Ram Madhav: మూడు రాజధానులపై రాంమాధవ్ ఆసక్తికర వ్యాఖ్యలు – bjp national general secretary ram madhav interesting comments on ap three capitals


ఏపీకి మూడు రాజధానుల అంశంపై బీజేపీ జాతీ ప్రధాన కార్యదర్శి రాంమాధవ్ ఆసక్తికర వ్యాఖ్యలు చేశారు. విజయవాడలో సోము వీర్రాజు బీజేపీ అధ్యక్షుడిగా బాధ్యతల స్వీకరణ కార్యక్రమంలో పాల్గొన్న ఆయన.. తాజా పరిణామాలపై స్పందించారు. దేశంలో ఎక్కడా లేనట్టుగా ఏపీలో మూడు రాజధానుల నిర్ణయం తీసుకున్నారని.. ఈ అంశంలో కేంద్రం తన పరిధిలో వ్యవహరించింది అన్నారు. చంద్రబాబు ప్రభుత్వ సమయంలో ఎలా ఉందో.. ఇప్పుడు రాష్ట్ర పరిధి అంశాలపై అలానే కేంద్రం ఉందన్నారు.

దేశంలో పెద్ద రాష్ట్రంగా ఉన్న యూపీకి ఒకటే రాజధాని ఉందన్నారు.. ఏపీకి మాత్రం మూడు రాజధానులా అని వ్యాఖ్యానించారు. గతంలో తాము అమరావతిలో అవినీతిపై ప్రశ్నించామని.. ఇప్పుడు మూడు రాజధానుల పేరుతో అవినీతి చేస్తే తాము పోరాడతామన్నారు. అలాగే అమరావతి రైతులకు న్యాయం జరిగే వరకు పోరాడతామన్నారు.

ఏపీలో ప్రతిపక్ష స్థానం ఖాళీగా ఉందని.. ఆ స్థానాన్ని బీజేపీ భర్తీ చేయాలన్నారు రాంమాధవ్. కొత్త అధ్యక్షుడు సోము వీర్రాజు పార్టీని మరింత బలోపేతం చేస్తారని ఆశాభావం వ్యక్తం చేశారు. సంస్థాగతంగా పార్టీని పటిష్ఠం చేసుకుంటూ.. రాష్ట్రంలో ఖాళీగా ఉన్న ప్రతిపక్ష స్థానాన్ని భర్తీ చేయాలని కేడర్‌కు సూచించారు. 2024లో బీజేపీ అధికారంలోకి రావాలంటే రాబోయే నాలుగేళ్లు కార్యకర్తలు కష్టపడి పనిచేయాలన్నారు. అందరం కలిసి పనిచేస్తే పార్టీ గెలుపు ఖాయమని ధీమాను వ్యక్తం చేశారు.



Source link

Leave a Reply

Your email address will not be published. Required fields are marked *