rahul hegde helping: ఇల్లు కట్టిస్తూ పిల్లలకు అండగా సిరిసిల్ల ఎస్పీ.. కదిలించే ఘటనకు డీజీపీ ఫిదా – sircilla sp rahul hegde constructs a house for two orphan children in rudrangi


పోలీసుల్లో కూడా మంచి మనసున్నవారు ఉంటారని నిరూపించారు రాజన్న సిరిసిల్ల ఎస్పీ రాహుల్ హెగ్డే. సిరిసిల్లలో ఇద్దరు అనాథ పిల్లలను చేరదీసి వారికి అన్ని తానై ఉంటానని భరోసా కల్పించారు. అంతేకాదు ఆ అనాథ పిల్లలకు ఇల్లు కూడా కట్టించటానికి జిల్లా ఎస్పీ రాహుల్ హెగ్డే సన్నాహాలు చేస్తున్నారు.

వివరాల్లోకి వెళ్తే.. రాజన్న సిరిసిల్ల జిల్లాకి చెందిన చిన్నారుల తల్లిదండ్రులు గల్ఫ్‌కి వెళ్లి అనారోగ్య కారణాలతో చనిపోవటంతో ఇద్దరు పిల్లలు అనాథలుగా మారారు. పట్టించుకునే దిక్కు లేకపోవటంతో అదే జిల్లా రుద్రంగి మండల కేంద్రానికి చెందిన అమ్మమ్మ ఇంట్లో ఉంటూ కాలం వెళ్లదీస్తున్నారు. ఆ చిన్నారుల అమ్మమ్మకి కూడా అనారోగ్య సమస్యలు తలెత్తడంతో ఆ పిల్లల పరిస్థితి దయనీయంగా మారింది.

గ్రామస్థులు స్థానిక నాయకుల ద్వారా ఈ విషయం తెలుసుకున్న జిల్లా ఎస్పీ రాహుల్ హెగ్డే తానే స్వయంగా తనతో పాటుగా కొందరు దాతలు ఇచ్చిన విరాళాల సహాయంతో ఆ చిన్నారులకి ఇల్లు కట్టించి ఇస్తున్నారు. దాని కోసం ఒక స్థలం సేకరించి ఇంటికి శంకుస్థాపన కూడా చేశారు. గ్రామస్తులందరూ జిల్లా ఎస్పీ చేస్తున్న సహాయంతో సంతోషం వ్యక్తం చేస్తున్నారు. ఈ విషయం తెలిసిన తెలంగాణ రాష్ట్ర డీజీపీ మహేందర్ రెడ్డి సిరిసిల్ల ఎస్పీ రాహుల్ హెగ్డేను అభినందించారు. పోలీసులు ఉన్నది సమాజానికి మంచి చేయటం కోసమేనని ఆ మంచి కోసం పోలీసులు ఏదైనా చేస్తారని అభినందించారు.

Also Read: ప్రైమ్ మినిస్టర్ పక్కకెళ్లి మాట్లాడుకోండి.. ప్రధానికి ఇంటి ఓనరు షాక్

Must Read: ఎన్టీఆర్ ఫ్యాన్స్ Vs మీరా చోప్రా: కేటీఆర్ సాయం కోరిన నటి, మంత్రి ఏమన్నారంటే..



Source link

Leave a Reply

Your email address will not be published. Required fields are marked *