pumpkin seeds health benefits: గుమ్మడి గింజలతో స్పెషల్ రెసిపీస్.. ఎంతో టేస్టీ.. మరెంతో హెల్దీ.. – pumpkin seeds recipes know here health benefits in telugu


కరోనా వైరస్ ను నివారించడానికి లేదా ఎదుర్కోవటానికి మెగ్నీషియం బాగా సహాయపడుతుందని చాలా అధ్యనాలు చెబుతున్నాయి. కరోనా వైరస్ వల్ల వచ్చే లక్షణాల్లో ఒకటైన శ్వాసకోశ రుగ్మతలను తగ్గించడంలో మెగ్నీషియం ముఖ్యమైన పాత్ర పోషిస్తుందని నేషనల్ సెంటర్ ఫర్ బయోటెక్నాలజీ ఇన్ఫర్మేషన్ చేసిన అధ్యనంలో తేలింది. సప్లిమెంట్లపై ఆధారపడకుండా, మెగ్నీషియం అధికంగా ఉండే ఆహారాన్ని తీసుకోవడం వల్ల మీ ఆరోగ్యాన్ని కాపాడుకోవడానికి ఎంతో సహాయపడుతుంది. గుమ్మడికాయ గింజల్లో మెగ్నీషియం చాలా ఎక్కువగా ఉంటుంది. అందువల్ల, ఈ రోజుల్లో చాలా ప్రాముఖ్యత పొందుతుంది. ప్రపంచవ్యాప్తంగా ఆరోగ్య నిపుణులు గుమ్మడికాయ గింజలను రోజువారీ ఆహారంలో తీసుకోవాలని సూచిస్తున్నారు.

​గుమ్మడికాయ విత్తనాల పచ్చడి రెసిపీ..

గుమ్మడికాయ విత్తనాల పచ్చడి కోసం ఒక కప్పు గుమ్మడికాయ గింజలను రాత్రిపూట నానబెట్టాలి. ఉదయాన్నే నానిన గుమ్మడి విత్తనాల్లో కొంచెం ఉప్పు, వెల్లుల్లి, అల్లం, పచ్చిమిర్చి, ఎర్ర కారం, కొత్తిమీర, కొంచెం ఆలివ్ ఆయిల్ మరియు కొద్దిగా నిమ్మరసం వేసి రుబ్బుకోవాలి. అంతే గుమ్మడికాయ విత్తనాల పచ్చడి తయారవుతుంది. దీని భోజనంలో తీసుకుంటే చాలా బాగుంటుంది.

గుమ్మడికాయ గింజలతో స్మూతీ..

గుమ్మడి గింజల స్మూతీ కోసం కొన్ని గుమ్మడికాయ గింజలు, మరియు చిన్న చిన్న ముక్కలుగా తరిగిన ఒక అరటిపండును కలపండి. ఈ మిశ్రమాన్ని బ్లెండర్లో వేసి దానిలో కొన్ని పాలు, కొన్ని నీళ్లు వేసి బ్లెండ్ చేయండి. అంతే ఆరోగ్యకరమైన మరియు రుచికరమైన స్మూతీ తయారవుతుంది.

ఫ్రై గుమ్మడికాయ గింజల వంటకం..

గుమ్మడికాయ గింజలను రోస్ట్ చేసుకుని స్నాక్ ల ఒకసారి తింటే దాన్ని ఇంకా వదలరు. మళ్ళీ మళ్ళీ తింటూనే ఉంటారు. మీరు చేయాల్సిందల్లా గుమ్మడి గింజలను నెయ్యి, వెన్న లేదా నూనెలో వేయండి. ఆ తరువాత కొంచెం ఉప్పు, నల్ల మిరియాలు పొడి, ఎర్ర కారం, వెల్లుల్లి పొడి అందులో వేయండి. కాసేపు వాటిని వేపండి. గుమగుమలాడే ఆరోగ్యకరమైన వంటకం రెడీ. దీనిలో, మీరు మీ రుచి ప్రాధాన్యత ప్రకారం కరివేపాకు, గరం మసాలా, చాట్ మసాలా, ఒరేగానో మొదలైన వాటిని కూడా యాడ్ చేయొచ్చు.

Also Read : ఉదయాన్నే తాగే నిమ్మరసంలో ఈ రసం కూడా కలిపి తాగితే..

​తేనెతో సరికొత్తగా..

గుమ్మడికాయ గింజలతో ఆరోగ్యకరమైన స్వీట్ స్నాక్ ను తయారు చేయడానికి గుమ్మడి గింజలను కొంచెం నెయ్యిలో చిటికెడు ఉప్పు, దాల్చినచెక్క వేసి వేయించాలి. అవి వేగిన తరువాత కొంచెం తేనె వేసి బాగా కలపాలి. అంతే గుమగుమలాడే ఆరోగ్యకరమైన డెజర్ట్ రెడీ. గుమ్మడికాయ గింజలు రోగనిరోధక శక్తిని, హృదయనాళ వ్యవస్థను మెరుగుపరచడానికి మరియు బరువు తగ్గాలని చూసే వారికీ వారి లక్ష్యాన్నీ సాధించడంలో బాగా సహాయపడతాయి. ఈ కారణాల వల్ల గుమ్మడికాయ గింజలను మన రోజువారీ ఆహారంలో చేర్చడం చాలా మంచిది. ఈ అద్భుత విత్తనాలతో కొన్ని ఆరోగ్యకరమైన మరియు రుచికరమైన వంటకాలను తయారు చేయొచ్చు.

Also Read : ముక్కు నుండి రక్తం కారుతుందా.. ఇదే కారణం కావొచ్చు..

గుమ్మడికాయ విత్తనాల టీ

గుమ్మడికాయ గింజలను చిన్నగా కత్తిరించండి, పొడి చేయండి. ఒక గిన్నెలో ఒక కప్పు నీరు పోసి దాంట్లో పొడి చేసుకున్న గుమ్మడికాయ గింజలు వేసి కలిపి అరగంట సేపు మరగనివ్వండి. ఆ తరువాత దానిలో తేనె మరియు నిమ్మకాయ వేసుకుని ఆరోగ్యకరమైన కప్పు టీని తాగండి.

Also Read : శృంగారం తర్వాత మాట్లాడితే…

ప్రస్తుత సమయంలో మెగ్నీషియం లోపంతో మీ ఆరోగ్యాన్ని పాడుచేసుకోవద్దు. మెగ్నీషియం అధికంగా ఉన్న గుమ్మడికాయ గింజలతో ఈ వంటకాల చేసుకుని ఈ ఆహారం ద్వారా మీ ఆరోగ్యాన్ని కాపాడుకోండి.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.



Source link

Leave a Reply

Your email address will not be published. Required fields are marked *