pulwama Attack: పుల్వామా ఉగ్రదాడి మా ఘనతే.. పాక్ మంత్రి సంచలన ప్రకటన – pulwama attack is great success of imran khan govt, says pakistan minister fawad chaudhury in national assembly


పుల్వామా ఉగ్రదాడి తామే చేసినట్లు పాకిస్థాన్ ప్రకటించింది. అంతేకాదు ఆ దుశ్చర్యను తమకు గర్వకారణంగా పేర్కొంది. ఈ వ్యాఖ్యలు ఎవరో అనామకులు చేశారనుకుంటే పొరపాటే. సాక్షాత్తూ పాకిస్థాన్ మంత్రే ఈ ప్రకటన చేశారు. అది కూడా ఆ దేశ జాతీయ అసెంబ్లీలో కావడం గమనార్హం. పాక్ ప్రేరేపిత ఉగ్రవాదులు కశ్మీర్‌లోని పుల్వామాలో కారు బాంబు దాడిలో 40 మంది సీఆర్‌పీఎఫ్ జవాన్లను పొట్టనపెట్టుకున్నారు. కానీ, ఈ ఘటనలో తమ ప్రమేయం ఉందని నిందించడం సరికాదంటూ పాక్ ప్రకటనలు చేస్తూ వచ్చింది. అంతర్జాతీయ వేదికలపై కల్లబొల్లి మాటలు చెప్పింది. కానీ, తాజాగా పుల్వామా ఉగ్రదాడి వెనుక తామే ఉన్నామని పాక్ అధికారికంగా ప్రకటించినట్లయింది.

మేం భారత్‌‌ను దాని గడ్డపైనే కోలుకోని దెబ్బ తీశాం. ఇది గొప్ప విజయం. పుల్వామాలో మేం సాధించిన విజయం ఇమ్రాన్ ఖాన్ నాయకత్వంలోని ప్రజలందరి విజయం. మీరు, మేం.. అందరం ఆ విజయంలో భాగం..

పాక్ మంత్రి ఫవాద్ చౌదురి

ఇమ్రాన్ ఖాన్ క్యాబినెట్‌లోని మంత్రి ఫవాద్ చౌదురి గురువారం (అక్టోబర్ 29) పాకిస్థాన్ జాతీయ అసెంబ్లీలో మాట్లాడుతూ పుల్వామా దాడిని తమ ఘనతగా అభివర్ణించారు.

‘మేం హిందూస్థాన్‌ను దాని గడ్డపైనే కోలుకోని దెబ్బ తీశాం. ఇది గొప్ప విజయం. పుల్వామాలో మేం సాధించిన విజయం ఇమ్రాన్ ఖాన్ నాయకత్వంలోని ప్రజలందరి విజయం. మీరు, మేం.. అందరం ఆ విజయంలో భాగం’ అని మంత్రి ఫవాద్ చౌదురి అన్నారు. పుల్వామా ఘటన (Pulwama Attack) వెనుక ఉన్న తామే ఉన్నామని పాక్ ప్రకటించడం ఇదే తొలిసారి.

విపక్షాల ఉచ్చులో పడి అధికారికంగా అంగీకరించిన పాక్!
ఇండియన్ ఎయిర్‌ఫోర్స్ వింగ్ కమాండర్, భారత వీరుడు అభినందన్ వర్ధమాన్ అంశం పాకిస్థాన్‌లో అగ్గి రాజేస్తోంది. అభినందన్‌ను అప్పగించిన అంశంపై ప్రతిపక్షాలు ఇమ్రాన్ (Imran Khan) ప్రభుత్వాన్ని దుమ్మెత్తి పోస్తున్నాయి. ఈ విమర్శలకు బదులిచ్చే క్రమంలో పాక్ మంత్రి ఫవాద్ తాజా ప్రకటన చేశారు.

నవాజ్ షరీఫ్ నాయకత్వంలోని పాకిస్థాన్ ముస్లిం లీగ్ (PML-N) పార్టీ నాయకుడు సర్దార్ అయాజ్ సాధిక్ బుధవారం ఓ టీవీ ఛానెల్‌తో మాట్లాడుతూ పుల్వామా దాడిని ప్రస్తావిస్తూ ఇమ్రాన్ ఖాన్ ప్రభుత్వంపై ఘాటు విమర్శలు చేశారు. అభినందన్ వర్ధమాన్‌ను భారత్‌కు అప్పగించే విషయంలో ఆర్మీ చీఫ్ జనరల్ ఖమర్ జావేద్ బజ్వా వణికిపోయారని వ్యాఖ్యానించారు. ఆయన కాళ్లు వణుకుతూ షేక్ అయ్యాయని అన్నారు. ‘ఆర్మీ చీఫ్ వణికిపోతూ విదేశాంగ మంత్రి షా మొహమ్మద్ ఖురేషీ వద్దకు పరుగెత్తుకొచ్చారు. ఇండియన్ ఎయిర్ ఫోర్స్ వింగ్ కమాండర్‌ను వెంటనే భారత్ అప్పగించాలని సూచించారు. లేకపోతే రాత్రి 9 గంటలకు భారత్ పాకిస్థాన్‌పై దాడి చేసే అవకాశం ఉందని హెచ్చరించాడు’ అని సాధిక్ చెప్పుకొచ్చారు.

