RCB vs CSK live score: IPL Score Updates: చెన్నైపై బ్యాటింగ్ ఎంచుకున్న బెంగళూరు – royal challengers bangalore vs chennai super kings live score updates from dubai


ఐపీఎల్ 2020 సీజన్‌లో భాగంగా చెన్నై సూపర్ కింగ్స్‌తో దుబాయ్ వేదికగా ఆదివారం జరుగుతున్న మ్యాచ్‌లో టాస్ గెలిచిన రాయల్ ఛాలెంజర్స్ బెంగళూరు కెప్టెన్ విరాట్ కోహ్లీ బ్యాటింగ్ ఎంచుకున్నాడు. బెంగళూరు తుది జట్టులో ఒక మార్పు జరిగింది. ఫాస్ట్ బౌలర్ ఇసుర ఉదాన స్థానంలో స్పిన్ ఆల్‌రౌండర్ మొయిన్ అలీని టీమ్‌లోకి విరాట్ కోహ్లీ తీసుకున్నాడు. చెన్నై తుది జట్టులోనూ కెప్టెన్ ధోనీ రెండు మార్పులు చేశాడు. ఫాస్ట్ బౌలర్లు జోష్ హేజిల్‌వుడ్, శార్ధూల్ ఠాకూర్‌లను తప్పించి.. మిచెల్ శాంట్నర్, మోనులను టీమ్‌లోకి తీసుకున్నాడు.

తాజా సీజన్‌లో 10 మ్యాచ్‌లాడిన బెంగళూరు టీమ్ ఏడింట్లో గెలుపొంది.. పాయింట్ల పట్టికలో మూడో స్థానంలో కొనసాగుతుండగా.. 11 మ్యాచ్‌లాడిన చెన్నై టీమ్ ఏకంగా 8 మ్యాచ్‌ల్లో ఓడిపోయి పట్టికలో చిట్టచివరి స్థానానికి పరిమితమైంది. ఈ మ్యాచ్‌లో బెంగళూరు గెలిస్తే 16 పాయింట్లతో ప్లేఆఫ్‌లోకి అడుగుపెట్టనుండగా.. ఇప్పటికే ప్లేఆఫ్ రేసు నుంచి నిష్క్రమించిన చెన్నై సూపర్ కింగ్స్ స్వేచ్ఛగా చెలరేగిపోయే అవకాశం ఉంది.

బెంగళూరు జట్టులో ఓపెనర్లు అరోన్ ఫించ్, దేవదత్ పడిక్కల్ మంచి టచ్‌లో ఉండగా.. మిడిలార్డర్‌లో విరాట్ కోహ్లీ, ఏబీ డివిలియర్స్ గెలిపించే ఇన్నింగ్స్‌లు ఆడుతున్నారు. బౌలింగ్‌లోనూ క్రిస్‌ మోరీస్, చాహల్, సైనీ నిలకడగా రాణిస్తున్నారు. మరోవైపు చెన్నై టీమ్ ఏ విభాగంలోనూ పటిష్టంగా కనిపించడం లేదు. టాప్ ఆర్డర్‌లో ఒక్క శామ్ కరన్ మినహా ఎవరూ నిలకడగా రాణించడం లేదు. బౌలింగ్‌లోనూ ఆ జట్టు పేలవ ప్రదర్శనతో నిరాశపరుస్తోంది.

Royal Challengers Bangalore (Playing XI): Devdutt Padikkal, Aaron Finch, Virat Kohli(c), AB de Villiers(w), Moeen Ali, Gurkeerat Singh Mann, Chris Morris, Washington Sundar, Navdeep Saini, Mohammed Siraj, Yuzvendra Chahal

Chennai Super Kings (Playing XI): Ruturaj Gaikwad, Faf du Plessis, Ambati Rayudu, N Jagadeesan, MS Dhoni(w/c), Ravindra Jadeja, Mitchell Santner, Sam Curran, Deepak Chahar, Imran Tahir, Monu Kumar



Source link

Leave a Reply

Your email address will not be published. Required fields are marked *