PV Sindhu: పీవీ సింధూకి అరుదైన గౌరవం.. BWF అంబాసిడర్‌గా నియమాకం – badminton world federation names pv sindhu as an ambassador


భారత బ్యాడ్మింటన్ స్టార్ పీవీ సింధుకి అరుదైన గౌరవం దక్కింది. వరల్డ్‌ బ్యాడ్మింటన్ ఫెడరేషన్ (బీడబ్ల్యూఎఫ్) తాజాగా పీవీ సింధూని అంబాసిడర్‌గా నియమించింది. ఆమెతో పాటు అగ్రశ్రేణి షట్లరు జాక్ సెఫర్డ్ (ఇంగ్లాండ్), చాన్ యుయోన్ (హాంకాంగ్), జెంగ్ వీ, హావాంగ్ కియాంగ్ (చైనా), నోబ్లాక్, జ్వీబ్లర్ (జర్మీన్) తదితర షట్లర్లు బీడబ్ల్యూఎఫ్ అంబాసిడర్‌లుగా ఎంపికయ్యారు.

Read More:
బీడబ్ల్యూఎఫ్ అంబాసిడర్‌లు యువ షట్లర్లలో స్ఫూర్తి నింపుతూ ‘‘ఐ యామ్ బ్యాడ్మింటన్’’ ద్వారా వారికి అవగాహన కల్పిస్తుంటారు. బీడబ్ల్యూఎఫ్ అంబాసిడర్‌గా ఎంపికడంపై పీవీ సింధు మాట్లాడుతూ ‘‘స్పోర్స్‌ని మీ కోసం మీరు ఆడుతున్నారు. కాబట్టి.. దాన్ని మీరు బాగా ఆస్వాదించాలి. అలానే ప్రతి షట్లర్ గేమ్‌ని నిజాయతీ, అంకితభావంతో ఆడాలి. బ్యాడ్మింటన్‌పై తమకి ఉన్న ఇష్టాన్ని తెలియజేయడానికి ఐ యామ్ బ్యాడ్మింటన్ మంచి ప్లాట్‌ఫామ్’’ అని వెల్లడించింది.

2019లో వరల్డ్ బ్యాడ్మింటన్ ఛాంపియన్‌గా నిలిచిన పీవీ సింధు.. ఆ ఘనత సాధించిన తొలి భారత మహిళా షట్లర్‌గా అరుదైన రికార్డు నెలకొల్పింది. కానీ.. ఆ టోర్నీ తర్వాత కనీసం ఒక్క టైటిల్ కూడా గెలవలేకపోయిన ఈ తెలుగు షట్లర్.. ఈ ఏడాది జులైలో జరగాల్సిన టోక్యో ఒలింపిక్స్‌పై ఆశలు పెట్టుకుంది. కానీ.. కరోనా వైరస్ కారణంగా టోక్యో ఒలింపిక్స్ వచ్చే ఏడాదికి వాయిదా పడిన విషయం తెలిసిందే.



Source link

Leave a Reply

Your email address will not be published. Required fields are marked *