rajasthan girl rape: పెళ్లి కాకుండానే గర్భం.. ఆరా తీస్తే దారుణం వెలుగులోకి.. – minor girl gangraped by three men in rajasthan


కడుపునొప్పితో బాధపడుతున్న పదమూడేళ్ల కూతురిని ఆస్పత్రికి తీసుకెళ్తే వైద్యులు చెప్పిన మాట విని ఆ తల్లిదండ్రుల గుండె బద్దలైంది. పెళ్లి కాకుండానే కూతురు గర్భం దాల్చిందని చెప్పడంతో షాక్‌కి గురయ్యారు. బాలికను నెమ్మదిగా ఆరా తీయడంతో తనపై జరిగిన అఘాయిత్యాన్ని వెల్లడించింది. ముగ్గురు కామపిశాచులు తనను లాక్కెళ్లి గ్యాంగ్ రేప్ చేసినట్లు చెప్పడంతో ఆమె తల్లిదండ్రులు పోలీసులను ఆశ్రయించారు. ఈ దారుణ ఘటన రాజస్థాన్‌లోని ఆళ్వార్‌లో జరిగింది.

దళిత బాలికను గ్యాంగ్ రేప్ చేసి గర్భవతిని చేసిన దారుణ ఘటన వెలుగులోకి వచ్చింది. కమా పోలీస్ స్టేషన్ పరిధిలోని భరత్‌పూర్‌కి చెందిన బాలిక(13) పొలం నుంచి ఇంటికి వెళ్తుండగా అదే గ్రామానికి చెందిన ముగ్గురు వ్యక్తులు ఆమెను అడ్డుకున్నారు. బాలికను పొలంలోకి లాక్కెళ్లి దారుణంగా అత్యాచారం చేశారు. పశువుల్లా మీదపడి కామవాంఛలు తీర్చుకున్నారు.

Also Read: మల్లెపూల తోటలో దారుణం.. పక్కింటి అమ్మాయిని నమ్మకంగా తీసుకెళ్లి..

తనపై జరిగిన అఘాయిత్యాన్ని చెప్పుకునేందుకు భయపడిపోయిన బాలిక మౌనం వహించింది. కొద్దిరోజుల తర్వాత బాలిక శరీరంలో మార్పులు రావడంతో పాటు కడుపునొప్పితో బాధపడుతుండడంతో ఆమె తల్లిదండ్రులు ఆస్పత్రికి తీసుకెళ్లారు. బాలికను పరీక్షించిన వైద్యులు ఆమె గర్భవతి అని చెప్పడంతో తల్లిదండ్రులు దిగ్భ్రాంతికి గురయ్యారు. పెళ్లి కాకుండానే గర్భం దాల్చిందని తెలియడంతో షాక్‌కి గురయ్యారు.

బాలికను ఆరా తీయడంతో మృగాళ్ల లైంగిక దాడి వెలుగులోకి వచ్చింది. వెంటనే బాధితురాలి తండ్రి పోలీసులను ఆశ్రయించాడు. మైనర్ బాలికను లాక్కెళ్లి గ్యాంగ్ రేప్ చేశారని ఫిర్యాదు చేశాడు. బాధితురాలి తండ్రి ఫిర్యాదు మేరకు కిడ్నాప్, సామూహిక అత్యాచారం, పోక్సో తదితర సెక్షన్ల కింద కేసులు నమోదు చేశారు. నిందితుల కోసం గాలింపు చర్యలు చేపట్టారు.

Read Also: భార్యపై అనుమానంతో భర్త ఘాతుకం.. జీడిమెట్లలో దారుణం



Source link

Leave a Reply

Your email address will not be published. Required fields are marked *