా స్వదేశానికి చెందిన రీశాట్2బీఆర్‌1తోపాటు విదేశాలకు చెందిన మరో 9 ఉపగ్రహాలను నింగిలోకి పంపుతున్నారు. ఇస్రో చరిత్రలో పీఎస్‌ఎల్వీ సీ-48 ప్రయోగం ప్రతిష్టాత్మకమైంది. పీఎస్‌ఎల్వీ వాహక నౌకకు ఇది 50వ ప్రయోగం కాగా.. శ్రీహరికోట నుంచి 75వ ప్రయోగం కావడం విశేషం. ఈ వాహకనౌక ద్వారా ఆర్‌ఏశాట్‌2, బీఆర్‌ 1 ఉపగ్రహాలను కక్ష్యలో ప్రవేశ పెట్టనున్నారు.

డిసెంబరులోనే రిశాట్-2బీఆర్2ను పీఎస్‌ఎల్వీ సీ49 ద్వారా నింగిలోకి పంపనున్నారు. ఈ ఏడాదిలో మే రిశాట్-2బీ, ఏప్రిల్ 1న ఎలక్ట్రానిక్స్ ఇంటెలిజెన్స్ శాటిలైట్ (ఎమిశాట్)ను ఇస్రో ప్రయోగించింది. ఈ ఉపగ్రహాలు శత్రు రాడార్ల కదలికలపై స్పష్టమైన సమాచారం చేరవేస్తాయి. తక్కువ ఎత్తు కక్ష్యలో తిరుగుతూ రక్షణశాఖకు చేదేడో వాదోడుగా నిలుస్తూ శత్రువుల రాడార్లకు సంబంధించిన సమాచారాన్ని సేకరిస్తుంది.

ఎమిశాట్‌కు ముందు శత్రువుల రాడార్ల సమాచార సేకరణ కోసం భారత్ విమానాలపైనే ఆధారపడేది. ఈ ప్రయోగం తర్వాత అంతరిక్షం నుంచే అవకాశం లభిస్తుంది. శత్రుదేశాల రాడార్లు, కమ్యూనికేషన్ వ్యవస్థలు ఎక్కడున్నాయో గుర్తించడం, శత్రుదేశాల భౌగోళిక పరిస్థితులకు సంబంధించిన పూర్తి సమాచారం, చిత్రాలను అందజేస్తుంది. గతంలో ఈ పనిచేయడానికి డ్రోన్లు, బెలూన్లను ఉపయోగించేవారు కానీ ఇప్పుడు ఇమిశాట్‌ రాకతో 24 గంటలు నిఘావేసే అవకాశం దక్కింది.

ఇక, ఇస్రో చరిత్రలో శ్రీహరికోట నుంచి ఒకే ఏడాది ప్రయోగించిన అన్ని ఉపగ్రహాలు సైనిక ప్రయోజనం కోసం ఉద్దేశించినవి కావడం విశేషం. రిశాట్2బీఆర్1‌తోపాటు జపాన్‌కు చెందిన క్యూపీఎస్-ఎస్ఏఆర్ మైక్రోశాటిలైట్‌, పీఎస్‌ఎల్వీ-సీ48 ద్వారా, రిశాట్-2బీఆర్2తోపాటు లగ్జెంబర్ సంస్థ క్లేయిస్ స్పేస్ అభివృద్ధి చేసిన నాలుగు ఉపగ్రహాలను నింగిలోకి పంపుతారు.



Source link

Leave a Reply

Your email address will not be published. Required fields are marked *