Rohit Sharma: ఐపీఎల్‌లో రోహిత్ శర్మ ఆ తత్వంతోనే ఎదిగాడు: వీవీఎస్ – rohit was stand-out performer for dc in ipl 2008, recalls vvs


ఐపీఎల్ ఆరంభ సీజన్‌ నుంచి రోహిత్ శర్మ ఎదుగుతున్న తీరు ప్రశంసనీయమని భారత మాజీ క్రికెటర్ వీవీఎస్ లక్ష్మణ్ అభిప్రాయపడ్డాడు. 2008 ఐపీఎల్ సీజన్‌లో దక్కన్ ఛార్జర్స్ తరఫున వీవీఎస్ లక్ష్మణ్‌తో కలిసి ఆడిన రోహిత్ శర్మ.. మిడిలార్డర్‌లో నిలకడగా రాణించాడు. ముఖ్యంగా.. అనుభవం లేకపోయినా ఒత్తిడిలో అతను ఆడిన తీరుకి అప్పట్లో ప్రశంసలు దక్కాయి. ఇప్పుడు ఐపీఎల్‌లోనే అత్యధిక పరుగులు చేసిన టాప్-3 బ్యాట్స్‌మెన్‌లలో ఒకడిగా రోహిత్ శర్మ కొనసాగుతున్నాడు.

Read More: భారత క్రికెట్‌లో మరో ధోనీ.. ఆ 18 ఏళ్ల యువ హిట్టర్: ఊతప్ప
2008లో ప్రారంభమైన ఐపీఎల్‌లో ఇప్పటి వరకూ 12 సీజన్లు ముగియగా.. తొలినాళ్లలో దక్కన్ ఛార్జర్స్ తరఫున ఆడిన రోహిత్ శర్మ ఆ తర్వాత ముంబయి ఇండియన్స్ టీమ్‌కి మారాడు. అతని కెప్టెన్సీలో ముంబయి టీమ్ ఇప్పటికే నాలుగు సార్లు టైటిల్ విజేతగా నిలవగా.. టోర్నీలో ఆ జట్టు తర్వాత మూడు టైటిల్స్‌తో చెన్నై సూపర్ కింగ్స్ రెండో స్థానంలో ఉంది. ఈ ఏడాది మార్చి 29 నుంచి ప్రారంభంకావాల్సిన ఐపీఎల్ సీజన్ కరోనా వైరస్ కారణంగా నిరవధికంగా వాయిదాపడిన విషయం తెలిసిందే.

Read More: 2011 ప్రపంచకప్ ఫైనల్లో రెండు సార్లు టాస్.. కారణం చెప్పిన సంగక్కర

ఐపీఎల్‌లో రోహిత్ శర్మ ఎదిగిన తీరు గురించి వీవీఎస్ లక్ష్మణ్‌ మాట్లాడుతూ ‘‘దక్కన్ ఛార్జర్స్ తరఫున ఆడే సమయంలోనే రోహిత్ శర్మ లీడర్‌గా కనిపించేవాడు. వాస్తవానికి అప్పుడప్పుడే భారత్ జట్టులోకి ఎంట్రీ ఇచ్చిన అతను అప్పటికి కేవలం టీ20 ప్రపంచకప్ మాత్రమే ఆడాడు. తొలి ఐపీఎల్ సీజన్‌లో దక్కన్ ఛార్జర్స్ మెరుగ్గా ఆడలేదు. కానీ.. మిడిలార్డర్‌లో బ్యాటింగ్ చేసిన రోహిత్ శర్మ.. ఒత్తిడిలో సైతం అద్భుతంగా రాణించాడు. ఆ తర్వాత కూడా క్లిష్ట పరిస్థితుల్లో బ్యాటింగ్ చేస్తూ అతను ఐపీఎల్‌లో ఎదిగాడు. అందుకే.. ఇప్పుడు ఐపీఎల్ చరిత్రలోనే అత్యంత విజయవంతమైన కెప్టెన్లలో ఒకడిగా రోహిత్ శర్మ కొనసాగుతున్నాడు’’ అని వీవీఎస్ లక్ష్మణ్ వెల్లడించాడు.



Source link

Leave a Reply

Your email address will not be published. Required fields are marked *