Rohit Sharma: కోహ్లీ, రోహిత్ మధ్య పోటీలేదు.. కానీ హిట్‌మ్యాన్‌కి టైమ్ పట్టింది: బంగర్ – there is no competition between virat kohli and rohit sharma: bangar


భారత కెప్టెన్ విరాట్ కోహ్లీ, వైస్ కెప్టెన్ రోహిత్ శర్మ మధ్య ఎలాంటి పోటీలేదని టీమిండియా మాజీ బ్యాటింగ్ కోచ్ సంజయ్ బంగర్ వెల్లడించాడు. అంతర్జాతీయ క్రికెట్‌లోకి రోహిత్ శర్మ ఎంట్రీ ఇచ్చిన ఏడాది వ్యవధిలోనే విరాట్ కోహ్లీ కూడా అరంగేట్రం చేశాడు. కానీ.. రోహిత్ శర్మ టీమ్‌లో సెటిల్ అవడానికి దాదాపు ఆరేళ్లు సమయం పట్టగా.. విరాట్ కోహ్లీ కేవలం ఏడాదిలోనే జట్టులో రెగ్యులర్ ఆటగాడిగా మారిపోయాడు. గత ఏడాదికాలంగా మూడు ఫార్మాట్లలోనూ రోహిత్, కోహ్లీ పరుగుల వరద పారిస్తున్న విషయం తెలిసిందే.

టీమిండియాలో విరాట్ కోహ్లీ, రోహిత్ శర్మ మధ్య పోటీ ఉందా..? అని సంజయ్ బంగర్‌ని ఓ ఇంటర్వ్యూలో ప్రశ్నించగా.. అతను సమాధానమిచ్చాడు. ‘‘ఇద్దరు అద్భుతమైన క్రికెటర్లు. తనదైన రోజున ఇద్దరూ మ్యాచ్‌ను గెలుపుగా ముగించగలరు. నాకు తెలిసినంత వరకూ వారి మధ్య ఎలాంటి పోటీ లేదు. కాకపోతే.. రోహిత్ శర్మ ఆలస్యంగా క్లిక్ అయ్యాడు. 2013 వరకూ రోహిత్ శర్మ మిడిలార్డర్‌లోనే ఆడాడు. ఆ సమయంలో 5, 6, 7 స్థానాల్లో బ్యాటింగ్ చేసిన హిట్‌మ్యాన్.. చాలా ఇబ్బందుల్ని ఎదుర్కొన్నాడు. కొన్ని సందర్భాల్లో బంతిని సరిగా అంచనా వేయలేక వికెట్లు సమర్పించుకున్నాడు. అయితే.. ఓపెనర్‌గా మారిన తర్వాత రోహిత్ కెరీర్ ఊపందుకుంది’’ అని బంగర్ వెల్లడించాడు.

2007లో భారత్ జట్టులోకి అరంగేట్రం చేసిన రోహిత్ శర్మ ఇప్పటి వరకూ 39 సెంచరీలు నమోదు చేశాడు. ఇక 2008లో అంతర్జాతీయ క్రికెట్‌లోకి ఎంట్రీ ఇచ్చిన విరాట్ కోహ్లీ ఇప్పటికే 70 శతకాలతో రికార్డులను తిరగరాస్తున్నాడు. అయితే.. వన్డే, టీ20ల్లో విరాట్ కోహ్లీ కంటే రోహిత్ శర్మనే బెస్ట్ బ్యాట్స్‌మెన్ అని మాజీ క్రికెటర్లు అభిప్రాయపడుతున్నారు.



Source link

Leave a Reply

Your email address will not be published. Required fields are marked *