RCB vs MI: సూర్యకుమార్ యాదవ్‌తో ఇలాంటి ప్రవర్తనా? కోహ్లీ ఏంటిది..?



రాయల్ ఛాలెంజర్స్ బెంగళూరుతో జరిగిన మ్యాచ్‌లో ముంబై ఇండియన్స్ సునాయాసంగా గెలుపొందిన సంగతి తెలిసిందే. ముందుగా బ్యాటింగ్ చేసిన బెంగళూరు 164 పరుగులకే పరిమితం కాగా.. సూర్యకుమార్ యాదవ్ (43 బంతుల్లో 79 నాటౌట్) ఒంటి చేత్తో ముంబైను గెలిపించాడు. ఐపీఎల్, రంజీ మ్యాచ్‌ల్లో సూర్యకుమార్ యాదవ్ సత్తా చాటుతున్నప్పటికీ.. ఆస్ట్రేలియా పర్యటనకు సెలక్టర్లు అతణ్ని పరిగణనలోకి తీసుకోలేదు. దీంతో సెలక్టర్లపై కసిని సూర్యకుమార్ యాదవ్.. తన బ్యాటింగ్‌లో చూపించాడు.

ఈ మ్యాచ్‌లో ఎంతో ప్రశాంతంగా విధ్వంసం సృష్టించిన సూర్యకుమార్ యాదవ్‌ను ఔట్ చేయడం బెంగళూరు బౌలర్లకు సాధ్యం కాలేదు. ఈ మ్యాచ్‌లో సూర్యకుమార్‌ యాదవ్‌తో కోహ్లి ప్రవర్తించిన తీరుపై నెటిజన్లు మండిపడుతున్నారు.

డేల్ స్టెయిన్ వేసిన 13వ ఓవర్ చివరి బంతిని యాదవ్ ఎక్స్ ట్రా కవర్ దిశగా ఆడగా.. కోహ్లి బంతిని ఆపాడు. ఓవర్ ముగియడంతో.. క్రీజ్‌లో నిలబడి ఉన్న సూర్యకుమార్ యాదవ్ పక్కకు వెళ్లి కోహ్లి నిలబడ్డాడు. ఎలాంటి హావభావాలు లేకుండా యాదవ్.. కోహ్లి వైపు చూస్తుండగా… కోహ్లి సైతం చేతిలో బంతితో అతడివైపు అలాగే చూశాడు. ఈలోగా నాన్ స్ట్రైకర్ ఎండ్‌లోని బ్యాట్స్‌మెన్ రావడంతో యాదవ్ అతడి వైపు వెళ్లాడు.

తోటి ఇండియన్ బ్యాట్స్‌మెన్ బాగా ఆడుతుంటే… ప్రశంసించకపోగా.. అతడితో వ్యవహరించే తీరు ఇదేనా అని కోహ్లిపై నెటిజన్లు మండిపడుతున్నారు. కోహ్లి మ్యాచ్‌లో గెలవడం కోసం సూర్యకుమార్ యాదవ్‌పై స్లెడ్జింగ్‌కు దిగాడని.. అతడి నుంచి ఇది అస్సలు ఊహించలేదని మరికొందరు కామెంట్ చేశారు. తోటి భారత క్రికెటర్‌పై ఆ చూపులు ఏంటని.. విరాట్‌ తీరుపై నెటిజన్లు అసంతృప్తి వ్యక్తం చేస్తున్నారు.

దీంతో గతంలో విరాట్ కోహ్లిని సూర్యకుమార్ యాదవ్ దేవుడంటూ ప్రశంసించిన ట్వీట్‌ను నెటిజన్లు వైరల్ చేస్తున్నారు. ఒత్తిడిలో ఉన్నప్పుడు భారత జట్టు తరఫున కోహ్లి రూపంలో దేవుడు బ్యాటింగ్‌కు దిగుతున్నాడని గతంలో కోహ్లిని ఉద్దేశించి సూర్యకుమార్ యాదవ్ ట్వీట్ చేశాడు.



Source link

Leave a Reply

Your email address will not be published. Required fields are marked *