Ram charan : ఇల్లు శుభ్రం చేసి, భార్యకు కాఫీ పెట్టిచ్చిన రామ్ చరణ్.. వారికి ఛాలెంజ్ – ram charan completes be the real man challenge and nominates trivikram, ranveer singh, rana, sharwanand


ఇంటిని పోషించే భర్త కోసం భార్యలు ఎంతో చేస్తుంటారు. రోజంతా కష్టపడి ఇంటికి వచ్చే భర్తకు ఎలాంటి ఇబ్బంది లేకుండా ఇంటి పనంతా భార్యలే చూసుకుంటారు. మన కోసం ఇంటి దగ్గర ఎంతో కష్టపడే భార్యలకు ఇప్పుడు మనం రుణం తీర్చుకునే సమయం వచ్చిందంటున్నారు టాలీవుడ్ స్టార్లు. ఈ లాక్‌డౌన్ వేల ఇంట్లో అసలు సిసలు మగాడిగా ఉండండి అంటూ ‘బీ ద రియల్ మ్యాన్’ అనే ఛాలెంజ్‌ను విసురుతున్నారు తెలుగు సినీ ప్రముఖులు. ప్రస్తుతం టాలీవుడ్‌లో నడుస్తోన్న ఈ కొత్త ఛాలెంజ్‌ను మెగా పవర్ స్టార్ రామ్ చరణ్ పూర్తిచేశారు. ఈ మేరకు ఆయన వీడియోను విడుదల చేశారు.


దర్శకధీరుడు ఎస్.ఎస్.రాజమౌళి పిలుపు మేరకు ఇప్పటికే యంగ్ టైగర్ ఎన్టీఆర్ తన ఇంట్లో పనిచేస్తూ ఒక వీడియోను విడుదల చేశారు. ఇప్పుడు రామ్ చరణ్ కూడా ట్విట్టర్ ద్వారా వీడియోను అభిమానులతో పంచుకున్నారు. బట్టలు సర్దేశారు, మాప్‌తో ఫ్లోర్ క్లీన్ చేసేశారు, మొక్కలకు నీళ్లు పోశారు, భార్య ఉపాసనకు కాఫీ పెట్టిచ్చారు. అంతేకాదు.. ఆయన మరో నలుగురిని ఈ ఛాలెంజ్‌కు నామినేట్ చేశారు. ఈ నలుగురు.. దర్శకుడు త్రివిక్రమ్, బాలీవుడ్ స్టార్ హీరో రణ్‌వీర్ సింగ్, రానా దగ్గుబాటి, శర్వానంద్.

Also Read:
ఎన్టీఆర్.. చీపురుపట్టి, గిన్నెలు క్లీన్ చేసి ఆ నలుగుర్ని నామినేట్ చేస్తూ వీడియో

‘‘పూర్తిచేశాను రాజమౌళి గారు. ఇంట్లో పనులు చేయడాన్ని గర్వంగా భావిద్దాం. నిజమైన మగాళ్లుగా ఉందాం. మహిళలకు సాయం చేసి పని భారాన్ని పంచుకుందాం. బి ద రియల్ మ్యాన్. త్రివిక్రమ్ గారు, రణ్‌వీర్ సింగ్, రానా దగ్గుబాటి, శర్వానంద్‌ ఈ ఛాలెంజ్‌ను చేసి చూపించాలని నేను నామినేట్ చేస్తున్నాను’’ అని తన ట్వీట్‌లో రామ్ చరణ్ పేర్కొన్నారు.





Source link

Leave a Reply

Your email address will not be published. Required fields are marked *