pulihora recipe: ఐదు నిమిషాల్లోనే పులిహోర కలిపోయొచ్చు.. ఇదిగో ఇలా! – pulihora recipe in telugu


పులిహోర అంటే ఇష్టం ఉండని ఆహార ప్రియులు ఎవరుంటారు చెప్పండి. అయితే, దీన్ని తయారీ సులభమే. చాలామంది దీన్ని తినేందుకు ఆశపడినా.. తయారీకి టైమ్ పట్టేస్తుందనే కారణంతో శ్రద్ధ పెట్టరు. మరికొందరు.. సరైనా టేస్టు వస్తుందా లేదా అనే అనుమానంతో పులిహోర తయారీకి సిద్ధం కారు. అయితే, కేవలం ఐదు నిమిషాలు కేటాయిస్తే చాలు.. పులిహోరాను క్షణాల్లో పూర్తి చేసేయొచ్చు. ముఖ్యంగా.. రాత్రి వేళల్లో అన్నం మిగిలిపోతే.. పగలు దాన్ని పులిహోరాగా కలిపేయోచ్చు. చింతపండు అందుబాటులో లేకపోతే.. నిమ్మకాయను కలిపైనా సరే పులిహోరాను కలిపేయొచ్చు. ఇక ఆలస్యం చేయకుండా పులిహోరాకు అవసరమైన పదార్థాలు.. కలిపే విధానం చూసేద్దాం.

నిమ్మకాయ పులిహోర తయారీకి కావలసిన పదార్థాలు:
బియ్యం: అరకిలో
నిమ్మరసం: ఒక టేబుల్‌స్పూన్
ఉప్పు: తగినంత
నూనె: తగినంత
అల్లం ముక్కలు: అర టీస్పూన్
పసుపు: అర టీస్పూన్
పచ్చి శనగ పప్పు : అర టేబుల్‌స్పూన్
మినపపప్పు: అర టేబుల్‌స్పూన్
ఆవాలు: ఒక టీస్పూన్
పల్లీలు: తగినన్ని
ఎండు మిర్చి : 2
కరివేపాకు : కొన్ని రెమ్మలు

తయారీ విధానం: ముందుగా అర కిలో బియ్యాన్ని ఉడికించి పక్కన పెట్టుకోండి. అనంతరం ఒక పాత్రలో నూనె వేడి చేసి పల్లీలు, ఆవాలు, పచ్చి శనగపప్పు, మినప్పు వేసి దోరగా వేయించాలి. ఆ తర్వాత అల్లం ముక్కలు, ఎండు మిర్చీ, కరివేపాకులను వేయించండి. చివర్లో పసుపు కలపండి. అనంతరం ఆ పాత్రలో ముందుగా సిద్ధం చేసుకున్న అన్నాన్ని వేసి కలపండి. అనంతరం నిమ్మరసంలో తగినంత ఉప్పు కలిపి అన్నీ బాగా కలిసేలా నెమ్మదిగా కలపండి. అంతే.. పులిహోరా సిద్ధం. నిమ్మరసం ఆరోగ్యానికి మేలు చేస్తుంది కాబట్టి.. ఎంత తిన్నా మంచిదే.

Read Also: బీర్ తాగితే.. శృంగారంలో రెచ్చిపోతారా? ఎంత మోతాదులో తీసుకోవాలి?

చింతపండు పులిహోరకు కావాలసిన పదార్థాలు:
బియ్యం: అరకిలో
చింతపండు: 100 గ్రాములు
మెంతులు: అర టీస్పూన్
ఉప్పు: తగినంత
నూనె: తగినంత
అల్లం ముక్కలు: అర టీస్పూన్
పసుపు: అర టీస్పూన్
పచ్చి శనగ పప్పు : అర టేబుల్‌స్పూన్
మినపపప్పు: అర టేబుల్‌స్పూన్
ఆవాలు: ఒక టీస్పూన్
పల్లీలు: తగినన్ని
ఎండు మిర్చి : 2
కరివేపాకు : కొన్ని రెమ్మలు

Read Also: శీఘ్ర స్కలనానికి కారణాలేమిటీ? ఈ టెక్నిక్స్ పాటిస్తే.. ‘ఫుల్’ ఎంజాయ్!

తయారీ విధానం: ముందుగా అన్నం ఉడికించి సిద్ధంగా ఉంచండి. అనంతరం చింతపండులో తగినన్ని నీళ్లు పోసి నానబెట్టి చిక్కని గుజ్జును తీయండి. కొన్ని మెంతులు, ఆవాలను వేయించి పొడి చేయండి. మరో పాత్రలో నూనె వేసి పోపు పదార్థాలన్నీ వేయించి పక్కన పెట్టుకోవాలి. ఇంకో పాత్రలో చింతపండు గుజ్జు వేసి సిమ్‌లో ఉడికించండి. అందులోనే కాస్త ఉప్పు, పసుపు వేయండి. గుజ్జు చిక్కగా మారిన తర్వాత ఆవాలు, మెంతుల పొడిని వేసి కలపండి. పులిహోర మెత్తగా మారకూడదంటే.. ఒక టేబుల్‌స్పూను నువ్వుల నూనె కలపండి.



Source link

Leave a Reply

Your email address will not be published. Required fields are marked *