Rohit Sharma: రాజీవ్‌గాంధీ ఖేల్‌రత్న అవార్డుకి రోహిత్ శర్మ నామినేట్ – bcci nominates rohit sharma for rajiv gandhi khel ratna award


టీమిండియా స్టార్ ఓపెనర్ రోహిత్ శర్మ ప్రతిష్ఠాత్మక ‘రాజీవ్‌గాంధీ ఖేల్‌రత్న అవార్డు’కి నామినేట్ అయ్యాడు. 2019లో వన్డే, టీ20లతో పాటు టెస్టుల్లోనూ పరుగుల వరద పారించిన రోహిత్ శర్మ పేరుని ఖేల్‌రత్న అవార్డుకి భారత క్రికెట్ నియంత్రణ మండలి (బీసీసీఐ) నామినేట్ చేస్తున్నట్లు శనివారం ప్రకటించింది. అలానే అర్జున అవార్డుకి మరో ఓపెనర్ శిఖర్ ధావన్, ఫాస్ట్ బౌలర్ ఇషాంత్ శర్మ, మహిళా క్రికెటర్ దీప్తి శర్మ నామినేట్ అయ్యారు.

Read More: IPL: ధోనీ విషయంలో ధైర్యం చేయలేకపోయిన RCB
2019 వన్డే ప్రపంచకప్‌లో ఐదు సెంచరీలు నమోదు చేసిన రోహిత్ శర్మ.. 9 మ్యాచ్‌ల్లో ఏకంగా 648 పరుగులు చేశాడు. రోహిత్ మరో 25 పరుగులు చేసింటే..? ఒక వరల్డ్‌కప్‌లో అత్యధిక పరుగులు చేసిన బ్యాట్స్‌మెన్‌గా నిలిచేవాడు. 2003 వన్డే ప్రపంచకప్‌లో సచిన్ టెండూల్కర్ 673 పరుగులు చేసిన విషయం తెలిసిందే. అయితే.. 2019 వన్డే ప్రపంచకప్‌లో ఐదు సెంచరీలు బాదడం ద్వారా.. ఒకే ప్రపంచకప్‌లో అత్యధిక శతకాలు నమోదు చేసిన క్రికెటర్‌గా అతను ఘనత సాధించాడు. అలానే అంతర్జాతీయ టీ20ల్లో నాలుగు సెంచరీలు బాదిన ఏకైక బ్యాట్స్‌మెన్‌గా రోహిత్ కొనసాగుతున్నాడు.

Read More:
2018లో అర్జున్ అవార్డుని కొద్దిలో చేజార్చుకున్న ఓపెనర్ శిఖర్ ధావన్‌ పేరుని మరోసారి బీసీసీఐ నామినేట్ చేసింది. ఐసీసీ ఛాంపియన్స్‌ ట్రోఫీలో వరుసగా రెండు సార్లు గోల్డెన్ బ్యాట్‌ని అందుకున్న గబ్బర్.. అరంగేట్రం టెస్టులో వేగంగా సెంచరీ బాదిన క్రికెటర్‌గా ఇప్పటికీ రికార్డుల్లో కొనసాగుతున్నాడు. ఇక ఫాస్ట్ బౌలర్ ఇషాంత్ శర్మ సుదీర్ఘకాలంగా టెస్టుల్లో నిలకడగా రాణిస్తుండగా.. దీప్తి శర్మ ఇటీవల ఆస్ట్రేలియా వేదికగా ముగిసిన ఉమెన్స్ టీ20 వరల్డ్‌కప్‌లో భారత్ జట్టు ఫైనల్‌కి చేరడంలో క్రియాశీలక పాత్ర పోషించింది.



Source link

Leave a Reply

Your email address will not be published. Required fields are marked *