PV Sindhu : కరోనా వైరస్‌ కట్టడికి సింధు స్పెషల్ వీడియో – pv sindhu on covid 19 awareness


భారత్‌లో కరోనా వైరస్ కట్టడి కోసం బ్యాడ్మింటన్ క్రీడాకారిణి పీవీ సింధు ముందుకు వచ్చింది. వైరస్ వ్యాప్తిపై ప్రజల్లో అవగాహన కల్పించాలని శుక్రవారం వీడియో కాన్ఫరెన్స్‌లో క్రీడాకారుల్ని కోరిన ప్రధాని నరేంద్ర మోడీ.. తెలుగు షట్లర్ పీవీ సింధుతో ప్రత్యేకంగా మాట్లాడారు. ఈ నేపథ్యంలో.. పీవీ సింధు.. కరోనా వైరస్ కట్టడి కోసం ఓ వీడియో ద్వారా ప్రజల్లో అవగాహన కల్పించే ప్రయత్నం చేసింది. దేశంలో లాక్‌డౌన్ ఉండటంతో.. ఈ వీడియోని ఆమె తండ్రి పీవీ రమణ తన మొబైల్‌లో షూట్ చేయడం విశేషం.


మార్చి నెలలో ఆల్ ఇంగ్లాండ్ ఓపెన్ ఆడేందుకు వెళ్లిన పీవీ సింధు.. అక్కడి నుంచి స్వదేశానికి తిరిగిరాగానే ప్రభుత్వ సూచనల మేరకు బాధ్యతాయుతంగా 14 రోజుల పాటు సెల్ఫ్ క్వారంటైన్‌లో ఉంది. ఈ స్వీయ నిర్బంధం ఇటీవల ముగియగా.. కరోనా వైరస్ కట్టడి కోసం తెలుగు రాష్ట్ర ప్రభుత్వాలకి పీవీ సింధు రూ. ఐదు లక్షలు చొప్పున విరాళం అందజేశారు. ఇప్పుడు ప్రధాని సూచనల మేరకు స్వయంగా ఓ వీడియో ద్వారా ప్రజలకి అవగాహన కల్పించే ప్రయత్నం చేసింది.

pv sindhu on covid 19 awareness

కరోనా వైరస్‌ కట్టడికి సింధు స్పెషల్ వీడియో

Loading

‘‘బ్యాడ్మింటన్ ఆడేటప్పుడు కోర్టులోనే ఆడాలి.. అప్పుడే గెలుస్తాం. అవునా..? కరోనాతో ఫైట్ చేయాలంటే మనం ఇంట్లోనే ఉండాలి. భౌతిక (సామాజిక) దూరం పాటిస్తేనే కోవిడ్-19 మీద మనం విజయం సాధించగలం. మనకి సహాయం అందించేందుకు 104 హెల్ప్ లైన్ నెంబర్లు అందుబాటులో ఉన్నాయి. ప్రభుత్వం చెప్తున్న సూచనలు పాటిస్తూ.. ఇంట్లోనే ఉందాం.. కరోనాని కలిసి ఎదుర్కొందాం. Stay Home Stay Safe అంటూ’’ వీడియోని ముగించింది.





Source link

Leave a Reply

Your email address will not be published. Required fields are marked *