Ration card: రేషన్ కార్డు ఉన్న వారికి రూ.50,000.. మోదీ కొత్త స్కీమ్.. ఇక్కడే అసలు ట్విస్ట్! – pib fact check, no rashtriya sikshit berojgar yojana like scheme launched by modi government


ప్రధానాంశాలు:

  • పెరుగుతున్న కరోనా వైరస్ కేసులు
  • కేంద్రం కొత్త స్కీమ్ అంటూ మెసే‌జ్‌లు
  • స్పందించిన మోదీ సర్కార్

కరోనా వైరస్ శరవేగంగా విస్తరిస్తూనే వస్తోంది. కేసులు రోజురోజుకు పెరిగిపోతూనే ఉన్నాయి. భారత్‌లో కోవిడ్ 19 కేసులు ఇప్పటికే 40,000 పైకి చేరాయి. ఇక అంతర్జాతీయంగా అయితే కరోనా కేసులు 35 లక్షలకు పైనే ఉన్నాయి. కరోనా వల్ల ఆర్థిక వ్యవస్థపై తీవ్ర ప్రతికూల ప్రభావం పడుతోంది. ప్రజలు కూడా ఇబ్బందులు ఎదుర్కొంటున్నారు.

ఇలాంటి పరిస్థితుల్లో ఒక మెసేజ్ తెగ చక్కర్లు కొడుతోంది. ప్రధాని మోదీ నేషనల్ ఎడ్యుకేటెడ్ అన్‌ఎంప్లాయిడ్ స్కీమ్‌ను ఆవిష్కరించిందనే ఈ మెసేజ్ సారాంశం. ఈ స్కీమ్‌లో భాగంగా కేంద్ర ప్రభుత్వం రేషన్ కార్డు కలిగిన వారికి రూ.50,000 అందజేస్తుంది. దీని కోసం మెసేజ్‌లోని లింక్‌పై రిజిస్టర్ చేసుకోవాలి. తర్వాత డబ్బులు ఆన్‌లైన్‌లో రేషన్ కార్డు కలిగిన వారి అకౌంట్లలో జమవుతుంది.

Also Read: రోజుకు రూ.100తో చేతికి రూ.54 లక్షలు.. ఇలా చేయండి!

Also Read:శుభవార్త: భారీగా తగ్గిన గ్యాస్ సిలిండర్ ధర.. కొత్త రేట్లు ఇలా!

రేషన్ కార్డు కలిగిన వారికి మాత్రమే కాకుండా నిరుద్యోగులు, సీనియర్ సిటిజన్స్, వితంతువులు, రైతులు, రోజూవారీ కూలీలకు కూడా రూ.50 వేలు లభిస్తాయి. తొలి 40 వేల మందికే మాత్రమే ఈ బెనిఫిట్ లభిస్తుంది. ఈ మెసేజ్ వాట్సాప్ గ్రూప్స్‌లో తెగ షేర్ అవుతోంది.

ఈ విషయం కేంద్ర వద్దకు వెళ్లింది. దీనిపై ప్రెస్ ఇన్‌ఫర్మేషన్ బ్యూరో (పీఐబీ) స్పందించింది. కేంద్ర ప్రభుత్వం ఇలాంటి స్కీమ్‌ను లాంచ్ చేయలేదని కుండబద్దలు కొట్టింది. ఎవ్వరూ ఈ విషయాన్ని నమ్మవద్దని కోరింది. లింక్‌పై క్లిక్ చేసి మోసపోవద్దని సూచించింది. లింక్‌లపై క్లిక్ చేయడం వల్ల వ్యక్తిగత సమాచారాన్ని మోసగాళ్లు తస్కరించే అవకాశముందని హెచ్చరించింది.



Source link

Leave a Reply

Your email address will not be published. Required fields are marked *