Puri Jagannadh: చెత్త మనుషులతో నా జీవితం.. మీరైనా జాగ్రత్తగా ఉండండి.. పూరి జగన్నాథ్ ఓపెన్ కామెంట్స్ – puri jagannadh trash bag audio viral on social media


ఈ మధ్యకాలంలో డాషింగ్ డైరెక్టర్ పూరి జగన్నాథ్ ఎన్నో విషయాలపై తన అభిప్రాయాలను బయటపెడుతూ సూటిగా మాట్లాడుతున్నారు. పూరి మ్యూజింగ్స్ పేరుతో పలు పోడ్ కాస్ట్ ఆడియోలు రూపొందిస్తూ తనదైన కోణంలో జీవిత పాఠాలు చెబుతున్నారు. ఈ నేపథ్యంలోనే తాజాగా ఆయన రిలీజ్ చేసిన ‘ట్రాష్ బ్యాగ్’ ఆడియో జనాన్ని ఆలోచింపజేస్తోంది. ఈ ఆడియోలో పూరి చెప్పిన విషయాలు చాలా ప్రాక్టికల్‌గా ఉన్నాయని, నిజ జీవితంలో సరిగ్గా అవ్వే జరుగుతున్నాయని ఇది విన్న నెటిజన్స్ కామెంట్ చేస్తున్నారు. మరి ఇంతకీ ఆ ఆడియోలో పూరి ఏం చెప్పారో ఓ లుక్కేద్దామా..

”ఎడ్మండ్ హిల్లరీ ఎలాగైనా ఎవరెస్ట్ ఎక్కాలనుకున్నాడు. సో.. అందరితో కలిసి ప్లాన్ చేశాడు. 352 మంది పోర్టల్స్, కొంతమంది డాక్టర్లు.. మరో 20 మంది సహాయకులు.. ఆహారం, మిగతా వస్తువులతో కలిసి 4500 కేజీల లగేజీ.. ఇలా మొత్తం నాలుగు వందల మంది బయల్దేరారు. కొంత దూరం వెళ్లాక అందులో కొంత లగేజీ అవసరం లేదనిపించి దాన్ని వదిలేశాడు. బేస్ క్యాంప్ వచ్చేసరికి మరికొంత అనవసరం అనిపించి దాన్ని కూడా పక్కన పెట్టేశాడు. లగేజీతోపాటు మరికొందరిని వెనక్కి పంపించాడు.

Also Read: అద్భుతమైన వ్యక్తులతో అరుదైన అవకాశం.. క్రేజీ బ్యూటీ రష్మిక ఎమోషనల్ మెసేజ్

మోస్తూ నడుస్తుంటే మెల్లమెల్ల‌గా ఏది అవసరమో, ఏది అనవసరమో అర్థమైంది. వాటన్నింటినీ వదిలించుకొని ఫైనల్‌గా అతనొక్కడే ఎవరెస్ట్ ఎక్కాడు. అసలు ఎవరెస్ట్ ఎక్కాలనుకున్నది అతనొక్కడే. ఈ నాలుగొందల మంది కాదు. అలాగే జీవితంలో నువ్వు అనుకున్న ప్లేస్ చేరుకోవాలంటే అనవసరమైన లగేజీతో బయల్దేరకూడదు. కొండకు తాడు కట్టి దాన్ని పట్టుకొని ఎక్కుతున్నపుడు నీకు నువ్వే బరువు.. దానికితోడు ఇంకొంత మంది నిన్ను పట్టుకొని వేలాడుతుంటే అది సాధ్యమేనా? ఎక్కాలనుకున్నది నువ్వు.. వాళ్ళు కాదు. వాళ్ళందరూ నీకు చేసే సాయం ఏంటో తెలుసా? నిన్ను ఎక్కనివ్వకుండా ఆపడం ఒక్కటే.

అందుకే మన చుట్టూ ఉన్న చెత్తను గుర్తించాలి. చెత్త ఎప్పుడూ మనుష్యుల రూపంలోనే ఉంటుంది. అది గుర్తించే సరికి నా జీవితంలో సగం అయిపోయింది. మీరైనా జాగ్రత్తగా ఉండండి. గుర్తుపెట్టుకోండి.. ట్రాష్ బ్యాగ్ ఎప్పుడూ నవ్వుతూ మనవెంటే ఉంటాయి. వాటి మీద ట్రాష్ బ్యాగ్ అని రాసి ఉండదు.. కానీ ఆ ట్రాష్ బ్యాగ్‌ను గుర్తించి ఎప్పటికప్పుడు వదిలించుకుంటేనే నీ సక్సెస్” అని పూరి జగన్నాథ్ తెలిపారు.



Source link

Leave a Reply

Your email address will not be published. Required fields are marked *