PSLV C48 Launching: విజయవంతంగా నింగిలోకి పీఎస్ఎల్వీ సీ48.. నిర్దేశిత కక్ష్యలోకి రిశాట్2బీఆర్1 – isro successfully launched risat-2br1 and 9 other satellites through pslv-c48 from shriharikota


పీఎస్ఎల్వీ సీ48 రాకెట్ ద్వారా రిశాట్ 2బీఆర్1 సహా మరో తొమ్మిది విదేశీ ఉపగ్రహాలను ఇస్రో విజయవంతంగా నింగిలోకి పంపింది. శ్రీహరికోట ప్రయోగం కేంద్రం నుంచి పీఎస్‌ఎల్వీసీ-48 రాకెట్ 23 గంటల కౌంట్‌డౌన్ అనంతరం నిప్పులు చిమ్ముతూ నింగిలోకి దూసుకెళ్లింది. ఇందుకు సంబంధించిన కౌంట్‌డౌన్ మంగళవారం సాయంత్రం 4.40 గంటలకు ప్రారంభమైన 23 గంటల సాగుతోంది. వాస్తవానికి ఈ కౌంట్‌డౌన్ సాయంత్రం 4.25 నిమిషాలకు ప్రారంభించాల్సి ఉండగా, 4.30 వరకు రాహుకాలం ఉండటంలో 4.40 గంటలకు కౌంట్‌డౌన్ ప్రారంభించినట్టు తెలుస్తోంది. బుధవారం మధ్యాహ్నం సరిగ్గా 3.25 గంటలకు వాహకనౌక నింగిలోకి దూసుకెళ్లింది.

పీఎస్‌ఎల్వీ సీ48 ద్వారా స్వదేశానికి చెందిన 628 కిలోల బరువైన రీశాట్2బీఆర్‌1తోపాటు విదేశాలకు చెందిన మరో 9 ఉపగ్రహాలను నింగిలోకి పంపారు. రిశాట్‌ను 576 కిలోమీటర్ల ఎత్తులోని కక్ష్యలో ప్రవేశపెట్టారు. తొలుత వాహన నౌక నుంచి రిశాట్ విడివడి నిర్దేశి కక్ష్యలో చేరింది. తర్వాత జపాన్, ఇజ్రాయేల్, అమెరికాకు చెందిన ఉపగ్రహాలు విడిపోయి నిర్ణీత కక్ష్యలోకి చేరాయి. ఇస్రో చరిత్రలో పీఎస్‌ఎల్వీ సీ-48 ప్రయోగం ప్రతిష్టాత్మకమైంది. పీఎస్‌ఎల్వీ వాహక నౌకకు ఇది 50వ ప్రయోగం కాగా.. శ్రీహరికోట నుంచి 75వ ప్రయోగం కావడం విశేషం. ఈ వాహకనౌక ద్వారా కీశాట్‌2 బీఆర్‌ 1 ఉపగ్రహాలను నిర్ణీత కక్ష్యలో ప్రవేశపెట్టారు. అంతేకాదు, చంద్రయాన్-2 తర్వాత నిర్వహించిన రెండో ప్రయోగం ఇది.

రిశాట్-2బీఆర్1 ఉపగ్రహంతో దేశ భద్రత మరింత పటిష్టమవుతుంది. ఈ ఉపగ్రహం శత్రు కదలికలపై స్పష్టమైన సమాచారం చేరవేస్తారు. తక్కువ ఎత్తు కక్ష్యలో తిరుగుతూ శత్రువుల రాడార్లకు సంబంధించిన సమాచారాన్ని సేకరిస్తుంది. ఎమిశాట్ ప్రయోగం నిర్వహించడానికి ముందు శత్రువుల రాడార్ల సమాచార సేకరణ కోసం భారత్ విమానాలపైనే ఆధారపడేది. ఈ ప్రయోగం తర్వాత అంతరిక్షం నుంచే అవకాశం లభిస్తుంది. శత్రుదేశాల రాడార్లు, కమ్యూనికేషన్ వ్యవస్థలు ఎక్కడున్నాయో గుర్తించడం, శత్రుదేశాల భౌగోళిక పరిస్థితులకు సంబంధించిన పూర్తి సమాచారం, చిత్రాలను అందజేస్తుంది. గతంలో ఈ పనిచేయడానికి డ్రోన్లు, బెలూన్లను ఉపయోగించేవారు కానీ ఇప్పుడు ఇమిశాట్‌ రాకతో 24 గంటలు నిఘావేసే అవకాశం దక్కింది.

ఇక, ఇస్రో చరిత్రలో శ్రీహరికోట నుంచి ఒకే ఏడాది ప్రయోగించిన అన్ని ఉపగ్రహాలు సైనిక ప్రయోజనం కోసం ఉద్దేశించినవి కావడం విశేషం. రిశాట్2బీఆర్1‌తోపాటు జపాన్‌కు చెందిన క్యూపీఎస్-ఎస్ఏఆర్ మైక్రోశాటిలైట్‌ ఉపగ్రహాలను నింగిలోకి పంపుతారు.



Source link

Leave a Reply

Your email address will not be published. Required fields are marked *