Rishabh Pant: క్రికెట్ కోసం.. ఉద‌య‌మే రెండింటికి లేచి.. ఆరు గంట‌ల ప్ర‌యాణంతో స్టేడియానికి : రిష‌భ్ పంత్‌ – indian cricketer rishabh pant says about his journey towards cricket


త‌న‌కు మరింతగా టెస్టు క్రికెట్ ఆడాల‌ని ఉంద‌ని భార‌త యువ వికెట్ కీప‌ర్ రిష‌బ్ పంత్ వ్యాఖ్యానించాడు. ఇటీవ‌ల న్యూజిలాండ్‌తో జ‌రిగిన టెస్టు సిరీస్‌లో పంత్ వికెట్‌కీప‌ర్‌గా వ్య‌వ‌హ‌రించాడు. టెస్టుల‌ను ఆడ‌టం త‌న‌కెంతో ఇష్ట‌మ‌ని, లాంగ్ ఫార్మాట్‌తోనే టెస్టుల‌కు సంబంధించి ఆట‌గాళ్ల సామ‌ర్థ్యం తెలుస్తుందని పంత్ వ్యాఖ్యానించాడు. గ‌తంలో నాలుగు రోజుల టెస్టులు ఆడేటప్పుడు, లాంగ్ ఫార్మాట్ రియ‌ల్ టెస్టు అనేవార‌ని గుర్తు చేసుకున్నాడు. ఇక ఐదురోజుల టెస్టు క్రికెట్‌లో రాణించాలంటే మ‌రింత‌గా శ్ర‌మించాల్సి ఉంటుంద‌ని పంత్ అభిప్రాయ‌ప‌డ్డాడు.


ఇక టీమిండియాలో భార‌త కెప్టెన్ విరాట్ కోహ్లీ, ఎంఎస్ ధోనీ, రోహిత్ శ‌ర్మ‌, యువ‌రాజ్ సింగ్‌, సురైశ్ రైనా త‌దిత‌ర ఆట‌గాళ్లు త‌న‌కెంతో సాయం చేశారని చెప్పుకొచ్చాడు. మ‌రోవైపు గ‌తంలో క్రికెట్ ఆడ‌టానికి ఉద‌య‌మే రెండు గంట‌ల‌కు లేచి, ఆరు గంట‌ల ప్రయాణం చేసి స్టేడియానికి చేరుకునేవాణ్నని తెలిపాడు. అప్ప‌ట్లో సొంత‌రాష్ట్రం ఉత్త‌రాఖండ్‌లో క్రికెట్ టీమ్‌ లేద‌ని, రోజు ఇలా సుదీర్ఘ ప్ర‌యాణం చేసి, క్రికెట్ ఆడేవాడిన‌ని తెలిపాడు. అప్ప‌ట్లో అంత క‌ష్ట‌ప‌డి, ఇప్పుడు ఈ స్థాయికి చేరుకోవ‌డం ఆనందంగా ఉంద‌ని తెలిపాడు.


మ‌రోవైపు ఐపీఎల్ 2018 సీజ‌న్ త‌న కెరీర్‌లో ట‌ర్నింగ్ పాయింట‌ని పంత్ తెలిపాడు. ఆ సీజ‌న్‌లో ప‌రుగుల వ‌ర‌ద పారించిన పంత్‌.. ఢిల్లీ త‌ర‌పున ఒక సీజ‌న్లో అత్య‌ధిక ప‌రుగులు చేసిన క్రికెట‌ర్‌గా నిలిచాడు. గ‌తేడాది ఢిల్లీ క్యాపిటల్స్ టీమ్ ప్లే ఆఫ్స్‌కు చేరుకుని, మూడో స్థానంలో నిల‌వ‌డం ఆనందంగా ఉంద‌ని తెలిపాడు.



Source link

Leave a Reply

Your email address will not be published. Required fields are marked *