robin uthappa: ప్లీజ్ పర్మీషన్ ఇవ్వండి.. విదేశీ టీ20 లీగ్స్‌‌పై ఊతప్ప అభ్యర్థన – veteran indian cricketer robin uthappa urges bcci to allow participation in overseas t20 leagues


విదేశీ టీ20 లీగ్స్‌లోనూ భారత క్రికెటర్లు ఆడేలా పర్మీషన్ ఇవ్వాలని భారత క్రికెట్ నియంత్రణ మండలి (బీసీసీఐ)ని వెటరన్ బ్యాట్స్‌మెన్ రాబిన్ ఊతప్ప అభ్యర్థించాడు. బీసీసీఐ నిబంధనల ప్రకారం భారత క్రికెటర్లెవరూ ఐపీఎల్ మినహా ఎలాంటి ప్రైవేట్ టీ20 లీగ్స్‌లోనూ ఆడటానికి వీల్లేదు. ఒకవేళ ఆడాలనుకున్నా.. రిటైర్మెంట్ ప్రకటించి.. బీసీసీఐ నుంచి నిరభ్యంతర పత్రం తీసుకోవడం తప్పనిసరి. దాంతో.. కుప్పలు తెప్పలుగా విదేశీ టీ20 లీగ్స్ జరుగుతున్నా.. భారత క్రికెటర్లు వాటిలో ఆడలేకపోతున్నారు. ముఖ్యంగా.. బీసీసీఐ సెంట్రల్ కాంట్రాక్ట్‌లో లేని ఆటగాళ్లు.. ఆ నిబంధనల్ని మార్చాలని డిమాండ్ చేస్తున్నారు.

Read More: ధోనీ నుంచి ఆ విధ్వంసం ఊహించలేదు.. పాక్ కుదేలైంది: కైఫ్

ఇటీవల సురేశ్ రైనా, ఇర్ఫాన్ పఠాన్.. టీమిండియాకి దూరంగా ఉంటున్న ఆటగాళ్లని కనీసం విదేశీ టీ20 లీగ్స్‌లో ఆడేందుకు అనుమతించాలని కోరగా.. తాజాగా ఆ జాబితాలోకి రాబిన్ ఊతప్ప కూడా చేరాడు. అయితే.. బీసీసీఐ మాత్రం ముందు జాగ్రత్త చర్యల్లో భాగంగానే భారత క్రికెటర్లని కట్టడి చేస్తోంది. 2008లో ఐపీఎల్ ప్రారంభమవగా.. ఈ టోర్నీకి లభించిన ఆదాయం, ఆదరణ చూసిన మిగతా క్రికెట్ దేశాలు పెద్ద ఎత్తున టీ20 లీగ్స్‌ని ప్రారంభించాయి. ఇందులో ప్రధానంగా బిగ్‌బాష్ లీగ్ (ఆస్ట్రేలియా), కరీబియన్ ప్రీమియర్ లీగ్ (వెస్టిండీస్), మాన్షి సూపర్ లీగ్ (దక్షిణాఫ్రికా), బంగ్లాదేశ్ ప్రీమియర్ లీగ్ (బంగ్లాదేశ్), పాకిస్థాన్ సూపర్ లీగ్ (పాకిస్థాన్) ఇలా కొన్ని దేశాలు టీ20 లీగ్స్‌ని స్టార్ట్ చేశాయి. కానీ.. ఏ లీగ్‌లోకి భారత క్రికెటర్లని అనుమతించని బీసీసీఐ.. విదేశీ క్రికెటర్లని మాత్రం ఐపీఎల్‌లో ఆడిస్తోంది. ఒకవేళ టీమిండియా క్రికెటర్లు ఆ లీగ్స్‌లో ఆడితే..? ఐపీఎల్‌కి ఆదరణ తగ్గిపోతుందేమోనని బీసీసీఐలో కంగారు..?

Read More: బౌలౌట్ టైమ్‌లో ధోనీ తెలివి పాక్‌ కీపర్‌కి లేకపోయింది: ఊతప్ప

‘‘విదేశీ టీ20 లీగ్స్‌లో ఆడేందుకు అనుమతించకపోవడం వల్ల మేము చాలా బాధపడుతున్నాం. కనీసం ఓ రెండు లీగ్స్‌లోనైనా ఆడేందుకైనా పర్మీషన్ ఇవ్వండి ప్లీజ్. ఎందుకంటే.. ఓ క్రికెటర్‌గా.. ఏదైనా నేర్చుకోవాలంటే మ్యాచ్‌లు ఆడాలి. బీసీసీఐ అధ్యక్షుడు సౌరవ్ గంగూలీ ఈ విషయం గురించి ఆచరణాత్మకంగా ఆలోచిస్తాడనుకుంటున్నా. భారత క్రికెట్‌ని మరో స్థాయికి తీసుకెళ్లే సామర్థ్యం అతనికి ఉంది. దయచేసి నిజాయతీగా వ్యవహరించండి’’ అని రాబిన్ ఊతప్ప సూచించాడు.



Source link

Leave a Reply

Your email address will not be published. Required fields are marked *