robin uthappa: బౌలౌట్ టైమ్‌లో ధోనీ తెలివి పాక్‌ కీపర్‌కి లేకపోయింది: ఊతప్ప – india vs pakistan bowl out: ms dhoni’s strategy made it easier for us recalls robin uthappa


భారత్, పాకిస్థాన్ మధ్య 2007 టీ20 ప్రపంచకప్‌లో భాగంగా జరిగిన లీగ్ దశ మ్యాచ్‌ టై కావడంతో.. బౌలౌట్‌ పద్ధతిలో మ్యాచ్ విజేతని నిర్ణయించారు. ఆ మ్యాచ్‌లో మొదట బ్యాటింగ్ చేసిన భారత్ జట్టు నిర్ణీత 20 ఓవర్లలో 9 వికెట్ల నష్టానికి 141 పరుగులు చేయగా.. ఛేదనలో పాకిస్థాన్ కూడా సరిగ్గా 141 పరుగులే చేయగలిగింది. దాంతో.. బౌలౌట్ పద్ధతి తెరపైకి వచ్చింది. వాస్తవానికి ఇప్పుడు టీ20 క్రికెట్‌లో మ్యాచ్ టై అయితే సూపర్ ఓవర్ నిర్వహిస్తున్నారు. కానీ.. 2007లో అప్పుడప్పుడే టీ20 క్రికెట్‌ వెలుగులోకి వచ్చినందున మ్యాచ్ అధికారులు బౌలౌట్‌‌లో మ్యాచ్ ఫలితాన్ని తేల్చాలని నిర్ణయించారు.

Read More: కోహ్లీకి చెప్పినా.. బుమ్రాని RCB చేజార్చుకుంది: పార్థీవ్ పటేల్

బౌలౌట్‌ పద్ధతిలో టీమ్ తరఫున ఐదుగురు ఒక్కో బంతి చొప్పున బౌలింగ్ చేస్తారు. ఏ టీమ్ అయితే ఎక్కువ సార్లు బౌల్డ్ చేస్తుందో అది విజేతగా నిలుస్తుంది. ఆ మ్యాచ్‌లో భారత్ జట్టు తరఫున వరుసగా వీరేంద్ర సెహ్వాగ్, హర్భజన్ సింగ్, రాబిన్ ఊతప్ప బౌలింగ్ చేయగా.. ముగ్గురూ వికెట్లని గీరాటేశారు. కానీ.. పాకిస్థాన్ తరఫున బౌలింగ్ చేసిన యాసిర్ ఆర్తాఫ్, ఉమర్ గుల్, షాహిద్ అఫ్రిది‌లలో కనీసం ఒక్కరు కూడా బంతిని వికెట్లపైకి విసరలేకపోయారు. దాంతో.. రెండు బంతులు మిగిలి ఉండగానే భారత్ 3-0తో విజయాన్ని అందుకుంది.

బౌలౌట్‌లో భారత్ విజయం సాధించడానికి కారణం అప్పటి వికెట్ కీపర్/ కెప్టెన్ మహేంద్రసింగ్ ధోనీ వ్యూహమేనని రాబిన్ ఊతప్ప తాజాగా వెల్లడించాడు. ‘‘ఆ బౌలౌట్‌లో పాకిస్థాన్ బౌలింగ్‌ని చూస్తే.. వాళ్లకి అందులో ఏమాత్రం ప్రాక్టీస్ లేదని తెలుస్తోంది. దానికి తోడు పాకిస్థాన్ అప్పటి వికెట్ కీపర్ కమ్రాన్ అక్మల్‌ బ్రెయిన్ వాడలేదు. భారత్ బౌలర్లు బౌలింగ్ చేసే సమయంలో కీపర్ ధోనీ వికెట్ల వెనుక నిల్చొన్నాడు. కానీ.. కమ్రాన్ అక్మల్ మాత్రం సాధారణంగా మ్యాచ్ సమయంలో నిల్చొనే ప్లేస్‌లో ఆఫ్ స్టంప్‌కి వెలుపలగా నిల్చొన్నాడు. దాంతో మేము ధోనీని టార్గెట్‌గా చేసుకుని బంతులు వేస్తే..? పాకిస్థాన్ బౌలర్లు కూడా అదే రీతిలో అక్మల్‌కి బంతులు వేశారు. మొత్తంగా.. బౌలౌట్‌ టైమ్‌లో ధోనీ తెలివి అక్మల్‌కి లేకపోయింది’’ అని ఊతప్ప వెల్లడించాడు. 2007 టీ20 ప్రపంచకప్‌ ముంగిట తాము బౌలింగ్ కోచ్ వెంకటేశ్ ప్రసాద్ పర్యవేక్షణలో బౌలౌట్‌ని ప్రాక్టీస్ చేసినట్లు ఊతప్ప చెప్పుకొచ్చాడు.



Source link

Leave a Reply

Your email address will not be published. Required fields are marked *