rice door delivery: బియ్యం డోర్ డెలివరీకి మరో ముందడుగు.. జగన్ సర్కార్ కీలక నిర్ణయం – quality rice door delivery in andhra pradesh from september and trail run starts from 8th june


ప్రజా పంపిణీ వ్యవస్థలో వైసీపీ ప్రభుత్వం కీలక మార్పులు తీసుకొస్తోంది. గ్రామ, వార్డు సచివాలయాల ద్వారా ఇంటి వద్దకే పలు సేవలు అందిస్తున్న జగన్ సర్కార్ మరో కీలక నిర్ణయం తీసుకుంది. సెప్టెంబర్‌ 1వ తేదీ నుంచి రాష్ట్రవ్యాప్తంగా లబ్ధిదారులకు నాణ్యమైన బియ్యాన్ని డోర్‌ డెలివరీ చేయనున్న నేపథ్యంలో సోమవారం మొబైల్‌ యూనిట్ల ట్రయల్‌ రన్‌ చేయనున్నారు. అధికారంలోకి వస్తే నాణ్యమైన, తినగలిగే బియ్యాన్ని డోర్‌ డెలివరీ చేస్తామని ఎన్నికల సమయంలో ముఖ్యమంత్రి వైఎస్‌ జగన్మోహన్‌రెడ్డి పేదలకు హామీ ఇచ్చారు.

ఈ హామీ అమలులో భాగంగా ముఖ్యమంత్రి వైఎస్‌ జగన్‌ ఆదేశాల మేరకు లబ్ధిదారులకు బియ్యాన్ని డోర్‌ డెలివరీ చేసేందుకు పౌర సరఫరాల శాఖ ప్రత్యేకంగా మొబైల్‌ యూనిట్లను అందుబాటులోకి తీసుకొస్తోంది. ఇప్పటికే తయారు చేసిన కొన్ని యూనిట్లను ఈ నెల 8న ట్రయల్‌ రన్‌ చేయనున్నట్లు పౌరసరఫరాల శాఖ ఎక్స్‌అఫీషియో కార్యదర్శి కోన శశిధర్‌ వెల్లడించారు. లబ్ధిదారులు సంతృప్తి వ్యక్తం చేస్తే రాష్ట్రవ్యాప్తంగా 13,370 మొబైల్‌ యూనిట్లను అందుబాటులోకి తెచ్చేందుకు టెండర్లను పిలుస్తామని తెలిపారు. నాణ్యమైన బియ్యం డోర్‌ డెలివరీ విధానం ఇప్పటికే శ్రీకాకుళం జిల్లాలో అమలు చేస్తున్న విషయం తెలిసిందే.

ఈ కార్యక్రమంలో భాగంగా మొబైల్‌ యూనిట్ల ద్వారా ఇంటికి వెళ్లి నాణ్యమైన బియ్యాన్ని డోర్‌ డెలివరీ చేస్తారు. లబ్ధిదారుల ముందే బియ్యం బస్తా సీల్‌ ఓపెన్‌ చేసి రేషన్‌ ఇస్తారు. బియ్యం తీసుకునేందుకు ప్రత్యేకంగా తయారు చేయించిన బ్యాగులను ముందే ఇవ్వనున్నారు.



Source link

Leave a Reply

Your email address will not be published. Required fields are marked *