Rahul Sipligunj Marriage: హ్యాపీ మ్యారీడ్ లైఫ్.. రాహుల్ సిప్లిగంజ్ పెళ్లి వార్త వైరల్.. నోయల్ ఎంత పనిచేశాడో! – bigg boss fame rahul sipligunj marriage rumors on social media


కొత్త ఇళ్లు.. కొత్త కారు.. అదిరిందయ్యా రాహులూ అనే వాళ్లు చాలా మందే. మరి కొత్త భార్య ఎప్పుడంటే త్వరలోనే ఉంటుందని బిగ్ బాస్ విన్నర్‌గా అవతరించినప్పుడే చెప్పారు రాహుల్ సిప్లిగంజ్. పెళ్లి ప్రయత్నాల్లో ఉన్నట్టు అప్పట్లో తెలిపిన రాహుల్… లవ్ మ్యారేజ్ చేసుకుంటారా? లేక పెద్దలు కుదిర్చిన పెళ్లా అంటే ఖచ్చితంగా లవ్ మ్యారేజ్ అని చెప్పాడు. అయితే ఆల్రెడీ లవ్ ట్రాక్ ఎక్కారా అంటే మాత్రం.. అన్నీ ఇప్పుడే చెప్పేస్తే ఎట్టా.. తరువాత చెప్తా అని దాటవేశారు.

ఇప్పుడు ఈ పెళ్లి ముచ్చట ఎందుకు అంటే.. రాహుల్‌కి పెళ్లైందనే వార్త హాట్ టాపిక్ అవుతోంది. కొంపతీసి.. ఆ దిల్ రాజు, నిఖిల్ మాదిరి లాక్ డౌన్‌లో ఓ ఇంటివాడు అయ్యాడా? అంటూ సోషల్ మీడియాలో చర్చ మొదలైంది. రాహుల్ సిప్లిగంజ్ జిగిడీ దోస్త్, సింగర్ నోయల్ పెట్టిన ఓ మేసేజ్ రాహుల్ పెళ్లి వార్తలకు బలాన్ని చేకూర్చింది.

ఇంతకీ ఈ పెళ్లి ముచ్చట ఏంటంటే.. తరచూ పార్టీల్లో స్నేహితులతో ఎంజాయ్ చేసే రాహుల్ సిప్లిగంజ్.. లాక్ డౌన్ డౌన్ కారణంగా బయటకు వెళ్లే పరిస్థితి లేకపోవడంతో తన క్లోజ్ ఫ్రెండ్స్‌తో ఇంట్లోనే హంగామా చేశాడు. రాహుల్, నోయల్, వితిక, వరుణ్‌లతో పాటు మరికొంత మంది స్నేహితులతో ఎంజాయ్ చేస్తున్న ఫొటోలను ఇన్ స్టాగ్రామ్‌లో షేర్ చేశారు రాహుల్. హ్యపీ టైమ్స్ విత్ మై హ్యాపీ పీప్స్ అంటూ కామెంట్‌ను జత చేశారు. అయితే వితికా.. హేయ్ పార్టీ అంటూ ఈ ఫొటోపై కామెంట్ చేయగా.. ఇదే ఫొటోలో కనిపిస్తున్న నోయల్ మాత్రం ‘హ్యాపీ మ్యారీడ్ లైఫ్’ అంటూ కామెంట్ చేయడంతో చిచ్చా ఫ్యాన్స్ చెలరేగిపోతున్నారు.

కంగ్రాట్స్ చిచ్చా.. ఇంతకీ అమ్మాయి ఎవరు?? పునర్నవి కాదుగా.. నోయల్ అన్న ద్వారా మాకు ఈ గుడ్ న్యూస్ తెలిసింది. ఇంతకీ మ్యారేజ్ ఎవరితో చెప్పన్నా.. టెన్షన్ తట్టుకోలేకపోతున్నాం’ అంటూ మెసేజ్‌లు పెడుతూనే ఉన్నారు. మరి నోయల్ సరదాగా కోసం ఈ మెసేజ్ పెట్టారా? లేక నిజంగానే రాహుల్‌కి పెళ్లైందా అన్నది మాత్రం సీక్రెట్‌గా ఉంది.





Source link

Leave a Reply

Your email address will not be published. Required fields are marked *