RBI: మ్యూచువల్ ఫండ్స్‌కు RBI భారీ ఊరట.. రూ.50,000 కోట్ల ప్యాకేజ్! – reserve bank of india announces rs 50,000 crore special liquidity facility for mfs


ప్రధానాంశాలు:

  • లిక్విడిటీ ఫెసిలిటీ స్కీమ్ ఏర్పాటు
  • మే 11 వరకు ఇది అందుబాటులో
  • దీంతో ఫండ్స్‌పై తగ్గనున్న ఆర్థిక భారం

కోవిడ్ 19 వల్ల డెట్ మార్కెట్‌లో తీవ్ర ప్రతికూల పరిస్థితులు నెలకొన్నాయి. లిక్విడిటీ ఇబ్బందులు తలెత్తాయి. ఫ్రాంక్లిన్ టెంపుల్టన్ తాజా ఉదంతాన్ని ఇందుకు ఉదాహరణగా చెప్పుకోవచ్చు. ఈ సంస్థ ఆరు మ్యూచువల్ ఫండ్ స్కీమ్స్‌ను క్లోజ్ చేసింది. దీంతో మ్యూచువల్ ఫండ్ పరిశ్రమపై నెలకొన్ని ఆర్థిక భారాన్ని తగ్గించేందుకు, పరిస్థితులను చక్కబెట్టేందుకు ఆర్‌బీఐ రంగంలోకి దిగింది.

రిజర్వు బ్యాంక్ తాజాగా మ్యూచువల్ ఫండ్స్ కోసం రూ.50,000 కోట్ల ప్రత్యేక లిక్విడిటీ ఫెసిలిటీని అందుబాటులోకి తెచ్చింది. ఇందులో భాగంగానే ఆర్‌బీఐ ఫిక్స్‌డ్ రెపో రేటుతో 90 రోజుల వరకు రెపో కార్యకలాపాలు నిర్వహించనుంది. సోమవారం నుంచి శుక్రవారం వరకు సెలవులు మినహాయించి బ్యాంకులు బిడ్లను దాఖలు చేయొచ్చు.

Also Read: బంగారం ధర పైపైకి.. వెండిదీ ఇదే దారి.. లేటెస్ట్ రేట్లు ఇలా!

‘ఆర్‌బీఐ అప్రమత్తంగా ఉంటుంది. కోవిడ్ 19 వల్ల ఆర్థిక వ్యవస్థపై పడే భారాన్ని తగ్గించేందుకు అవసరమైన చర్యలు తీసుకుంటుంది. ఆర్థిక స్థిరత్వాన్ని పరిరక్షిస్తుంది. మ్యూచువల్ ఫండ్స్‌పై లిక్విడిటీ ఒత్తిడిని తగ్గించడానికి రూ.50 వేల కోట్లతో ప్రత్యేకమైన లిక్విడిటీ ఫెసిలిటీ స్కీమ్ (ఎస్ఎల్ఎఫ్ ఎంఎఫ్) ఏర్పాటు చేయాలని నిర్ణయించాం’ అని రిజర్వు బ్యాంక్ తెలిపింది.

ఈ స్కీమ్ ఈరోజు నుంచి మే 11 వరకు లేదంటే రూ.50,000 కోట్లను పూర్తిగా ఉపయోగించుకునేంత వరకు అందుబాటులో ఉంటుంది. మార్కెట్ పరిస్థితులకు అనుగుణంగా టైమ్‌లైమ్‌, అమౌంట్‌ను సమీక్షిస్తూ వస్తామని ఆర్‌బీఐ తెలిపింది. ఎస్ఎల్ఎఫ్ ఎంఎఫ్ స్కీమ్ కింద పొందిన నిధులను బ్యాంకులు కచ్చితంగా కేవలం ఎంఎఫ్‌లకు లిక్విడిటీ సౌకర్యాన్ని పెంచేందుకు వినియోగించాలి. అంటే ఎంఎఫ్‌లకు రుణాలు ఇవ్వడం, కార్పొరేట్ బాండ్లను కొనుగోలు చేయడం, వాణిజ్య పత్రాల్లో ఇన్వెస్ట్ చేయడం వంటివి చేయాలి.



Source link

Leave a Reply

Your email address will not be published. Required fields are marked *