Ravi Teja: Khiladi FirstLook: ‘ఖిలాడి’ రవితేజ యమ స్టైలిష్‌గా ఉన్నాడే.. అఫీషియల్ అనౌన్స్‌మెంట్ – ravi teja latest movie khiladi first look released


హిట్టు ఫట్టు అనేది లెక్కచేయకుండా వరుస సినిమాలతో మంచి జోష్‌లో ఉన్న మాస్‌ మహారాజా రవితేజ మరో ఆసక్తికర కథాంశంతో ప్రేక్షకుల ముందుకు రాబోతున్నారు. రమేష్ వర్మ దర్శకత్వంలో ‘ఖిలాడి‘గా తన అభిమానులను అలరించబోతున్నారు. తాజాగా ఈ సినిమాను అఫీషియల్‌గా ప్రకటించిన చిత్రయూనిట్ ఫస్ట్‌లుక్ పోస్టర్ కూడా రిలీజ్ చేసింది.

ఈ లుక్‌లో బ్లాక్‌ డ్రెస్‌లో స్టైలిష్ స్టెప్‌ వేస్తూ కనిపిస్తున్న రవితేజ యమ అట్రాక్ట్ చేస్తున్నారు. ఆయన చుట్టూ కరెన్సీ నోట్లు గాలిలో ఎగురుతుండటం ఆసక్తి రేకెత్తిస్తోంది. డా.జయంతిలాల్‌ గడ సమర్పణలో ఏ స్టూడియోస్‌, పెన్‌ స్టూడియోస్‌ పతాకాలపై సత్యనారాయణ కోనేరు ఈ చిత్రాన్ని నిర్మిస్తున్నారు. రవితేజ కెరీర్‌లో 67వ సినిమాగా ఈ మూవీ ప్రేక్షకుల ముందుకు రానుంది.

Also Read: లావణ్య త్రిపాఠి వేలికి రింగ్.. రహస్యంగా నిశ్చితార్థం చేసుకుందా? సీక్రెట్ రివీల్

ఈ చిత్రంలో మీనాక్షి చౌదరి, డింపుల్‌ హయతి హీరోయిన్స్‌గా నటిస్తుండగా.. రవితేజ డ్యూయెల్‌ రోల్‌ పోషిస్తున్నారు. రాక్‌స్టార్‌ దేవి శ్రీ ప్రసాద్‌ సంగీతం అందించనున్నారు. ఈ మూవీ రెగ్యులర్‌ షూటింగ్‌ వచ్చే నెల నుండి ప్రారంభం కానుంది. మరోవైపు రవితేజ లేటెస్ట్ మూవీ ‘క్రాక్’ షూటింగ్ ఫినిష్ చేసుకొని విడుదలకు సిద్ధంగా ఉంది. గోపీచంద్ మలినేని దర్శకత్వంలో రూపొందిన ఈ సినిమాను మే 8నే విడుదల చేయాల్సి ఉండగా.. లాక్‌డౌన్ కారణంగా వాయిదా వేశారు. థియేటర్స్ ఓపెన్ కాగానే ఈ చిత్రాన్ని రిలీజ్ చేయనున్నారు. ఈ చిత్రంలో రవితేజ సరసన శృతి హాసన్ హీరోయిన్‌గా నటించింది.



Source link

Leave a Reply

Your email address will not be published. Required fields are marked *