robin uthappa: ఆ త‌ప్పిదం నా కెరీర్‌కే ముప్పు తెచ్చింది: భార‌త వెట‌ర‌న్ క్రికెట‌ర్‌ – indian veteran cricketer robin uthappa says altering batting technique could have been a mistake


2006లో భార‌త జ‌ట్టులోకి అరంగేట్రం చేసిన రాబిన్ ఊత‌ప్ప‌.. టీమ్‌లో త‌న స్థానాన్ని సుస్థిరం చేసుకోలేక‌పోయాడు. 2007 టీ20 ప్ర‌పంచ‌క‌ప్ గెలిచిన జ‌ట్టులో స‌భ్యుడైన త‌ను త‌ర్వాత చేసిన త‌ప్పిదాల కార‌ణంగా మూల్యం చెల్లించుకోవాల్సి వ‌చ్చింద‌ని తాజాగా సోష‌ల్ మీడియాలో తెలిపాడు. ఐపీఎల్ ఫ్రాంచైజీ రాజ‌స్థాన్ రాయ‌ల్స్ త‌ర‌పున ఆడుతున్న ఊత‌ప్ప‌.. తాజాగా ఆ జ‌ట్టు నిర్వ‌హించిన కార్య‌క్ర‌మంలో మాట్లాడాడు. టెస్టు క్రికెట్ ఆడాల‌నే కోరిక‌తో త‌న బ్యాటింగ్ టెక్నిక్ మార్చుకుని పెద్ద త‌ప్పిదం చేశానని చెప్పుకొచ్చాడు.


ముఖ్యంగా 25 ఏళ్ల వ‌య‌సులో టెక్నిక్ మార్చుకోవ‌డంతో త‌న బ్యాటింగ్‌లోని అగ్రెసివ్‌నెస్‌ను కోల్పోయాన‌ని ఊత‌ప్ప చెప్పుకొచ్చాడు. అప్ప‌టికే టెస్టులు ఆడాల‌ని క‌ల‌లు క‌న్నాన‌ని, సుదీర్ఘ ఫార్మాట్‌కు త‌గిన విధంగా బ్యాటింగ్‌లో మార్పుల‌ను ప్ర‌వీణ్ ఆమ్రే ఆధ్వ‌ర్యంలో చేసుకున్నాయ‌ని తెలిపాడు. దీర్ఘ‌కాలంలో అవి ఫ‌లితాన్నివ్వ‌లేవ‌ని వ్యాఖ్యానించాడు.


13 ఏళ్ల కెరీర్‌లో ఊత‌ప్ప 46 వ‌న్డేలు, 13 టీ20ల‌ను టీమిండియా త‌ర‌పున ఊత‌ప్ప ఆడాడు. చివ‌రిసారిగా 2015లో జింబాబ్వే ప‌ర్య‌ట‌న‌లో త‌ను బ‌రిలోకి దిగాడు. నిజానికి త‌న టెక్నిక్‌ను 20-21 ఏళ్ల వ‌య‌సులో మార్చుకుని ఉంటే బాగుండేద‌ని అభిప్రాయ‌ప‌డ్డాడు. మొత్తానికి త‌న కెరీర్ ప‌ట్ల సంతోషంగా ఉన్న‌ట్లు పేర్కొన్నాడు. ఎప్పుడు అవ‌కాశం దొరికిన త‌న ఉత్త‌మ ఆట‌తీరును క‌న‌బ‌ర్చాల‌ని భావించిన‌ట్లు ఊత‌ప్ప‌ వ్యాఖ్యానించాడు.



Source link

Leave a Reply

Your email address will not be published. Required fields are marked *