అయితే.. అభినందన్ (Abhinandan Varthaman)‌ను అప్పగించే విషయంలో ఇమ్రాన్ ప్రభుత్వం వణికిపోయిందనే విమర్శలను అధికార పార్టీ నేతలు ఖండించారు. ఈ అంశంపై జాతీయ అసెంబ్లీలో క్లారిటీ ఇస్తూ పుల్వామా ఉగ్రదాడిని తమ ఘనతగా చెప్పుకున్నారు.

పుల్వామా ఘటనపై ఇంతకాలం తప్పించుకుంటూ వస్తున్న పాకిస్థాన్ ఎట్టకేళకు బయటపడింది. విపక్షాల ఉచ్చులో దాడి ఘటనపై ప్రకటన చేసింది. ఉగ్రదాడి తామే చేయించామని అధికారికంగా చెప్పింది. ఇక అంతర్జాతీయ సమాజం ముందు తలదించుకోవాల్సిందే.

Also Read:సెప్టెంబర్‌లో కరోనా.. గుండెపోటుతో మాజీ సీఎం కన్నుమూత

Don’t Miss:పాక్‌కు ఊహించని షాకిచ్చిన సౌదీ ప్రభుత్వం.. భారత్‌కు దీపావళి గిఫ్ట్!

Must Read:డిసెంబర్‌లో ఆక్స్‌ఫర్డ్ వ్యాక్సిన్.. రిజిస్టర్ చేసుకున్న వారికే ఫస్ట్

అసలేం జరిగింది? అభినందన్ పాక్ సైన్యానికి ఎలా చిక్కారు?
2019 ఫిబ్రవరిలో కశ్మీర్‌లోని పుల్వామాలో సీఆర్‌పీఎఫ్ కాన్వాయ్‌పై ఉగ్రవాదులు దాడి చేశారు. రోడ్డు పక్కన నిలిపి ఉంచిన కారును ఒక్కసారిగా పేల్చి వేశారు. దీంతో భారీ విధ్వంసం జరిగింది. ఈ ఘటనలో 40 మంది సీఆర్‌పీఎఫ్ జవాన్లు అమరులయ్యారు. దీంతో పాక్‌పై దేశవ్యాప్తంగా ఆగ్రహజ్వాలలు మిన్నంటాయి.

పుల్వామా ఉగ్ర దాడికి ప్రతీకార చర్యగా ఆ తర్వాత కొద్ది రోజులకే భారత యుద్ధవిమానాలు పాకిస్థాన్‌లోని బాలాకోట్‌లో ఉగ్రస్థావరంపై మెరుపు దాడులు (Indian Air Force Air Strikes) చేశాయి. ఈ ఘటనలో సుమారు 300 మంది ఉగ్రవాదులు హతమయ్యారని అంతర్జాతీయ పత్రికల్లో కథనాలు వెలువడ్డాయి. IAF ఎయిర్‌స్ట్రైక్స్‌తో ఇరు దేశాల మధ్య ఉద్రిక్తతలు తలెత్తాయి. పాక్ యుద్ధ విమానాలు భారత్‌పై బాంబు దాడులకు ప్రయత్నించాయి. ఇండియన్ ఎయిర్ ఫోర్స్ ఆ దాడులను సమర్థంగా తిప్పికొట్టింది.

భారత భూభాగం మీదకు వచ్చిన పాకిస్థాన్ యుద్ధ విమానాలను తరిమికొడుతూ ఆ దేశానికి చెందిన ఎఫ్-16 ఫైటర్ జెట్‌ను అభినందన్ వర్ధమాన్ నేల కూల్చాడు. ఈ క్రమంలో ఆయన ప్రయాణిస్తున్న మిగ్-21 బైసన్ పాక్ గగనతంలో కూలిపోయింది. పారాచ్యూట్ సాయంతో సురక్షితంగా కిందకు దిగిన అతణ్ని స్థానికులు పట్టుకొని గాయపరిచారు. ఆ తర్వాత ఆయణ్ని పాక్ సైన్యం తమ అదుపులోకి తీసుకుంది. అభినందన్‌ను సురక్షితంగా అప్పగించాలని భారత్ డిమాండ్ చేసింది. అంతర్జాతీయంగా ఒత్తిడి పెంచింది. దీంతో రెండు రోజుల తర్వాత అభినందన్‌ను భారత్‌కు అప్పగించారు. శత్రువు చెరలో ఏ మాత్రం బెదరకుండా.. తెగువను ప్రదర్శించిన అభినందన్‌పై దేశవ్యాప్తంగా ప్రశంసలు వెల్లువెత్తాయి.

Must Read:క్రైమ్ సీరియల్‌ను 100 సార్లు చూసిన మైనర్ బాలుడు.. ఆరా తీస్తే షాక్!

Watch Video:కోట్ల రూపాయల కారును తగలబెట్టేశాడు.. షాకింగ్ వీడియో!



Source link

Leave a Reply

Your email address will not be published. Required fields are marked *