ram nath kovind: ఏడాది వేతనంలో 30% వదులుకున్న రాష్ట్రపతి.. పీఎం కేర్స్‌కు రెండోసారి విరాళం – president kovind to forgo 30 per cent salary for a year to fight against covid-19


రోనా మహమ్మారితో భారత్ పోరు కొనసాగిస్తున్న వేళ రాష్ట్రపతి రామ్‌నాథ్ కోవింద్ కీలక నిర్ణయం తీసుకున్నారు. కరోనాపై పోరాటం కోసం ఏర్పాటు చేసిన పీఎం కేర్స్ ఫండ్‌కు తన వార్షిక వేతనంలో 30 శాతం నిధులను విరాళంగా ఇచ్చారు. పీఎం కేర్స్ ఫండ్‌కు ఇప్పటికే ఆయన ఒకసారి విరాళం ఇవ్వగా.. ఇది రెండోసారి కావడం విశేషం. రాష్ట్రపతి కోవింద్ తన మార్చి నెలకు సంబంధించిన పూర్తి వేతానాన్ని పీఎం కేర్స్ నిధికి జ‌మ‌చేసి దేశ ప్రథమ పౌరుడిగా అందరికీ స్ఫూర్తినిచ్చారు. తాజాగా త‌న ఏడాది వేత‌నంలో 30 శాతాన్ని వదులుకుంటూ మరోసారి స్ఫూర్తినిచ్చారు.

దేశం కరోనాపై పోరాటం చేస్తున్న వేళ రాష్ట్రపతి భవన్ కీలక నిర్ణయాలు తీసుకున్నట్లు అధికారిక ట్విటర్ ఖాతా ద్వారా గురువారం (మే 14) వెల్లడించారు. రాష్ట్రపతి భవన్‌లో ఖర్చులను తగ్గించడానికి ఇప్పటికే పలు నిర్ణయాలు తీసుకున్నట్లు తెలిపారు. మరోవైపు.. కరోనా మహమ్మారితో పోరులో భాగంగా కేంద్ర ప్రభుత్వం ఏర్పాటు చేసిన పీఎం కేర్ ట్రస్ట్ ఫండ్‌కు విరాళాలు వెల్లువెత్తుతున్నాయి. ఈ నిధులతో ఇప్పటికే పలు కార్యక్రమాలు చేపట్టారు. ఇందుకు సంబంధించిన వివరాలను వెబ్‌సైట్ ద్వారా ఎప్పటికప్పుడు ప్రజలు ముందు పెడుతున్నారు.

కరోనా మహమ్మారిపై పోరాటం కోసం కేంద్ర ప్రభుత్వం బుధవారం (మే 13) పీఎం కేర్ ట్రస్టు ఫండ్ నుంచి రూ.3100 కోట్లు విడుదల చేసింది. వీటిలో రూ.2000 కోట్లు వెంటిలేటర్ల కొనుగోలుకు వెచ్చించనున్నారు. మరో రూ.1000 కోట్లను వలస కార్మికుల కోసం వినియోగించనున్నారు. రూ.100 కోట్లను కరోనా వ్యాక్సిన్ అభివ‌ృద్ధి కోసం కేటాయించారు.

రూ.2 వేల కోట్లతో సుమారు 5000 వెంటిలేటర్లను కొనుగోలు చేయడానికి కేంద్ర ప్రభుత్వం నిర్ణయించింది. వీటిని రాష్ట్ర ప్రభుత్వాల ఆధ్వర్యంలో నడిచే కొవిడ్ ఆస్పత్రులకు అందజేయనున్నారు. అటు వలస కార్మికుల సంక్షేమం కోసం రాష్ట్ర ప్రభుత్వాలకు రూ.1000 కోట్లు మంజూరు చేశారు. వలస కార్మికుల వసతి, భోజన సదుపాయాలు, వైద్య చికిత్స, రవాణా కోసం ఈ నిధులను వినియోగిస్తారు. జిల్లా కలెక్టర్లు, మున్సిపల్ కమిషనర్ల ఆధ్వర్యంలో ఈ నిధులను ఖర్చు చేసేలా ఆదేశాలిచ్చారు.

Also Read:పేదరికానికే కరోనా కాటు.. అంచనా తలకిందులు



Source link

Leave a Reply

Your email address will not be published. Required fields are marked *