Pullela Gopichand : కరోనా కట్టడికి పుల్లెల గోపీచంద్ విరాళం – national badminton coach pullela gopichand donates rs 26 lakh towards coronavirus relief fund


దేశంలో కరోనా వైరస్ కట్టడి కోసం జాతీయ బ్యాడ్మింటన్‌ చీఫ్ కోచ్‌ పుల్లెల గోపీచంద్‌ ముందుకు వచ్చారు. ఇప్పటికే స్టార్ షట్లర్ పీవీ సింధు రూ. 5 లక్షల చొప్పున రెండు తెలుగు రాష్ట్ర ప్రభుత్వాలకి విరాళం ప్రకటించగా.. గోపీచంద్ రూ. 26 లక్షలు విరాళంగా అందజేస్తున్నట్లు ప్రకటించారు. కరోనా వైరస్ వ్యాప్తి కారణంగా దేశంలో 21 రోజుల లాక్‌డౌన్ ఉండటంతో ప్రస్తుతం అకాడమీని మూసివేసిన గోపీచంద్.. ఇంట్లో ఫ్యామిలీతో సమయం గడుపుతున్నారు.


Read More:
సింధు జాక్‌పాట్‌..2022 వరకు వరల్డ్ ఛాంపియన్

గోపీచంద్ తాను ప్రకటించిన రూ. 26 లక్షల విరాళంలో.. రూ. 11 లక్షలు పీఎం- కేర్స్ ఫండ్‌కి, రూ. 10 లక్షలు తెలంగాణ సీఎం రిలీఫ్ ఫండ్‌కి మిగిలిన రూ. 5 లక్షలు ఏపీ సీఎం రిలీఫ్ పండ్‌కి కేటాయించారు. మార్చి నెలలో ఆల్‌ ఇంగ్లాండ్ ఛాంపియన్‌షిప్‌ కోసం పీవీ సింధుతో కలిసి వెళ్లిన గోపీచంద్.. హైదరాబాద్‌కి వచ్చిన తర్వాత ఇంటికి వెళ్లకుండా 14 రోజుల పాటు ఫామ్‌ హౌస్‌లో సెల్ఫ్ క్వారంటైన్‌లో ఉన్న విషయం తెలిసిందే.

Read More:
ఫిఫా U-17 ఉమెన్స్ వరల్డ్‌కప్ వాయిదా


విరాళం ప్రకటించిన తర్వాత గోపీచంద్ మాట్లాడుతూ ‘‘కరోనా వైరస్‌ కట్టడిలో కేంద్ర, రాష్ట్ర ప్రభుత్వాల పోరాటానికి నా ఈ చిన్న సాయం అందజేస్తున్నాను. క్లిష్ట పరిస్థితులు ఉన్నప్పటికీ కేంద్ర, రాష్ట్ర ప్రభుత్వాలు అద్భుతంగా పనిచేస్తున్నాయి. వారికి మన వంతుగా కూడా సాయం చేద్దాం. ముఖ్యంగా.. ప్రభుత్వ సూచనల్ని పాటిస్తూ.. ఇంట్లో ఉండండి. కరోనా వైరస్ ప్రభావం మన ఆర్థిక వ్యవస్థ మీద కూడా పడుతోంది. కాబట్టి.. ప్రభుత్వాలకి చేతనైనంత సాయం చేసి.. కరోనాపై సమష్టిగా విజయం సాధిద్దాం’’ అని పిలుపునిచ్చారు. కరోనా వైరస్ కారణంగా ఈ ఏడాది జులైలో జరగాల్సిన టోక్యో ఒలింపిక్స్ వచ్చే ఏడాదికి వాయిదాపడిన విషయం తెలిసిందే.





Source link

Leave a Reply

Your email address will not be published. Required fields are marked *