Pullela Gopichand Home Quarantine: హోం క్వారంటైన్‌కి కోచ్ పుల్లెల గోపీచంద్ – pullela gopichand goes in home-quarantine in hyderabad after returning from andhra pradesh


భారత జాతీయ బ్యాడ్మింటన్ చీఫ్ కోచ్ పుల్లెల గోపీచంద్ నెల వ్యవధిలోనే రెండోసారి క్వారంటైన్‌లోకి వెళ్లారు. గత మార్చిలో ఆల్ ఇంగ్లాండ్ ఛాంపియన్‌షిప్‌‌కి స్టార్ షట్లర్ పీవీ సింధుతో కలిసి వెళ్లిన గోపీచంద్.. స్వదేశానికి వచ్చిన తర్వాత నేరుగా ఇంటికి వెళ్లకుండా 14 రోజుల పాటు ఫామ్‌హౌస్‌లో సెల్ఫ్ క్వారంటైన్‌లో ఉన్నారు. తాజాగా విజయవాడ నుంచి హైదరాబాద్‌కి కారులో వెళ్తున్న గోపీచంద్‌ని కోదాడ వద్ద ఆపిన వైద్య సిబ్బంది పరీక్షల అనంతరం 28 రోజుల పాటు హోం క్వారంటైన్‌లో ఉండాలని సూచిస్తూ ముద్ర వేశారు.

Read More: ధోనీ తెల్ల గడ్డంపై జోకులు.. నా బిడ్డకి వయసైపోలేదు: ధోనీ తల్లి

మూడు వారాల క్రితం విజయవాడకి వెళ్లిన గోపీచంద్ తాజాగా హైదరాబాద్‌కి తన డ్రైవర్‌తో కలిసి తిరిగి వెళ్తుండగా.. కోదాడ వద్ద ఉన్న రామాపురం చెక్‌పోస్ట్ వద్ద అతని వాహనాన్ని తెలంగాణ వైద్య సిబ్బంది ఆపారు. అక్కడే గోపీచంద్‌తో పాటు అతని డ్రైవర్‌కి కూడా థర్మల్ స్క్రీనింగ్ చేసిన సిబ్బంది.. వివరాలను నమోదు చేసుకుని హోం క్వారంటైన్‌లో ఉండాలని సూచించారు.

Read More: షోయబ్ అక్తర్ ఆరోజు చంపేస్తాడని భయపడ్డా: బంగ్లా కెప్టెన్

ఆంధ్రప్రదేశ్‌లో కరోనా వైరస్ పాజిటివ్ కేసుల సంఖ్య మంగళవారం మధ్యాహ్నానికి 2,051కి చేరుకోగా.. తెలంగాణలో ఆ సంఖ్య 1,275గా ఉంది. దీంతో.. అప్రమత్తంగా ఉన్న రాష్ట్ర ప్రభుత్వాలు.. రాష్ట్రాల సరిహద్దులు దాటి వస్తున్న వారిపై నిఘా పెంచుతున్నాయి. దేశంలో కరోనా వైరస్ కట్టడి కోసం ఇటీవల గోపీచంద్ రూ. 26 లక్షల విరాళం ప్రకటించారు. ఇందులో రూ. 11 లక్షలు పీఎం- కేర్స్ ఫండ్‌కి, రూ. 10 లక్షలు తెలంగాణ సీఎం రిలీఫ్ ఫండ్‌కి మిగిలిన రూ. 5 లక్షలు ఏపీ సీఎం రిలీఫ్ పండ్‌కి అతను కేటాయించారు.



Source link

Leave a Reply

Your email address will not be published. Required fields are marked *