Rayapati Sambasiva Rao : Jagan: కమ్మ వాళ్లు ఏం చేస్తారని అనుకుంటున్నారు.. రాయపాటి సంచలన వ్యాఖ్యలు – tdp leader rayapati sambasivarao senasational comments on ap cm ys jagan over caste politics


టీడీపీ సీనియర్ నేత, మాజీ ఎంపీ రాయపాటి సాంబశివరావు.. సంచలన వ్యాఖ్యలు చేశారు. సీఎం జగన్‌ను ఉద్దేశించి మాట్లాడిన ఆయన ‘కమ్మ వాళ్లు ఏం చేస్తారని ఆయన అనుకుంటాడు. కమ్మోళ్లు ఇట్టా తిప్పితే చాలు అయిపోతాడు’ అని ఆయన చేసిన వ్యాఖ్యలు సంచలనంగా మారాయి. జగన్ పాలన గుడ్డి ఎద్దు చేలో పడినట్లుగా ఉందని రాయపాటి ఎద్దేవా చేశారు. ప్రతి విషయంలో ఒక కులం అని అంటూ తెగ గోల చేస్తున్నారని విమర్శించారు.


కరోనా తీవ్రత తగ్గిన తర్వాత అమరావతి విషయమై ఢిల్లీ వెళ్లి ప్రధాని మోదీని కలిసొస్తానని రాయపాటి సాంబశివరావు తెలిపారు. రాజధాని ఎక్కడికి పోదు మన దగ్గరే ఉంటుందన్నారు. వైఎస్సార్సీపీ వాళ్లు రియల్ ఎస్టేట్ చేయడానికి అమరావతిలో అవకాశం లేదు కాబట్టి.. సంపాదించుకోవడానికి వైజాగ్ వెళ్తున్నారని ఆయన ఆరోపించారు.

పోస్టింగుల్లో ఎంత మంది రెడ్లున్నారు. ఎస్పీలు, ఐజీలు, సీఐలు ఎంత మంది ఉన్నారని రాయపాటి ప్రశ్నించారు. గుంటూరు జిల్లాలోనే దాదాపు 300 మంది ఎస్సైలు, సీఐలు, డీఎస్పీలు పోస్టింగులు రాకుండా, జీతాలు రాకుండా బాధపడుతున్నారు. ఒక్క కమ్మ ఎస్సైకి కానీ, సీఐకి గానీ పోస్టింగులు ఇవ్వలేదు. జగన్‌తో ఎందుకు మాట్లాడటం అని అనుకుంటున్నాం అని రాయపాటి వ్యాఖ్యానించారు. కమ్మవాళ్లు ఏం చేస్తారని అనుకుంటున్నారు.. కమ్మవాళ్లు ఇట్టా అంటే చాలు అయిపోతాడంటూ రాయపాటి సంచలన వ్యాఖ్యలు చేశారు.

‘‘నిమ్మగడ్డ రమేశ్ కుమార్ కమ్మ అంటున్నారు. ఆయన ఎన్నికలను ఆపకపోతే వేల మంది చనిపోయేవారు. వాళ్లు ఎంత మంది రెడ్లకు ఉద్యోగాలు ఇచ్చారు. ఒక్క కమ్మ ఎస్సైకి గానీ, సీఐకి గానీ, డీఎస్పీకి గానీ పోస్టింగ్ ఇవ్వలేదు. మావాళ్లు అడిగే వాళ్లు లేరు. అందరూ వీఆర్‌లో ఉన్నారు. కమ్మ అంటే తీసి పడేయమంటున్నారు. కమ్మవాళ్లు అడిగినా సాయం చేయొద్దని ఎస్పీకి ఫోన్ చేసి చెప్పారు. ఇలా కమ్యూనల్‌గా పోవడం సరికాదు. చంద్రబాబు ఇలా ఎప్పుడూ చేయలేదు. అందర్నీ సమానంగా చూసేవారు. జగన్ వన్ సైడెడ్‌గా వెళ్తున్నారు అతడికే నష్టం జరుగుతుంది’’ అని రాయపాటి హెచ్చరించారు.





Source link

Leave a Reply

Your email address will not be published. Required fields are marked *