riyan parag: భారత క్రికెట్‌లో మరో ధోనీ.. ఆ 18 ఏళ్ల యువ హిట్టర్: ఊతప్ప – robin uthappa picks surprising name to fill ms dhoni’s shoes


భారత క్రికెట్‌లో మహేంద్రసింగ్ ధోనీ స్థానాన్ని భర్తీ చేయగలిగే సామర్థ్యం ఒక్క యువ హిట్టర్‌కే ఉందని వెటరన్ వికెట్ కీపర్ రాబిన్ ఊతప్ప జోస్యం చెప్పాడు. 2019 వన్డే ప్రపంచకప్‌ తర్వాత టీమిండియాకి ధోనీ దూరమవగా.. ఈ ఏడాది అంతర్జాతీయ క్రికెట్‌కి అతను వీడ్కోలు పలికే సూచనలు కనిపిస్తున్నాయి. కానీ.. టీమ్‌లో ధోనీ స్థానాన్ని భర్తీ చేసే క్రికెటర్ ఎవరు..? అంటే ఇప్పటికీ సరైన సమాధానం లభించడం లేదు. గత 10 నెలలుగా ధోనీ స్థానంలో అవకాశాలు దక్కించుకున్న రిషబ్ పంత్, కేఎల్ రాహుల్.. అంచనాల్ని అందుకోలేకపోయారు.

Read More: 2011 ప్రపంచకప్ ఫైనల్లో రెండు సార్లు టాస్.. కారణం చెప్పిన సంగక్కర

భారత్ జట్టులో ఇప్పుడు వికెట్ కీపర్ కంటే మ్యాచ్ ఫినిషర్‌ రోల్‌ని భర్తీ చేయడం కీలకంగా మారింది. దాంతో.. ఒక ఫినిషర్‌గా ధోనీ స్థానాన్ని అస్సాం యువ హిట్టర్ రియాన్ పరాగ్ భర్తీ చేయగలడని రాబిన్ ఊతప్ప అభిప్రాయపడ్డాడు. 2019 ఐపీఎల్ సీజన్‌లో రాజస్థాన్ రాయల్స్ టీమ్‌కి ఆడిన 18 ఏళ్ల పరాగ్.. టోర్నీ చరిత్రలోనే అత్యంత పిన్న వయసులో హాఫ్ సెంచరీ నమోదు చేసిన క్రికెటర్‌గా నిలిచాడు. దాంతో.. అతనికి మంచి భవిష్యత్ ఉందన్న రాబిన్ ఊతప్ప.. భారత్ జట్టుకి సుదీర్ఘకాలం అతను ఆడగలడని ధీమా వ్యక్తం చేశాడు.

Read More: టీ20 వరల్డ్‌కప్ ఫైనల్లో 6, 6, 6.. భజ్జీ పశ్చాతాపం

‘‘రియాన్ పరాగ్ బ్యాటింగ్‌‌ చూడటానికి చాలా బాగుంటుంది. అతను త్వరలోనే భారత్ జట్టులోకి ఎంట్రీ ఇచ్చి.. సుదీర్ఘకాలం అంతర్జాతీయ క్రికెట్‌లో ఆడగలడు. భారత్ జట్టులో మరో ధోనీ ఎవరు..? అనే ప్రశ్నకి పరాగ్ కచ్చితంగా ఓ సమాధానంగా నిలుస్తాడు’’ అని రాబిన్ ఊతప్ప వెల్లడించాడు. భారత్ తరఫున అండర్-19 వరల్డ్‌కప్‌లో ఆడిన రియాన్ పరాగ్.. ఇప్పటి వరకూ 13 ఫస్ట్ క్లాస్ మ్యాచ్‌ల్లో 659 పరుగులు చేశాడు.



Source link

Leave a Reply

Your email address will not be published. Required fields are marked *