Rohit Sharma: టచ్‌లోకి రావాలంటే కాస్త టైమ్ పడుతుంది: రోహిత్ శర్మ – post-lockdown, rohit sharma admitted that adjusting to the pace of the game will be difficult


కరోనా వైరస్ కారణంగా క్రికెట్‌కి పూర్తిగా దూరమైన ఆటగాళ్లు మళ్లీ టచ్‌లోకి రావాలంటే కనీసం నెలన్నర సమయం పడుతుందని భారత స్టార్ ఓపెనర్ రోహిత్ శర్మ అంచనా వేశాడు. దేశంలో లాక్‌డౌన్ విధించడంతో ఇంటి దగ్గరే ఉంటున్న క్రికెటర్లు.. ఫిజికల్‌గా మాత్రం బాడీని ఫిట్‌గా ఉంచుకునే ప్రయత్నం చేస్తున్నారు. కానీ.. బ్యాటింగ్, బౌలింగ్, ఫీల్డింగ్ పరంగా మాత్రం ఎలాంటి ప్రాక్టీస్ చేయడం లేదు. దీంతో.. మళ్లీ మైదానంలోకి అడుగుపెట్టిన తర్వాత కుదురుకోవడానికి కాస్త టైమ్ పడుతుందని రోహిత్ శర్మ చెప్పుకొచ్చాడు.

భారత ఫాస్ట్ బౌలర్ మహ్మద్ షమీతో సోషల్ మీడియా ప్లాట్‌ఫామ్ ద్వారా రోహిత్ శర్మ మాట్లాడుతూ ‘‘బ్యాట్స్‌మెన్‌లు బంతిని చక్కగా బ్యాట్‌కి మిడిల్ చేయాలంటే కనీసం నెలన్నర సమయం పడుతుంది. బ్యాటింగ్ సమయంలో బ్యాట్స్‌మెన్‌ కంటి- చేతి సమన్వయం చాలా కీలకం. అది చక్కగా కుదిరినప్పుడే ఫర్‌ఫెక్ట్‌గా షాట్ ఆడగలరు. లేకపోతే అంతర్జాతీయ స్థాయిలో గంటకి 140కిమీ వేగంతో బంతుల్ని విసిరే బౌలర్లని ఎదుర్కోవడం చాలా కష్టం. ఇప్పటికే దాదాపు మూడు నెలలుగా ఆటగాళ్లు క్రికెట్‌కి దూరంగా ఉండిపోయారు. కాబట్టి.. మళ్లీ అంతర్జాతీయ మ్యాచ్‌లు ఆడాలంటే ప్రాక్టీస్ చాలా అవసరం’’ అని రోహిత్ శర్మ వెల్లడించాడు.

వాస్తవానికి షెడ్యూల్ ప్రకారం ఇప్పుడు ఐపీఎల్ 2020 సీజన్ మ్యాచ్‌లు జరుగుతూ ఉండాల్సింది. మార్చి 29 నుంచి ఐపీఎల్ సీజన్ ప్రారంభంకావాల్సి ఉండగా.. కరోనా వైరస్ కారణంగా ఈ టోర్నీని బీసీసీఐ నిరవధికంగా వాయిదా వేసేసింది. దేశంలో పరిస్థితులు ఇప్పటికీ అదుపులోకి రాకపోవడంతో.. ఇప్పట్లో టోర్నీ జరిగే సూచనలు కూడా ఏమీ కనిపించడం లేదు.



Source link

Leave a Reply

Your email address will not be published. Required fields are marked *