షాక్.. రోహిత్ (264*) వ‌న్డేల్లో హైయెస్ట్ స్కోరు కాదా! –

ప‌రిమిత ఓవ‌ర్ల‌ క్రికెట్ సిరీస్‌లో భార‌త వైస్ కెప్టెన్ రోహిత్ శర్మ విధ్వ‌సంక‌ర‌ బ్యాట్స్‌మ‌న్‌గా గుర్తింపు ఉంది. వ‌న్డేల్లో మూడు డబుల్ సెంచరీలు చేసిన ఏకైక వ్యక్తి రోహితే కావడం విశేషం.

Subani Shaik |
Samayam Telugu | Updated:

India’s Rohit Sharma

వన్డేల్లో అత్యధిక స్కోరు అనగానే మనందరి మదిలో భారత వైట్‌బాల్‌ క్రికెట్ వైస్ కెప్టెన్ రోహిత్ శ‌ర్మ అంద‌రికీ గుర్తుకు వ‌స్తాడు. గతంలో శ్రీలంకపై రోహిత్ సాధించిన 264 పరుగుల విధ్వంసక‌ర ఇన్నింగ్స్ అంద‌రి మదిలో మెదులుతుంది. ఆ మ్యాచ్‌లో రోహిత్ విధ్వంస‌క‌రంగా ఆడ‌టంతో భారత్ భారీ స్కోరు సాధించింది అనంతరం ప్ర‌త్య‌ర్థిని చిత్తుగా ఓడించింది. అయితే వ‌న్డే ఫార్మాట్‌లో రోహిత్‌ది అత్యధిక స్కోరు కాదని తెలుస్తోంది. ఇంగ్లాండ్‌కు చెందిన ఆలీస్ట‌ర్‌ బ్రౌన్ అనే వ్యక్తి 268 పరుగులతో ఓవరాల్‌గా వ‌న్డేల్లో టాప్ స్కోర్‌ సాధించిన ప్లేయ‌ర్‌గా నిలిచాడు. 2002లో స‌ర్రే-గ్లామోర్గ‌న్ జ‌ట్ల మ‌ధ్య‌ జరిగిన మ్యాచ్‌లో అతను రెచ్చిపోయి ఈ అత్యధిక స్కోరు సాధించాడు.


Read Also: ఆసియాకప్ నిర్వ‌హ‌ణ‌పై సందిగ్ధం!

ఇంగ్లీష్ ట్రోఫీలో భాగంగా గ్లామెర్గాన్‌తో జరిగిన మ్యాచ్‌లో బ్రౌన్‌ దుమ్మురేపాడు. ఈ మ్యాచ్‌లో 12 సిక్సర్లు, 30 ఫోర్లు బాదడంతో స‌త్తాచాటాడు. దీంతో స‌ర్రే 438 ప‌రుగుల‌ భారీ స్కోరు చేసింది. అనంతరం గ్లామోర్గాన్ జట్టు 428 పరుగులు చేసి, ప‌ది ప‌రుగుల‌తో ఓడిపోయింది. మరోవైపు వన్డే ఫార్మాట్లలో మూడు డ‌బుల్‌ సెంచరీలు చేసిన రికార్డు హిట్‌మ్యాన్ పేరుపై ఉంది.

Read Also: ఎంఎస్ ధోనీ మెరుపు రనౌట్‌కు నాలుగేళ్లు

మరోవైపు వన్డేల్లో డబుల్ సెంచరీని తొలిసారిగా భారత లెజెండరీ క్రికెటర్ సచిన్ టెండూల్కర్ 2010లో సాధించాడు. సౌత్ ఆఫ్రికాతో జరిగిన మ్యాచ్‌లో తాను ఈ ఫీట్ నమోదు చేశాడు. సచిన్‌తోపాటు వీరేంద్ర సెహ్వాగ్, రోహిత్ శర్మ, క్రిస్ గేల్, మార్టిన్ గుప్తిల్, ఫ‌ఖార్ జ‌మాన్‌లాంటివారు వన్డేల్లో డబుల్ సెంచరీలు చేసిన జాబితాలో ఉన్నారు. మ‌రోవైపు క‌రోనా వైరస్ కారణంగా ప్రస్తుతం ఇంటికే పరిమితమైన రోహిత్ శర్మ.. నిజానికి ఈ స‌మ‌యానికి ఇండియన్ ప్రీమియర్ లీగ్‌లో బ‌రిలోకి దిగాల్సి ఉంది.

Telugu News App ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Web Title shocking.., indian cricketer rohit sharma’s 264 is not the highest individual score in od format

(Telugu News from Samayam Telugu , TIL Network)

Source link

Leave a Reply

Your email address will not be published. Required fields are marked *