robo news anchor: రోబో న్యూస్ యాంకర్.. ఈమెతో ఎవరూ పోటీ పడలేరు! – xinhua unveils world’s first female ai news anchor


ప్రధానాంశాలు:

  • గతేడాది నవంబరులోనే రెండు మగ రోబో యాంకర్ల నియామకం
  • తాజాగా యాంకర్‌గా ఆడ రోబో నియామకం

ఎలక్ట్రానిక్ మీడియాలో న్యూస్ యాంకర్స్ వార్తలు చదవడం సర్వసాధారణం. ఇప్పుడు వారి స్థానంలో రోబో యాంకర్లు వార్తలు చదివేస్తూ.. అందరి ప్రశంసల్ని అందుకుంటున్నాయి. వివరాల్లోకి వెళితే.. చైనా అధికారిక మీడియా జిన్హువా గతేడాది నవంబరులో కృత్రిమ మేధస్సు (ఆర్టిఫీషియల్ ఇంటెలిజెన్స్)తో పనిచేసే రెండు రోబోలను వార్తలు చదవడానికి నియమించిన సంగతి తెలిసిందే. అయితే తాజాగా ఈ రెండు మగ రోబోలకు తోడు మరో ఆడ రోబో వచ్చి చేరింది. ఆ ఆడ రోబో పేరు షిన్‌ షియావోమెంగ్‌. ఈ రోబో చూడటానికి అచ్చం మనిషిలాగే ఉంటూ.. అలవోకగా వార్తలు చదివేస్తోంది. ప్రస్తుతానికి చైనీస్‌ భాషలో మాత్రమే ఈ రోబో వార్తలు చదువుతుంది. చైనాలో ఈమె తొలి రోబో న్యూస్‌ యాంకర్‌గా రికార్డులోకెక్కింది.

చైనాలో గతేడాది నవంబరులో జరిగిన ‘వరల్డ్ ఇంటర్నెట్ కాన్ఫరెన్స్’లో చైనా సెర్చ్ ఇంజిన్ కంపెనీ సోగో, చైనా న్యూస్ ఏజెన్సీ జిన్హువా సంయుక్తంగా రూపకల్పన చేసిన రెండు ఏఐ ఆధారిత రోబోలను ఆవిష్కరించిన సంగతి తెలిసిందే. ప్రముఖ న్యూస్ యాంకర్ క్విహో రూపురేఖలతో మెషిన్ లెర్నింగ్ ద్వారా వీటిని అభివృద్ధి చేశారు. చైనీస్ భాషలో వార్తలు చదవడానికి ఒక ఏఐ న్యూస్‌రీడర్‌ను, ఇంగ్లిష్ భాష కోసం మరో న్యూస్‌రీడర్‌ను ఉపయోగిస్తున్నారు.

ఈ వర్చువల్ యాంకర్లు అలసట లేకుండా 24 గంటలూ పనిచేస్తాయని.. బ్రేకింగ్ వార్తలను వేగంగా ఈ యాంకర్ల ద్వారా చేరవేయవ్చని జిన్హువా పేర్కొంది. ఈ రోబోలు దాదాపు 3,400 వార్తలను చదివి వినిపించారని జిన్హువా తెలిపింది. అయితే ఇప్పటివరకు ఈ రోబోలు కూర్చొనే వార్తలు చదివేవి.. అయితే వీటిలో మగ రోబోకు ఇప్పుడు అదనపు ఫీచర్లను జోడించారు. దీంతో ఆ రోబో నిలబడి వార్తలు చదవగలుగుతుంది. ఇంతకుముందు కంటే కూడా మరిన్ని హాహాభావాలను ప్రదర్శిస్తూ టీవీ ప్రేక్షకులను ఆకట్టుకుంటుంది.



Source link

Leave a Reply

Your email address will not be published. Required fields are marked *