Raghu Babu: సినీ కార్మికుల కోసం రఘుబాబు.. గొప్ప మనసు చాటుకుంటూ తన వంతు విరాళం – actor raghubabu donation for ccc


నేడు ప్రపంచమంతా కరోనా కల్లోలంలో కొట్టు మిట్టాడుతోంది. కంటికి కనిపించని మాయదారి మహమ్మారి సృష్టిస్తున్న అలజడికి అశేష ప్రజానీకం వణికిపోతున్నారు. ఇప్పటికే ప్రపంచవ్యాప్తంగా 33 లక్షలకు పైగా కరోనా కేసులు నమోదుకాగా మన భారతదేశంలో 35 వేలమంది కరోనా బారిన పడటం ఆందోళన కలిగిస్తోంది. ఓ వైపు కరోనా కట్టడిలో భాగంగా అన్ని దేశాల ప్రభుత్వ యంత్రాంగాలు తీవ్రంగా శ్రమిస్తుంటే, మరోవైపు కొన్ని స్వచ్చంద సంస్థలు ముందుకొచ్చి ఈ కల్లోల సమయంలో పనిదొరకని పేదవారికి ఆసరాగా నిలుస్తున్నాయి.

కరోనా నివారణ చర్యల్లో భాగంగా గత నెల రోజులుగా భారత ప్రభుత్వం దేశవ్యాప్త లాక్‌డౌన్ కొనసాగిస్తోంది. దీంతో చిన్న, పెద్ద పరిశ్రమలు, షాపింగ్ మాల్స్, సినిమా థియేటర్స్, షూటింగ్స్ అన్నీ మూసివేయబడ్డాయి. ఈ నేపథ్యంలో తమ సినీ పరిశ్రమలో పనిచేస్తున్న రోజువారీ కూలీలను ఆదుకోవడానికై చిరంజీవి ఆధ్వర్యంలో కరోనా క్రైసిస్ ఛారిటీ (సీసీసీ) ఏర్పాటు చేశారు. ఈ ఛారిటీ ద్వారా పేద కళాకారులకు నిత్యవసర సరుకులు పంపిణీ చేస్తూ ఉదారత చాటుకుంటున్నారు సినీ పెద్దలు.

మరోవైపు ఈ కరోనా క్రైసిస్ ఛారిటీకి అండగా నిలుస్తూ సినీ నటులు పెద్దఎత్తున విరాళాలు అందిస్తున్నారు. ఇప్పటికే ఎంతోమంది హీరోహీరోయిన్లు ముందుకొచ్చి తమ తమ విరాళాలు ఇవ్వగా, తాజాగా ప్రముఖ సీనియర్ నటులు గిరిబాబు గారి తనయుడు రఘుబాబు తనవంతు విరాళం అందించారు. కరోనా క్రైసిస్ ఛారిటీకి లక్ష రూపాయల విరాళం ఇచ్చిన రఘుబాబు.. ప్రొడక్షన్ మేనేజర్ యూనియన్‌కి 25 వేల రూపాయలు, టీవీ ఆర్టిస్ట్ యూనియన్‌కి 25 వేల రూపాయలు, అలాగే కాదంబరి కిరణ్ నడిపిస్తున్న ‘మనం సైతం’కి మరో 25 వేల రూపాయలు ఇచ్చారు. మొత్తంగా చూస్తే లక్షా 75 వేల రూపాయల ఆర్ధిక సాయం చేసి గొప్ప మనసు చాటుకున్నారు రఘుబాబు.



Source link

Leave a Reply

Your email address will not be published. Required fields are marked *