Rohit Sharma: ఆ స‌మ‌యంలో నా కెరీర్ గురించి చాలా మ‌థ‌న‌ప‌డ్డా: రోహిత్ శ‌ర్మ – indian cricketer rohit sharma recalls how he used to think a lot about his future in the initial time of his career


స‌మ‌కాలీన క్రికెట్‌లో అత్యుత్త‌మ వైట్‌బాల్ క్రికెట‌ర్ల‌లో రోహిత్ శ‌ర్మ ఒక‌ర‌నే విష‌యం తెలిసిందే. ప్ర‌పంచ క్రికెట్‌లోనే ఎవ‌రికీ సాధ్యం కానీ రీతిలో వ‌న్డేల్లో మూడు డ‌బుల్ సెంచ‌రీల‌ను చేశాడు. అయ‌తే 2013 చాంపియ‌న్స్ ట్రోఫీలో ఓపెన‌ర్‌గా ప్రమోట‌య్యాక హిట్‌మాన్ వెనుదిరిగి చూసుకోలేదు. అయితే 2007లో టీమిండియాలోకి అరంగేట్రం చేసిన రోహిత్‌.. త‌ను జాతీయ‌జ‌ట్టులో కుదురుకునే వ‌ర‌కు కెరీర్‌పై చాలా మ‌థ‌న‌పడ్డాన‌ని తాజాగా సోష‌ల్ మీడియాలో హిట్‌మ్యాన్ చెప్పుకొచ్చాడు.


‘కెరీర్ తొలినాళ్ల‌లోని 5,6 ఏళ్లు చాలా క‌ఠినంగా గ‌డిచాయి. సాధ్య‌మైనంత ఎక్కువ‌గా జ‌ట్టు త‌ర‌పున ఆడాల‌ని ఎప్పుడూ ఆలోచించేవాణ్ని. దేశం త‌ర‌పున తానేమైనా సేవ చేయ‌గ‌ల‌నా అని భావించేవాణ్ని, ఒంటిచేత్తో మ్యాచ్‌ల‌ను గెలిపించాల‌ని, కఠినమైన సంద‌ర్భాల్లో జ‌ట్టు త‌ర‌పున రాణించాల‌ని ఆలోచించేవాణ్ని. అయితే అప్పట్లో అవ‌కాశాలు ల‌భించిన‌ప్పుడు స్థిర‌మైన ప్ర‌ద‌ర్శ‌న క‌న‌బ‌ర్చ‌లేక‌పోవ‌డంపై చాలా బాధ‌ప‌డ్డాను’ అని రోహిత్ తెలిపాడు.


‘నిజానికి ఈ రోజుల్లోనూ నాకు ల‌భించిన అవ‌కాశాల‌ను స‌ద్వినియోగం చేసుకోవాల‌ని త‌పిస్తుంటా. వ్య‌క్తిగ‌త రికార్డుల‌పై ఎప్పుడూ దృష్టి పెట్ట‌లేదు. వీలైన‌న్నీ ఎక్కువ మ్యాచ్‌ల‌ను గెలిపించ‌డంతోపాటు, ప్ర‌పంచ‌క‌ప్‌ను సాధించాల‌ని ఆశించేవాణ్ని. ప్ర‌పంచ‌క‌ప్‌ను గెలవ‌డం మాకు చాలా ముఖ్యం. రాబోయే ప్ర‌పంచ‌క‌ప్‌లో ఇప్పుడున్న టీమ్ మెంబ‌ర్స్‌తో బ‌రిలోకి దిగి, ప్ర‌పంచ‌క‌ప్ నెగ్గాల‌ని భావిస్తున్నా’ అని రోహిత్ శ‌ర్మ వ్యాఖ్యానించాడు.



Source link

Leave a Reply

Your email address will not be published. Required fields are marked *