ravindra jadeja : స్మిత్: ఆ భారత స్పిన్న‌ర్‌ను ఎదుర్కోవ‌డం క‌ష్టం – cricketer steve smith says ravindra jadeja as toughest to face in sub-continent conditions


ఉపఖండంలో స్మిత్‌కు చ‌క్క‌ని రికార్డు ఉంది. ఇక్క‌డ నాలుగు సెంచ‌రీలు, ఐదు ఫిఫ్టీలు త‌ను న‌మోదు చేశాడు. అలాగే 2016-17 భార‌త ప‌ర్య‌ట‌న‌లో 499 ప‌రుగులు చేశాడు.

Subani Shaik |
Samayam Telugu | Updated:

Australia’s Steve Smith

స‌మ‌కాలీన క్రికెట్‌లో ఆస్ట్రేలియా మాజీ కెప్టెన్ స్టీవ్ స్మిత్ స్పిన్‌ను స‌మ‌ర్థ‌వంతంగా ఆడ‌గ‌ల‌డ‌న‌డంలో ఎలాంటి సందేహం లేదు. ముఖ్యంగా మిగ‌తా కంగారూ బ్యాట్స్‌మెన్‌తో పోలిస్తే త‌న ఆట‌తీరు సంతృప్తిక‌రంగా ఉంటుంది. తాజాగా ఐపీఎల్ జ‌ట్టు రాజ‌స్థాన్ రాయ‌ల్స్ నిర్వ‌హించిన ఓ చాట్ షోలో స్మిత్ మాట్లాడుతూ.. ఉప‌ఖండంలో భార‌త స్పిన్న‌ర్ ర‌వీంద్ర జ‌డేజాను ఎదుర్కోవ‌డం చాలా క‌ష్ట‌మ‌ని వ్యాఖ్యానించాడు.


Read Also: ఆ సమ‌యం న‌ర‌కంలాగా అన్పించింది: పృథ్వీ షా


అత‌ను స‌రైన ప్ర‌దేశాల్లో బంతులు విసురుతాడ‌ని, అతని లైన్ అండ్ లెంగ్త్ కూడా చ‌క్క‌గా ఉంటుంద‌ని స్మిత్ ప్ర‌శంసించాడు. మ‌రోవైపు అత‌ను వేసే బంతుల్లో విభిన్న‌మైన వేరియేష‌న్లు చూపిస్తాడ‌ని అన్నాడు. స్థిరమైన ప్ర‌దర్శ‌న‌, మంచి లైన్ అండ్ లెంగ్త్, క‌నీసం ఒక్క వేరియేష‌నైనా ఉంటే ఉప‌ఖండ‌ంలో రాణించవ‌చ్చ‌ని స్మిత్ పేర్కొన్నాడు.

Read Also: ఆ ఆనందంలో అందరితో చిందేసిన స‌చిన్


ఇక ఉప‌ఖండంలో స్మిత్ నాలుగు సెంచ‌రీలు చేశాడు. భార‌త్‌పై మూడు, శ్రీలంక‌పై ఒకటి సాధించాడు. అలాగే భార‌త్‌, లంక‌, బంగ్లాదేశ‌ల్లో ఒక్కో ఫిఫ్టీ సాధించిన స్మిత్‌.. యూఏఈలో రెండు అర్ధ‌సెంచ‌రీల‌ను బాదాడు. ఇక చివ‌రిసారిగా 2016-17లో సీజ‌న్‌లో ఆస్ట్రేలియా.. భార‌త గ‌డ్డ‌పై నాలుగు టెస్టుల సిరీస్ ఆడింది. ఈ సిరీస్‌లో 499 ప‌రుగుల‌తో ఆసీస్ టాప్ స్కోర‌ర్‌గా స్మిత్ రాణించాడు. అలాగే, 25 వికెట్ల‌తో జ‌డేజా లీడింగ్ వికెట్ టేక‌ర్‌గా నిలిచాడు.

 

Telugu News App ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Web Title cricketer steve smith says ravindra jadeja as toughest to face in sub continent conditions

(Telugu News from Samayam Telugu , TIL Network)





Source link

Leave a Reply

Your email address will not be published. Required fields are marked *