renault cuts 15000 jobs: ప్రముఖ కార్ల కంపెనీలో 15వేలమంది ఉద్యోగులపై వేటు – renault cuts 15,000 jobs in major restructuring


కరోనా దెబ్బకు ప్రపంచ వ్యాప్తంగా వ్యాపార సంస్థలన్ని కుదేలయ్యాయి. కరోనా సృష్టించిన సంక్షోభంగా కారణంగా పలు ప్రముఖ కంపెనీలు, సంస్థలు ఉద్యోగులను తొలగిస్తున్నాయి. ఈ కంపెనీల జాబితాలో ఫ్రాన్స్‌కు చెందిన ప్రముఖ కార్ల తయారీ సంస్థ రెనాల్ట్ చేరింది. అమ్మకాలు మందగించడంతో 15 వేల మందిని తొలగిస్తున్నట్టు శుక్రవారం ప్రకటించింది. అలాగే కొన్ని ప్లాంట్లను పునర్వవస్థీకరణ చేయనున్నామనీ, ఇందుకు యూనియన్లతో చర్చలు జరుపుతున్నట్టు తెలిపింది. ప్రపంచ వ్యాప్తంగా 15 వేల మంది ఉద్యోగులను తొలగిస్తున్నామని కంపెనీ ప్రకటించింది.

తమ సొంత దేశంఫ్రాన్స్‌లోనే 4,600 మంది ఉన్నారు. ఇక ఇతర దేశాల్లో 10 వేల మందికి పైగా ఉన్నారని తెలిపింది. ప్రస్తుతం ఈ సంస్థకు ప్రపంచ వ్యాప్తంగా 1.80 లక్షల మంది ఉద్యోగులు ఉన్నారు. ఇప్పుడు వీరిలో 15 వేల మందిని తొలగించాలని నిర్ణయించింది. కాగా వచ్చే మూడేళ్లలో దాదాపు రూ.16,800 కోట్ల మేర ఖర్చులు తగ్గించుకోవానుకున్నట్టుగా వెల్లడించింది. ఇప్పటి వరకు ఈ సంస్థ 40 లక్షల కార్లను ఉత్పత్తి చేస్తోంది. 2024 నాటికి ఈ సంఖ్యను 33 లక్షలకు తగ్గించే యోచనలో ఉన్నట్టుగా తెలుస్తోంది.

చాలా కంపెనీలు నష్టాలను పూడ్చుకోవడానికి ఉద్యోగుల జీతాలలో కోత విధించడం లేదా తొలగించడం చేస్తున్నాయి. ఇప్పటికే చాలా సంస్థలు తమ ఉద్యోగులను తొలగిస్తున్నట్టు ప్రకటించాయి. చిన్న సంస్థలు, పెద్ద సంస్థలు అనే తేడా లేకుండా ఆర్థిక ఇబ్బందులను అదిగమించడానికి చర్యలు చేపడుతున్నాయి. ఇప్పటికే అనేక కంపెనీలో ఉద్యోగుల్ని తీసివేశాయి.



Source link

Leave a Reply

Your email address will not be published. Required fields are marked *